အာဆင်နယ်နှင့်ပွဲအတွက် ကစားသမားများကို အနားပေးထားမည် ဟု မော်ရင်ဟိုပြော
တနင်္ဂနွေနေ့တွင် အာဆင်နယ်အသင်းနှင့် သွားကစားရမည့် ပရီးမီးယားလိဂ်ပွဲအတွက် ကစားသမားများကို အနားပေးထားမည်ဟု မန်ချက်စတာယူနိုက်တက် နည်းပြ မော်ရင်ဟိုက ပြောသည်။
ကြာသပတေးညက ယူရိုပါလိဂ်ဆီမီးဖိုင်နယ် ပထမအကျော့တွင် ဆယ်လ်တာဗီဂိုကွင်း၌ ၁-၀ ဂိုးဖြင့် အနိုင်ရ သည့်ပွဲမှာ ယူနိုက်တက်အတွက် ဧပြီ ၁ရက်နေ့မှ စတင်ရေတွက်လျှင် ၁၀ ပွဲမြောက် ပွဲစဉ်ဖြစ်သည်။
မော်ရင်ဟို၏အသင်းမှာ ပရီးမီးယားလိဂ် အဆင့် ၅ နေရာတွင်ရပ်တည်နေရာ လာမည့်ရာသီ ချန်ပီယံလိဂ် ဝင်ခွင့်ရရန် ယူရိုပါလိဂ်က အကောင်းဆုံးအခွင့်အရေးဖြစ်နေသည်။
“မိနစ်ပေါင်းများစွာကစားထားရတဲ့ ကစားသမားတွေဟာ ရက်သတ္တပတ်ကုန်မှာ ပွဲကစားမှာမဟုတ်ပါဘူး”ဟု မော်ရင်ဟိုက ပြောသည်။
ရက်ရ်ှဖို့ဒ်၏ ဖရီးကစ်ဂိုးမှာ စပိန်တွင်ယူနိုက်တက်ကိုနိုင်ပွဲရယူပေးခဲ့ပြီး နောက်တစ်ပတ်ကြာသပတေးနေ့တွင် အိုးထရက်ဖို့၌ ပြန်လည်ကစားရမည့် ဒုတိယအကျော့အတွက်လည်း အဝေးဂိုးတစ်ဂိုးရစေခဲ့သည်။
အကယ်၍ မေ ၂၄ တွင် စတော့ဟုမ်း၌ကစားမည့် ဗိုလ်လုပွဲသို့တက်ရောက်နိုင်ခဲ့ပါက ယူနိုက်တက်အတွက် လက်ရှိရာသီ ၆၄ ပွဲ မြောက်ပွဲဖြစ်လာမည်ဖြစ်သည်။
Ref; BBC
