မန်ယူအသင်းအနေနဲ့ စီရော်နယ်ဒိုကို ရက်ပိုင်းအတွင်းမှာပဲ အသင်းကနေ ထုတ်ပယ်ဖို့လိုအပ် ကြောင်း နောက်ခံလူဟောင်း ဂယ်ရီနဗီးလ်က တိုက်တွန်းပြောကြားလိုက်ပါတယ်။ ရော်နယ်ဒိုဟာ ပီယာ့စ်မော်ဂန်နဲ့ အင်တာဗျူးမှာ အသင်းတာဝန်ရှိသူတွေရဲ့ သစ္စာဖောက်တာ ခံခဲ့ရတယ်လို့ လူသိရှင်ကြားဝေဖန်ခဲ့တာပါ။ ရော်နယ်ဒိုဟာ အသင်းဆီကို ပြန်လာဖို့ဆန္ဒရှိမယ်ဆိုရင် အင်တာဗျူးမှာ ဝေဖန်ခဲ့မှာမဟုတ်ဘဲ အသင်းဆီပြန်လာဖို့ မရှိလို့သာ အဲဒီလိုစကားပြောခဲ့တာဖြစ်ကြောင်း နဗီးလ် ကပြောပါတယ်။
ကမ္ဘာ့ဘောလုံးအဖွဲ့ချုပ်(FIFA) ဥက္ကဋ္ဌ အင်ဖန်တီနိုက ယူကရိန်းအပေါ်တိုက်ခိုက်နေသည့် ရုရှား၏ကျူးကျော်စစ်နှင့် ပတ်သက်ပြီး ကမ္ဘာ့ဖလားကာလအတွင်း တစ်လတာ ယာယီအပစ်အခတ်ရပ်စဲထားရန် တောင်းဆိုခဲ့ကြောင်း သိရသည်။ အင်ဖန်တီနိုသည် အင်ဒိုနီးရှားနိုင်ငံ၌ ပြုလုပ်နေသည့် G20 ထိပ်သီးအစည်းအဝေးတွင် ယင်းကဲ့သို့ တောင်းဆိုခဲ့ခြင်းဖြစ်ကြောင်း သိရသည်။ ၎င်းက ” ဘောလုံးက အားလုံးကောင်းကျိုးအတွက်ပါ။ ကျွန်တော်တို့ရဲ့ အဓိကအလုပ်က ဘောလုံးအပေါ် အာရုံစိုက်ထားဖို့ဆိုတာကိုလည်း သိပါတယ်။ ဒါပေမဲ့ ဘောလုံးက ကမ္ဘာကို ပေါင်းစည်းနိုင်ပါတယ်။ ရုရှားက ၂၀၁၈ ကမ္ဘာ့ဖလားကို လက်ခံကျင်းပခဲ့ပြီး ယူကရိန်းက ၂၀၃၀ ကမ္ဘာ့ဖလားကို အိမ်ရှင်အဖြစ် လက်ခံကျင်းပဖို့ လျှောက်ထားပါတယ်။ အခု ကမ္ဘာ့ဖလားက စတော့မှာပါ။ ကမ္ဘာ့ဖလားကာလအတွင်း တစ်လ ယာယီအပစ်အခတ်ရပ်စဲထားဖို့ ကမ္ဘာ့ခေါင်းဆောင်တွေကို တောင်းဆိုပါတယ်”ဟု ပြောကြားခဲ့သည်။
မြန်မာနိုင်ငံဘောလုံးအဖွဲ့ချုပ်၊ မြန်မာနေရှင်နယ်လိဂ်ကော်မတီက ကြီးမှူးကျင်းပသော Myanmar National League 2022 ပြိုင်ပွဲ၏ အမှတ်ပေးချန်ပီယံဆုအား ရှမ်းယူနိုက်တက်အသင်းက သုံးနှစ်ဆက်ရရှိခဲ့သည်။
ဆုချီးမြှင့်ပွဲအခမ်းအနားကို ရာသီပိတ်နောက်ဆုံးပွဲစဥ်ဖြစ်သည့် ယနို၀င်ဘာ ၁၆ ရက် ညနေပိုင်းတွင် ရှမ်းယူနိုက်တက် (၁-၀) ISPE ပွဲစဥ်အပြီး သုဝဏ္ဏဘောလုံးကွင်း၌ ကျင်းပပြုလုပ်ခဲ့သည်။
မန်ယူအသင်းနည်းပြတန်ဟတ်ဂ်ဟာ ရော်နယ်ဒိုနဲ့ ပြဿနာ တက်နေပေမဲ့ ဥရောပဘောလုံးအဖွဲ့ချုပ်က ကျင်းပတဲ့ နည်းပြဖိုရမ်ဆွေးနွေးပွဲကို တက်ရောက်ခဲ့ပါတယ်။
မန်ယူတိုက်စစ်မှူးရော်နယ်ဒိုဟာ နည်းပြတန်ဟတ်ဂ်ကို လေးစားမှုမရှိကြောင်း လူသိရှင်ကြား ဝေဖန်ခဲ့တာဖြစ်ပြီး နည်းပြတန်ဟတ်ဂ်ကလည်း သူ့အပေါ် လေးစားမှုမရှိကြောင်း စွပ်စွဲခဲ့တာပါ။
နည်းပြတန်ဟတ်ဂ်အနေနဲ့ ရော်နယ်ဒိုရဲ့အနာဂတ်နဲ့ ပတ်သက်ပြီး အပြီးသတ် ဆုံးဖြတ်ရမယ့်အချိန် ရောက်ရှိနေပေမယ့် ဥရောပနည်းပြဖိုရမ်ကို အပြုံးတွေနဲ့ တက်ရောက်ခဲ့ပါတယ်။
မန်စီးတီးအသင်းက ကမ္ဘာ့ဖလားအတွက် နားနေချိန်မှာ သူတို့ရဲ့တိုက်စစ်မှူး ဟာလန်းကို အငှားချထားဖို့ ဗြိတိန်သတ္တမတန်းလိဂ်မှ အက်ရှ်တန်ယူနိုက်တက်အသင်းက ပြောနေပါတယ်။
နော်ဝေးက ကမ္ဘာ့ဖလား ခြေစစ်ပွဲမအောင်ခဲ့လို့ တိုက်စစ်မှူး ဟာလန်း ကစားခွင့်ရမှာမဟုတ်ပါဘူး။ ဟာလန်းကို ကြံ့ခိုင်မှု ရှိစေဖို့ သူတို့ အသင်းကို အငှားချထားပေးဖို့ အက်ရှတန်အသင်းက ပြောတာ ဖြစ်ပါတယ်။
ထိုင်းလက်ရွေးစင် အသင်းနှင့် ဖီဖာ နိုင်ငံတကာ ခြေစမ်းပွဲကစားရန်အတွက် မြန်မာ့လက်ရွေးစင် အသင်းသည် နို၀င်ဘာ ၁၈ ရက်မှ စ၍ လေ့ကျင့်မှုများပြုလုပ်မည်ဖြစ်ကြောင်း သိရသည်။
နည်းပြချုပ် အန်တွမ်နီဟေး တာဝန်ယူထားသည့် ပဏာမ မြန်မာ့လက်ရွေးစင် အသင်းသည် ထိုင်းလက်ရွေးစင် အသင်းနှင့် ဖီဖာ နိုင်ငံတကာ ခြေစမ်းပွဲကို လာမည့် ဒီဇင်ဘာ ၁၁ ရက်နေ့၌ ဘန်ကောက်မြို့တွင် ယှဉ်ပြိုင်ကစားမည်ဖြစ်သည်။
အင်တာဗျူးတစ်ခုမှာ ရော်နယ်ဒိုရဲ့ ပြောဆိုခဲ့တဲ့ မှတ်ချက်စကားတွေအပေါ် မန်ယူအသင်းက အရေးယူမှု ပြုလုပ်သွားမယ်လို့ နိုဝင်ဘာ ၁၄ ရက်မှာ သတင်း ထုတ်ပြန်ခဲ့ပါတယ်။
ရော်နယ်ဒိုဟာ နာမည်ကျော် အစီအစဉ်တင်ဆက်သူ ပီယာ့စ်မော်ဂန်နဲ့ အင်တာဗျူးပြုလုပ်ခဲ့ပြီး မန်ယူအသင်း တာဝန်ရှိသူတွေနဲ့ နည်းပြ တန်ဟတ်ဂ်တို့ဟာ သူ့အပေါ် သစ္စာဖောက်ခဲ့ကြပြီး အသင်းကနေ ထွက်ခွါဖို့ ဖိအားပေးခဲ့ကြောင်း ရော်နယ်ဒိုက လူသိထင်ရှားပြောခဲ့တာပါ။
ဖီဖာကမ္ဘာ့ဖလားချန်ပီယံဆုဟာ ၂၀၂၂ ကမ္ဘာ့ဖလားပြိုင်ပွဲကို အိမ်ရှင်အဖြစ်ကျင်းပမယ့် ကာတာနိုင်ငံဆီ ရောက်ရှိလာပြီ ဖြစ်ပါတယ်။ ပြိုင်ပွဲမစတင်ခင် ကမ္ဘာတစ်ဝန်းက နိုင်ငံပေါင်း ၅၁ နိုင်ငံဆီ လှည့်လည်ပြသခဲ့တဲ့ ကမ္ဘာ့ဖလားချန်ပီယံဆုဟာ တနင်္ဂနွေနေ့မှာတော့ ဒိုဟာမြို့က ဟာမက် နိုင်ငံတကာလေဆိပ်ဆီ ရောက်ရှိ လာခဲ့တာပါ။ ပြီးခဲ့တဲ့ ဩဂုတ် ၁၉ ရက်ကစတင်ပြီး ကမ္ဘာ့ဖလားချန်ပီယံဆုကို ဆွစ်ဇာလန်နိုင်ငံမှာ စတင်လှည့် လည်ပြသခဲ့သလို ဥရုဂွေးနိုင်ငံမှာ ခရီးစဉ်အဆုံးသတ်ခဲ့တာ ဖြစ်ပါတယ်။ နိုင်ငံပေါင်း ၃၂ နိုင်ငံရဲ့ လက်ရွေးစင် အသင်းတွေ ပါဝင်ယှဉ်ပြိုင်မယ့် ၂၀၂၂ ကမ္ဘာ့ဖလားပြိုင်ပွဲကို နိုဝင်ဘာ ၂၀ ရက်မှာ စတင်ကျင်းပတော့မှာပါ။ အိမ်ရှင် ကာတာအသင်းကတော့ လာမယ့် တနင်္ဂနွေနေ့မှာ ပြိုင်ပွဲရဲ့အဖွင့်ပွဲအဖြစ် အီကွေဒေါနဲ့ယှဉ်ပြိုင်သွားမှာ ဖြစ်ပါတယ်။
The Great Lethwei(TGL) က ဦးဆောင်၍ နာမည်ကြီးရိုးရာလက်ဝှေ့သမားများဖြစ်သော စိုးလင်းဦးနှင့် သွေးသစ်ဝင်းလှိုင်တို့ အဓိကယှဉ်ပြိုင်ထိုးသတ်မည့် တွဲဆိုင်း ၈ ဆိုင်းပါ မြန်မာ့ရိုးရာလက်ဝှေ့ပြိုင်ပွဲကို လာမည့်နိုဝင်ဘာ ၂၇ ရက်တွင် ကျင်းပပြုလုပ်မည်ဖြစ်ကြောင်း သိရသည်။
ဒီနှစ် ကာတာကမ္ဘာ့ဖလား ပြိုင်ပွဲပြီးလို့ နောက်လာမယ့် ကမ္ဘာ့ဖလားမှာ သူ့အနေနဲ့ ဘရာဇီးကို ကိုယ်စားပြုခွင့်ရမလားဆိုတာကို နေမာ က မသေမချာ ဖြစ်နေပါတယ်။
ပီအက်စ်ဂျီ တိုက်စစ်မှူး က ကာတာမှာ သူ့ရဲ့ သုံးကြိမ်မြောက် ကမ္ဘာ့ဖလားမှာ ပါဝင်ကစားမှာဖြစ်ကာ ဘရာဇီး ကို နှစ်ပေါင်း ၂၀ အတွင်း ပထမဆုံးအကြိမ် ပြန်ပြီး ကမ္ဘာ့ချန်ပီယံဖြစ်အောင် ကူညီဖို့ ကြိုးစားမှာ ဖြစ်ပါတယ်။
