NASA က အာကာသယာဉ်မှူးတွေကို ၄၅ ရက်ထဲနဲ့ အင်္ဂါဂြိုလ်ကို ပို့ဆောင်နိုင်တဲ့ နယူးကလီးယား စွမ်းအင်သုံး ဒုံးပျံ အင်ဂျင်ကို ဖန်တီးမယ့် စီမံကိန်းကို ကြေညာလိုက်ပါတယ်။
NASA က ပန်တဂွန်ရဲ့ Defense Advanced Research Projects Agency (DARPA) နဲ့ ပူးပေါင်းကာ အဲဒီ ဒုံးပျံကို တည်ဆောက်မှာ ဖြစ်ပြီး ၂၀၂၇ ခုနှစ်မှာ အောင်မြင်စွာ တီထွင် အသုံးပြုနိုင်မယ်လို့ ခန့်မှန်းထားပါတယ်။
Counterpoint Research က iPhone 14 Pro Max ရဲ့ ထုတ်လုပ်မှုကုန်ကျစားရိတ်ဟာ ၄၅၄ ဒေါ်လာပဲ ရှိတယ်လို့ ပြောပါတယ်။ iPhone 13 Pro Max ရဲ့ ထုတ်လုပ်မှုကုန်ကျစားရိတ်ထက် ၃.၄ ရာခိုင်နှုန်း ပိုများပါတယ်။
Meta က စီအီးအို Mark Zuckerberg နဲ့ မိသားစုရဲ့ လုံခြုံရေး အသုံးစားရိတ်ကို တိုးမြှင့်ပေးလိုက်ပြီး ဒေါ်လာ ၄ သန်း ကနေ ၁၄ သန်းအထိ တိုးပေးလိုက်တာပါ။ Meta က လိုအပ်တဲ့အတွက် အခုလို တိုးပေးလိုက်တာလို့ ပြောပါတယ်။
5G ကွန်ရက်တွေ ပေါ်ပေါက်လာပြီးနောက်မှာ နောက်မျိုးဆက် 6G နည်းပညာကို စတင် ဖန်တီးနေကြပါပြီ။ လက်ရှိမှာ 5G ကွန်ရက်ကို နိုင်ငံတိုင်းမှာ အသုံးမပြုနိုင်သေးပေမယ့် 6G ကို စတင် သုတေသန ပြုလုပ်နေကြပါပြီ။ 5G လိုပဲ 6G နည်းပညာမှာ တရုတ်က ဦးဆောင်နေပါတယ်။ မတ်လ ၂၂ ရက်ကနေ ၂၄ ရက်အထိ 2023 Global 6G Technology Conference ကို တရုတ်က နန်ဂျင်းမှာ ကျင်းပမှာပါ။ အဲဒီပွဲရဲ့ Theme က “ 6G Integrating the World and Creating the Future Together” ဖြစ်ပါတယ်။
အိန္ဒိယက နည်းပညာဆိုင်ရာ ကျွမ်းကျင်သူ တစ်ယောက် ရေးသားထားတဲ့ ဖုန်းအားသွင်းရာမှာ ရှောင်ကြဉ်သင့်တဲ့ နည်း ၃ မျိုးကို ဖော်ပြလိုက်ပါတယ်။ နံပါတ် တစ်ကတော့ ဖုန်းကာဗာများနဲ့ အားသွင်းတာကို ရှောင်ကြဉ်ရပါမယ်။ အရည်အသွေးညံ့ဖျင်းပြီး ဒီဇိုင်းဆိုးရွားတဲ့ ကာဗာတွေက ဖုန်းဘက်ထရီကို ပိုပြီး ပူစေသလိုအားသွင်းတဲ့ အရာတွေကိုလည်း တဖြည်းဖြည်း ပျက်စီးစေပါတယ်။ နံပါတ် နှစ်ကတော့ နေ့စဉ်တိုင်း fast charger ကို သုံးတာ ရှောင်ရပါမယ်။ ဘက်ထရီရဲ့ စွမ်းဆောင်နိုင်စွမ်းကို တဖြည်းဖြည်း ကျဆင်းနိုင်စေလို့ပါ။ နံပါတ် သုံးကတော့ ဖုန်းဘက်ထရီကို ၅ ရာခိုင်နှုန်းအောက် သုံးပြီးမှ အားသွင်းတာကို ရှောင်ရပါမယ်။ ဖုန်းကို အမြဲတမ်း ၅ရာခိုင်နှုန်းပဲကျန်အောင် သုံးပြီး မှအားသွင်းမယ်ဆိုရင် ဘက်ထရီကို ပိုပြီး ဖိအားပေးရာရောက်ပါမယ်။
အကြမ်းခံ ဖုန်းတွေ ထုတ်လုပ်နေတဲ့ Doogee က 22,000mAh ဘက်ထရီပါတဲ့ Doogee V Max ကို ကြေညာတော့မှာပါ။ အဲဒီဖုန်းကို အားအပြည့်သွင်းထားပြီး Standby ထားရင် နာရီပေါင်း ၂,၃၀၀ အသုံးခံပါတယ်။ ဂိမ်း ကစားရင် ၂၅ နာရီ၊ ဗီဒီယို ကြည့်ရင် ၃၅ နာရီ၊ သီချင်းနားထောင်ရင် ၈၀ နာရီနဲ့ ဖုန်းပြောရင် ၁၀၉ နာရီ အသုံးခံပါတယ်။
ဖို့ဒ်မော်တာကားကုမ္ပဏီဟာ မီချီဂန်ပြည်နယ်မှာ လျှပ်စစ်ကားဘတ္ထရီစက်ရုံတစ်ခုကို အမေရိကန်ဒေါ်လာ ၃.၅ ဘီလီယံ အကုန်ကျခံပြီး တည်ဆောက်သွားမယ်လို့ တနင်္လာနေ့က ထုတ်ပြန်ပါတယ်။ ဒီစက်ရုံဟာရှိပြီးသား လျှပ်စစ်ကားတွေနဲ့ နောက်ထွက်မယ့် လျှပ်စစ်ကားအမျိုးအမျိုးအတွက် ကုန်ကျစရိတ်သက်သက်သာသာနဲ့ ဘတ္ထရီတွေကို ထုတ်လုပ်ပေးမှာဖြစ်ပြီး လူပေါင်း ၂၅၀၀ လောက်ကိုလည်း အလုပ်အကိုင်ပေးနိုင်မှာဖြစ်ပါတယ်။
နွားနို့ပမာဏ အမြောက်အမြား ထုတ်လုပ်ပေးနိုင်မည့် စူပါနွားဟု အမည်ပေးထားသည့် ပုံတူပွားဖန်တီးထားသော နွားသုံးကောင်ကို တရုတ်နိုင်ငံသိပ္ပံပညာရှင်များက ပုံတူပွားနိုင်ခဲ့ပြီဖြစ်ကြောင်း straitstimes.com က ရေးသားဖော်ပြထားသည်။ တရုတ်သိပ္ပံပညာရှင်များက ဖန်တီးလိုက်သည့် အဆိုပါ စူပါနွားများသည် ၎င်းတို့၏ သက်တမ်းတစ်လျှောက်တွင် နို့ပမာဏအမြောက်အမြားကိုထုတ်လုပ်ပေးနိုင်မည်ဖြစ်ကြောင်း straitstimes.com ၏ ရေးသားဖော်ပြချက်အရ သိရသည်။
တရုတ်မှာ realme GT Neo 5 ကို ကြေညာလိုက်ပြီး ကမ္ဘာ့အမြန်ဆုံး အားသွင်းနှုန်း ပါလာပါတယ်။ အနောက်ဘက်မှာ အထဲကို ဖောက်ထွင်းမြင်ရတဲ့ Window ၁ ခု ထည့်သွင်းထားပြီး ကင်မရာတွေရဲ့ ညာဘက်မှာ LED Lighting ပါလာပါတယ်။ ဖောက်ထွင်းမြင်ရတဲ့ Window ကနေ စွမ်းရည်မြင့် Chipset ကို ကြည့်နိုင်ပြီး LED Lighting ဟာ အရောင် ၂၅ မျိုး ပြသနိုင်ပါတယ်။
