ကြားဖြတ်ရွေးကောက်ပွဲတွင် ၀င်ရောက်ယှဉ်ပြိုင်ခဲ့သည့် လွှတ်တော်ကိုယ်စားလှယ်လောင်းများအနေဖြင့် ရွေးကောက်ပွဲအသုံးစရိတ်များကို ပြည်ထောင်စုရွေးကောက်ပွဲကော်မရှင်ထံ မေ ၂ ရက် နောက်ဆုံးထား တင်ပြရမည်
ကြားဖြတ်ရွေးကောက်ပွဲတွင် ၀င်ရောက်ယှဉ်ပြိုင်ခဲ့သည့် လွှတ်တော်ကိုယ်စားလှယ်လောင်းများ အနေဖြင့် ရွေးကောက်ပွဲကာလ အသုံးစရိတ်များကို ပြည်ထောင်စုရွေးကောက်ပွဲကော်မရှင်ထံ မေ ၂ ရက် နောက်ဆုံး ထား တင်ပြရမည်ဖြစ်ကြောင်း သတင်းရရှိသည်။
ကြားဖြတ်ရွေးကောက်ပွဲ ကျင်းပပြီးစီးသည့် ဧပြီ ၂ ရက်က လွှတ်တော်ကိုယ်စားလှယ်လောင်းများ အသုံးပြု ခဲ့သည့် အသုံးစရိတ်များကို ပြည်ထောင်စုရွေးကောက်ပွဲကော်မရှင်ထံ ရက် ၃၀ အတွင်း တင်ပြရမည်ဖြစ် ကြောင်း ပြည်ထောင်စုရွေးကောက်ပွဲကော်မရှင်အနေဖြင့် ကြေညာထားကြောင်း သိရသည်။
ပြည်ထောင်စုရွေးကောက်ပွဲကော်မရှင် ရုံးညွှန်ကြားရေးမှူးချုပ် ဦးတင်ထွန်းက “ရက် ၃၀ အတွင်း ဆို မေ ၂ ရက် နောက်ဆုံးပေါ့။ ကြေညာတာကလည်း ဧပြီ ၂ ရက်ကဆိုတော့ မေ ၂ ရက်ဆို ရက် ၃၀ ပြည့်ပြီလေ။ လက်ရှိ လောလောဆယ်တော့ ကိုယ်စားလှယ် တစ်ယောက်မှ အသုံးစရိတ် မတင်သေးပါဘူး။ အသုံးစရိတ် ကိုလည်း ရက် ၃၀ အတွင်းတင်ဖို့ဆိုပြီးတော့ ကြေညာပြီးပါပြီ။ သတင်းစာထဲမှာလည်း ထည့်ကြေညာတယ်။ သူတို့နဲ့တွေ့တဲ့ ဆွေးနွေးပွဲတွေမှာလည်း ပြောထား ပြီးသားပါ။ ဒါတွေကလည်း ကော်မရှင်က မပြောလည်း ဥပဒေမှာ ပါထားပြီးသားပဲလေ။ ဥပဒေပါ ပြဋ္ဌာန်းချက်တွေပါပဲ။ ရွေးကောက်ပွဲမတိုင်ခင် မဲဆွယ် စည်းရုံး ရေးကာလကတည်းက ကော်မရှင်က ကြေညာထားပြီးသားပါ။ နောက်ရွေးကောက်ပွဲပြီး ၅ ရက်မှာလည်း ထပ်ပြီးတော့ ကြေညာထားပါတယ်။ နောက်ထပ်ဆွေးနွေးပွဲတွေမှာလည်း ကော်မရှင်အနေနဲ့ ပြောပြထားပြီး သားပါ” ဟု ပြော ကြားသည်။
ရွေးကောက်ပွဲ နည်းဥပဒေ ၇၇ အရ “လွှတ်တော် ကိုယ်စားလှယ်လောင်းများသည် သက်ဆိုင်ရာ တိုင်းဒေသကြီး သို့မဟုတ် ပြည်နယ်ကော်မရှင်အဖွဲ့ခွဲက ရွေးကောက်တင်မြှောက်ခံရသည့် လွှတ်တော် ကိုယ်စားလှယ်၏အမည်ကို ကြေညာသည့်နေ့မှစ၍ရက်ပေါင်း ၃၀အတွင်း ရွေးကောက်ပွဲကုန်ကျစရိတ် စာရင်းကို ပုံစံ (၂၀)ဖြင့်ရေးသွင်း၍ မိတ္တူတစ်စုံကူးယူပြီး မူရင်းနှင့်အတူ လွှတ်တော် ကိုယ်စားလှယ်လောင်း သို့မဟုတ် ၎င်း၏ ရွေးကောက်ပွဲကိုယ်စားလှယ်တို့က သက်ဆိုင်ရာ နေပြည်တော် ကော်မရှင်အဖွဲ့ခွဲ၊ သက်ဆိုင်ရာ ကိုယ်ပိုင်အုပ်ချုပ်ခွင့်ရတိုင်း၊ ကိုယ်ပိုင်အုပ်ချုပ်ခွင့်ရ ဒေသ ကော်မရှင်အဖွဲ့ခွဲ သို့မဟုတ် ခရိုင်ကော်မရှင်အဖွဲ့ခွဲထံ တင်သွင်းရမည်။ ယင်းစာရင်းများ မှန်ကန်ကြောင်း မြို့နယ်တရားသူကြီး အဆင့် ထက်မနိမ့်သော တရားသူကြီးတစ်ဦးဦး ရှေ့မှောက်၌ ပြုလုပ်သော ကျမ်းကျိန်လွှာကိုလည်း ပူးတွဲတင်သွင်း ရမည်”ဟု ဖော်ပြထားသည်။
# Eleven
