မက်ဆီ ၏ စာချုပ်ဖျက်သိမ်းကြေး အကျုံးဝင်ဆဲဖြစ်ဟု La Liga ကြေညာ
ကမ္ဘာ့ဘောလုံးအကျော်အမော် လီယိုနယ်မက်ဆီရဲ့ ဘာစီလိုနာအသင်း စာချုပ်သက်တမ်း မကုန်သေးဘူးလို့ La Liga စပိန် အမှတ်ပေးဘောလုံးပြိုင်ပွဲက ထုတ်ပြန်လိုက်ပါတယ်။
ခုလို ထုတ်ပြန်လိုက်တာက မက်ဆီအနေနဲ့ ဒီ ဘာစီလိုနာ ကလပ်အသင်းကနေ နုတ်ထွက်ချင်ပြီလို့ အံသြစရာ ကြေညာချက် ထွက်လာအပြီး ရက်ပိုင်းအတွင်းနဲ့ သူ ဘောလုံးရာသီမတိုင်ခင် ကျန်းမာရေးစစ်ဆေးဖို့ ပျက်ကွက်အပြီး နာရီပိုင်းအတွင်း ထွက်လာတာပါ။
အာဂျင်တီးနားနိုင်ငံသား ၃၃ နှစ်အရွယ် မက်ဆီအနေနဲ့ အခုလို ကျန်းမာရေးစစ်ဆေးဖို့ မလာရောက်တာက သူ့ဘောလုံးသက်တမ်းတလျှောက်လုံး လက်တွဲလာခဲ့တဲ့ ကလပ်အသင်းကနေ နုတ်ထွက်ဖို့ အပြတ်ဆုံးဖြတ်ထားတာကို ရည်ညွှန်းနေတယ်လို့ သုံးသပ်သူတွေက ဆိုပါတယ်။
နှစ်အလိုက် ကမ္ဘာ့အကောင်းဆုံး ဘောလုံးသမားဆုကို ၆ ကြိမ် ဆွတ်ခူးခဲ့တဲ့ မက်ဆီအနေနဲ့ကတော့ စာချုပ်ထဲက အပိုဒ်တပိုဒ်အရ ငွေအလျော်ပေးစရာမလိုဘဲ ရွှေ့ပြောင်းခွင့် ရှိထားတယ်လို့ ဆိုပါတယ်။ ဒါပေမယ့် ဘာစီလိုနာနဲ့ အခု La Liga တို့ကတော့ ခုလိုလုပ်ခွင့်မရှိဘူးလို့ ငြင်းထားပါတယ်။
ဒီ စပိန်ဘောလုံးပြိုင်ပွဲ အုပ်ချုပ်ရေးအဖွဲ့က ဘာစီလိုနာအနေနဲ့ မက်ဆီရဲ့ တောင်းဆိုချက်ကို ခွင့်ပြုပေးနိုင်တဲ့ တခုတည်းသော နည်းလမ်းက သူ့အနေနဲ့ အမေရိကန်ဒေါ်လာ ၈၃၃ သန်း အလျော်ပေးဖို့ အချက်ကို လုပ်ပေးမှ ဖြစ်မယ်လို့ ဆိုပါတယ်။ Laliga
