အင္ဒိုနီးရွားမီးေတာင္ေပါက္ကြဲခဲ့ၿပီး လူဦးေရ ၁၂၀၀၀ ေက်ာ္ကို ေဘးလြတ္ရာ ေရႊ႕ေျပာင္း
အင္ဒိုနီးရွားနိုင္ငံ Ruang မီးေတာင္ အဂၤါေန႔မွာ ေပါက္ကြဲခဲ့ၿပီး မီးေတာင္ဝကေန ေခ်ာ္ရည္ေတြျဖာထြက္ကာ လၽွပ္စီးလက္မႈေတြျဖစ္ေပၚေနခဲ့ၿပီး အာဏာပိုင္ေတြက သတိေပးခ်က္အဆင့္ျမႇင့္ခဲ့ကာ ကၽြန္းအနီးေနထိုင္ၾကတဲ့ လူဦးေရ ၁၂၀၀၀ ေက်ာ္ကို ေဘးလြတ္ရာေရႊ႕ေျပာင္းေပးခဲ့ေၾကာင္း သိရပါတယ္။
သမုဒၵရာအတြင္းကို မီးေတာင္အပိုင္းအစေတြၿပိဳက်မႈေၾကာင့္ ဆူနာမီျဖစ္ေပၚလာနိုင္တယ္လို႔ မီးေတာင္ေဗဒနဲ႔ ဘူမိေဗဒ အႏၲရာယ္ေလၽွာ့ခ်ေရးစင္တာက Tagulandang ကၽြန္းေဒသခံေတြကို သတိေပးထားပါတယ္။
မနက္အေစာပိုင္းမွာ ေပါက္ကြဲမႈျဖစ္ခဲ့ၿပီးေနာက္ ယင္းစင္တာက သတိေပးခ်က္ကို အျမင့္ဆုံးအဆင့္သတ္မွတ္ခဲ့ၿပီး မီးေတာင္အနီးအနားကို သြားေရာက္ျခင္း မျပဳၾကဖို႔ ေဒသခံေတြကို တိုက္တြန္းခဲ့ပါတယ္။
မီးေတာင္တည္ရွိရာ Ruang ကၽြန္းေပၚမွာ ေနထိုင္တဲ့ ေဒသခံ ၈၄၃ ဦးစလုံးကို ေျမာက္ဆူလာေဝစီျပည္နယ္ ၿမိဳ႕ေတာ္ မာနာဒိုကို ေရႊ႕ေျပာင္းေပးထားတယ္လို႔ အင္ဒိုနီးရွား သဘာဝေဘးေလၽွာ့ခ်ေရးေအဂ်င္စီက ေျပာဆိုပါတယ္။ ဒါ့အျပင္ Tagulandang ကၽြန္းေပၚက ေဒသခံေတြကိုလည္း ယင္းေျမာက္ဖက္ ဆိုအာယုကၽြန္းကို ေရႊ႕ေျပာင္းေပးထားတယ္လို႔ ဆိုပါတယ္။
ယခုလအေစာပိုင္းမွာ မီးေတာင္ေပါက္ကြဲမႈေတြ ဆက္တိုက္စတင္ျဖစ္ေပၚခဲ့ၿပီး လူရာေပါင္းမ်ားစြာကို ေဘးလြတ္ရာ ေရႊ႕ေျပာင္းေပးခဲ့ရကာ ျပည္နယ္ၿမိဳ႕ေတာ္ မာနာဒိုရွိ ေလဆိပ္ကိုလည္း ပိတ္ခဲ့ရပါတယ္။ ယင္းေပါက္ကြဲမႈေၾကာင့္ ေနအိမ္အခ်ိဳ႕ ထိခိုက္ပ်က္စီးမႈလည္းျဖစ္ေပၚခဲ့ပါတယ္။ ယင္းအခ်ိန္ကလည္း မီးေတာင္ေဗဒ႒ာနက ဆူနာမီသတိေပးခ်က္ ထုတ္ျပန္ခဲ့တာျဖစ္ပါတယ္။
လက္ရွိ ေပါက္ကြဲမႈ မီးခိုးထုဟာ အျမင့္ ၃.၁ မိုင္အထိ ေရာက္ရွိခဲ့ၿပီး က်န္ရွိေနတဲ့ ေဒသခံေတြအေနနဲ႔ မီးေတာင္ကေန အခ်င္း ၇ ကီလိုမီတာအကြာသို႔ ေရႊ႕ေျပာင္းေနထိုင္ၾကဖို႔ မီးေတာင္ေဗဒေအဂ်င္စီက ေျပာဆိုခဲ့ၿပီး ေပါက္ကြဲမႈေတြ ထပ္မံျဖစ္ေပၚနိုင္တယ္လို႔ သတိေပးခဲ့ပါတယ္။
Ref: aawsat.com
======
အင်ဒိုနီးရှားမီးတောင်ပေါက်ကွဲခဲ့ပြီး လူဦးရေ ၁၂၀၀၀ ကျော်ကို ဘေးလွတ်ရာ ရွှေ့ပြောင်း
အင်ဒိုနီးရှားနိုင်ငံ Ruang မီးတောင် အင်္ဂါနေ့မှာ ပေါက်ကွဲခဲ့ပြီး မီးတောင်ဝကနေ ချော်ရည်တွေဖြာထွက်ကာ လျှပ်စီးလက်မှုတွေဖြစ်ပေါ်နေခဲ့ပြီး အာဏာပိုင်တွေက သတိပေးချက်အဆင့်မြှင့်ခဲ့ကာ ကျွန်းအနီးနေထိုင်ကြတဲ့ လူဦးရေ ၁၂၀၀၀ ကျော်ကို ဘေးလွတ်ရာရွှေ့ပြောင်းပေးခဲ့ကြောင်း သိရပါတယ်။
သမုဒ္ဒရာအတွင်းကို မီးတောင်အပိုင်းအစတွေပြိုကျမှုကြောင့် ဆူနာမီဖြစ်ပေါ်လာနိုင်တယ်လို့ မီးတောင်ဗေဒနဲ့ ဘူမိဗေဒ အန္တရာယ်လျှော့ချရေးစင်တာက Tagulandang ကျွန်းဒေသခံတွေကို သတိပေးထားပါတယ်။
မနက်အစောပိုင်းမှာ ပေါက်ကွဲမှုဖြစ်ခဲ့ပြီးနောက် ယင်းစင်တာက သတိပေးချက်ကို အမြင့်ဆုံးအဆင့်သတ်မှတ်ခဲ့ပြီး မီးတောင်အနီးအနားကို သွားရောက်ခြင်း မပြုကြဖို့ ဒေသခံတွေကို တိုက်တွန်းခဲ့ပါတယ်။
မီးတောင်တည်ရှိရာ Ruang ကျွန်းပေါ်မှာ နေထိုင်တဲ့ ဒေသခံ ၈၄၃ ဦးစလုံးကို မြောက်ဆူလာဝေစီပြည်နယ် မြို့တော် မာနာဒိုကို ရွှေ့ပြောင်းပေးထားတယ်လို့ အင်ဒိုနီးရှား သဘာဝဘေးလျှော့ချရေးအေဂျင်စီက ပြောဆိုပါတယ်။ ဒါ့အပြင် Tagulandang ကျွန်းပေါ်က ဒေသခံတွေကိုလည်း ယင်းမြောက်ဖက် ဆိုအာယုကျွန်းကို ရွှေ့ပြောင်းပေးထားတယ်လို့ ဆိုပါတယ်။
ယခုလအစောပိုင်းမှာ မီးတောင်ပေါက်ကွဲမှုတွေ ဆက်တိုက်စတင်ဖြစ်ပေါ်ခဲ့ပြီး လူရာပေါင်းများစွာကို ဘေးလွတ်ရာ ရွှေ့ပြောင်းပေးခဲ့ရကာ ပြည်နယ်မြို့တော် မာနာဒိုရှိ လေဆိပ်ကိုလည်း ပိတ်ခဲ့ရပါတယ်။ ယင်းပေါက်ကွဲမှုကြောင့် နေအိမ်အချို့ ထိခိုက်ပျက်စီးမှုလည်းဖြစ်ပေါ်ခဲ့ပါတယ်။ ယင်းအချိန်ကလည်း မီးတောင်ဗေဒဋ္ဌာနက ဆူနာမီသတိပေးချက် ထုတ်ပြန်ခဲ့တာဖြစ်ပါတယ်။
လက်ရှိ ပေါက်ကွဲမှု မီးခိုးထုဟာ အမြင့် ၃.၁ မိုင်အထိ ရောက်ရှိခဲ့ပြီး ကျန်ရှိနေတဲ့ ဒေသခံတွေအနေနဲ့ မီးတောင်ကနေ အချင်း ၇ ကီလိုမီတာအကွာသို့ ရွှေ့ပြောင်းနေထိုင်ကြဖို့ မီးတောင်ဗေဒအေဂျင်စီက ပြောဆိုခဲ့ပြီး ပေါက်ကွဲမှုတွေ ထပ်မံဖြစ်ပေါ်နိုင်တယ်လို့ သတိပေးခဲ့ပါတယ်။
Ref: aawsat.com
