အင်္ဂလန်ဘောလုံးအဖွဲ့ချုပ် (FA) က ဒီလအစောပိုင်းက ကစားခဲ့တဲ့ ပရီးမီးယားလိဂ်ပွဲစဉ် မန်ယူ ၃-၂ နယူးကာဆယ်ပွဲအပြီး ပြောဆိုခဲ့တဲ့ မသင့်တော်တဲ့ စကားလုံးတွေအတွက် မန်ယူနည်းပြ မော်ရင်ဟိုကို အင်္ဂါနေ့က စွဲချက်တင်ခဲ့ပါတယ်။
အက်ဖ်အေရဲ့ ထုတ်ပြန်ချက်မှာ အောက်တိုဘာ ၆ ရက်က မန်ယူနှင့် နယူးကာဆယ်ပွဲစဉ်ပြီးဆုံးချိန် မော်ရင်ဟိုဟာ ဥမင်အတွင်း ဝင်ရောက်ခဲ့စဉ်မှာ ရိုက်ကူးရေး တီဗွီကင်မရာဘက်ကို လှည့်ပြီး ရိုင်းစိုင်းပြီး မသင့်တော်တဲ့ စကားတွေကို ပြောဆိုခဲ့တယ်လို့ ရှင်းပြခဲ့ပါတယ်။