တိုင်းရင်းသားများအနေဖြင့် ခွဲထွက်ရေးကိုချန်ထားပြီး ဒီမိုကရေစီရေး၊ အမျိုးသားတန်းတူရေးနှင့် ကိုယ်ပိုင်ပြဋ္ဌာန်း ခွင့်ရရှိရေး စသည့် အဓိကအချက်သုံးချက်ကို တောင်းဆို တိုက်ပွဲဝင်လျက်ရှိရာ မရမချင်း လက်တွဲဆောင်ရွက်ရန် မိုင်ဂျာယန် အစည်းအဝေး တတိယနေ့ သဘာပတိ တိုက်တွန်း
တိုင်းရင်းသားများအနေဖြင့် ခွဲထွက်ရေးကိုချန်ထားပြီး ဒီမိုကရေစီရေး၊ အမျိုးသားတန်းတူရေးနှင့် ကိုယ်ပိုင်ပြဋ္ဌာန်းခွင့် ရရှိရေး စသည့် အဓိကအချက်သုံးချက်ကို တောင်းဆိုတိုက်ပွဲဝင်လျက်ရှိရာ မရမချင်းလက်တွဲဆောင်ရွက်ရန် ချင်းအမျိုးသားတပ်ဦး (CNF) ဒုတိယဥက္ကဋ္ဌ ဒေါက်တာ ဆလိုင်းလျန်မှုန်းဆာခေါင်းက မိုင်ဂျာယန်ဒေသတွင်ကျင်းပလျှက်ရှိသော တိုင်းရင်းသား လက်နက်ကိုင်အဖွဲ့များ မျက်နှာစုံညီအစည်းအဝေး တတိယနေ့ သဘာပတိအဖွင့်မိန့်ခွန်း ပြောကြားရာတွင် တိုက်တွန်း ပြောကြားခဲ့သည်။
မိုင်ဂျာယန် မျက်နှာစုံညီအစည်းအဝေးပြုလုပ်ရခြင်းမှာ မကြာမီကျင်းပမည့် ပြည်ထောင်စုငြိမ်းချမ်းရေး ညီလာခံ-၂၁ ရာစု ပင်လုံညီလာခံအတွက် ပြင်ဆင်ရန် ဖြစ်ကြောင်း၊ ပင်လုံညီလာခံကို ၁၉၄၆ ခုနှစ် မတ်လတွင် တစ်ကြိမ်၊ ၁၉၄၇ ခုနှစ် ဖေဖော်ဝါရီတွင်တစ်ကြိမ် နှစ်ကြိမ်တိုင်ကျင်းပပြီး ၁၉၄၇ ဖေဖော်ဝါရီ ၁၂ ရက်တွင် ပင်လုံစာချုပ်ကို ချုပ်ဆိုခဲ့ပြီးဖြစ် ကြောင်း၊ ယင်းစာချုပ်ကြီးချုပ်ဆိုပြီး နိုင်ငံတော်တစ်ခု မွေးဖွားပေးခဲ့ပြီး ပြည်ထောင်စုကြီးပေါ်ပေါက်ပြီးဖြစ်သော်လည်း လက်ရှိတွင် ၂၁ ရာစု ပင်လုံကိုထပ်ပြီး ကျင်းပရန်လိုအပ်နေခြင်းမှာ မေးခွန်းကြီးဖြစ်နေကြောင်း ၎င်းက ဆိုသည်။
ဒေါက်တာဆလိုင်းလျန်မှုန်းက “ဒါဟာ မေးခွန်းအကြီးကြီးဖြစ်ပါတယ်။ သမိုင်းဝင်မေးခွန်းကြီး ဖြစ်ပါတယ်။ ဒါကို ကျွန်တော်တို့ ဒီတိုင်းပြည်မှာရှိတဲ့ ပြည်သူလူထု တစ်ရပ်လုံးကသော်လည်းကောင်း၊ အစိုးရကသော်လည်းကောင်း၊ လွှတ်တော်က သော် လည်းကောင်း၊ တပ်မတော်ကသော်လည်းကောင်း၊ ကျွန်တော်တို့ တိုင်းရင်းသားလူမျိုး အသီးသီးကသော်လည်းကောင်း ဖြေဆိုရမယ့် အဖြေဖြစ်ပါတယ်။ အဲဒီအဖြေကြီးက ကျွန်တော်တို့ရဲ့အနာဂတ်ကို၊ ကျွန်တော်တို့ အားလုံးရဲ့ အနာဂတ် ကံကြမ္မာ ကို ပြဋ္ဌာန်းသွားမှာဖြစ်ပါတယ်။ ဆိုတော့ ၂၁ ရာစု ပင်လုံစာချုပ်ကြီး၊ ဒါမှမဟုတ် ၂၁ ရာစု ပင်လုံညီလာခံကြီးကျင်းပဖို့ လိုတယ်ဆိုတာ ပထမအကြိမ်၊ ဒုတိယအကြိမ် ပင်လုံညီလာခံတွေနဲ့အတူ ၁၉၄၇ ဖေဖော်ဝါရီ ၁၂ ရက်မှာ ချုပ်ဆိုတဲ့ ပင်လုံစာချုပ်ကြီးကို ယနေ့အထိ ပြည့်စုံစွာ၊ လုံလောက်စွာ အကောင်အထည် မဖော်နိုင်ခဲ့တဲ့ အတွက်ကြောင့်ဖြစ်ပါတယ်” ဟု ပြောကြားသည်။
ပင်လုံစာချုပ်အကောင်အထည်မဖော်နိုင်၍ မြန်မာနိုင်ငံသည် နှစ်ပေါင်းခြောက်ဆယ်ကျော်ကြာ ပြည်တွင်းစစ်နှင့် ရင်ဆိုင်နေရ ကြောင်း၊ ပြည်တွင်းစစ်တွင် တိုင်းရင်းသားလူမျိုးပေါင်းစုံ၏ အသက်ပေါင်းများစွာ၊ အိုးအိမ်ပေါင်းများစွာ စတေးခဲ့ရပြီး ဆုံးရှုံးမှုပေါင်းများစွာ ရှိခဲ့ကြောင်း ၎င်းကဆိုသည်။
ပင်လုံစာချုပ်သည် ချင်း၊ ကချင်၊ ရှမ်း နှင့် ဗမာ ခေါင်းဆောင်များ ပူးပေါင်းပြီး လွတ်လပ်ရေးရယူရန် ပူးပေါင်းမည်ဆိုသည့် စာချုပ်ဖြစ်ကြောင်း သို့ရာတွင် ပင်လုံစာချုပ်တွင် မည်ကဲ့သို့ ပူးပေါင်းမည်။ ချင်း၊ ကချင်၊ ရှမ်းများ၏ အနာဂတ် မည်ကဲ့သို့ ဖြစ်လာမည်ဆိုသည့် အသေးစိတ် ဖော်ပြချက်မရှိကြောင်း၊ ပင်လုံစာချုပ်၏ အပိုဒ် ၅ တွင် ချင်း၊ ကချင်၊ ရှမ်းတို့က မိမိတို့ နေရပ်အသီးသီးတွင် ကိုယ်ပိုင် အုပ်ချုပ်ခွင့်၊ ကိုယ်ပိုင်ပြဋ္ဌာန်းခွင့်အပြည့် အ၀ရှိရမည်ဆိုပြီး ကိုယ်ပိုင်ပြဋ္ဌာန်းခွင့် တစ်ခုကိုပဲ ဖော်ပြထားကြောင်း၊ ကိုယ်ပိုင်ပြဋ္ဌာန်းခွင့်ကို မည်ကဲ့သို့ အကောင်အထည်ဖော်မည် အသစ်ထူထောင်မည့် ပြည်ထောင်စုကို မည်ကဲ့သို့ဖွဲ့စည်းမည်ဆိုသည့်အချက် ပင်လုံစာချုပ်တွင် မပါခဲ့၍ ပင်လုံစာချုပ်မှာပင် နယ်ခြားဒေသ စုံစမ်းရေးကော်မတီ သို့တည်းမဟုတ် တောင်တန်းဒေသ စုံစမ်းရေးကော်မတီကို ဖွဲ့စည်းခဲ့ကြောင်း ဒေါက်တာဆလိုင်းလျန်မှုန်းက ရှင်းပြသည်။
ဒေါက်တာဆလိုင်းလျန်မှုန်းက “အဲဒီကော်မတီကြီးထဲမှာ ကျွန်တော်တို့ချင်း၊ ကချင်နဲ့ ရှမ်းက ပူးပေါင်းပြီးတော့ အဆို တင်သွင်း ချက်ခုနစ်ချက်ကို တင်သွင်းခဲ့ပါတယ်။ အဲဒီအဆိုတင်သွင်းချက် ခုနစ်ချက်ဟာ ကျွန်တော်တို့အနေနဲ့ ပြန်ကြည့်မယ်ဆိုရင် အနှစ်သာရသုံးခုကို ကျွန်တော်တို့ ထုတ်ယူနိုင်ပါတယ်။ အဲဒီ အနှစ်သာရသုံးခုက ဘာလဲဆိုတော့ နံပါတ် ၁ အမျိုးသား တန်းတူရေး၊ ဒီပြည်ထောင်စုကြီးထဲမှာ ကျွန်တော်တို့ပါလာခဲ့လို့ရှိရင် လူမျိုးရေးအရသော်လည်းကောင်း၊ နိုင်ငံရေး အရ သော်လည်းကောင်း၊ တန်းတူရည်တူ အခွင့်အရေးရှိရမယ်ဆိုတဲ့ဟာ ပါပါတယ်။ နံပါတ် ၂ ကိုယ်ပိုင်ပြဋ္ဌာန်းခွင့် ရှိရမယ်ဆိုတာ ပါပါတယ်။ ကျွန်တော်တို့က ဒီပြည်ထောင်စု မပေါ်ခင်ကတည်းက လွတ်လပ်တဲ့ လူမျိုးတွေဖြစ်တဲ့အတွက် လွတ်လပ်တဲ့ ပြည်ထောင်တွေဖြစ်တဲ့အတွက်၊ ဗြိတိသျှမလာခင်တုန်းက သီးခြားအုပ်ချုပ်ပြီးတော့၊ ကိုယ့်မင်းကိုယ့်ချင်းနဲ့ အုပ်ချုပ်တဲ့ လူမျိုး တွေဖြစ်တဲ့အတွက် ကျွန်တော်တို့ ပိုင်ဆိုင်ထားတဲ့ ကိုယ်ပိုင်ပြဋ္ဌာန်းခွင့်ကို ဘယ်သောအခါမှ မဆုံးရှုံးရဘူးဆိုတဲ့ အချက် ဖြစ်ပါတယ်။ နံပါတ် ၃ အချက်က ဒီပြည်ထောင်စုထဲမှာ ကျွန်တော်တို့သွားမယ်။ အဆင်မပြေလို့ ကျွန်တော်တို့ မနှစ်သက် တော့ဘူးဆိုရင် အချိန်မရွေး ခွဲထွက်လိုက ခွဲထွက်ခွင့်ရှိရမယ် ဆိုတဲ့အချက်။ အဲဒီသုံးချက်ဟာ အရေးအကြီးဆုံးအချက်တွေ ဖြစ်ပါတယ်” ဟု ပြောကြားသည်။
ဗိုလ်ချုပ်အောင်ဆန်း လုပ်ကြံခံရသည့်အတွက်ကြောင့် လွတ်လပ်ရေးရပြီးသည့် နောက်ပိုင်းဆောင်ရွက်ရမည့် ကိစ္စများကို ဖဆပလ ခေါင်းဆောင်ကြီးများက မေ့လိုက်ကြကြောင်း၊ တောင်တန်းသားများ ပြည်နယ်သားများက ပင်လုံစာချုပ်ကို သစ္စာ မဖောက်ခဲ့ကြောင်း၊ ၁၉၄၇ ခုနစ်ဖွဲ့စည်းပုံသည် ယာယီဖွဲ့စည်းပုံ အခြေခံ ဥပဒေသာဖြစ်သည်ဆိုပြီး ခံယူခဲ့ကြောင်း၊ နောက်ပိုင်းတွင် ဖဆပလခေါင်းဆောင် ပြည်ထောင်စုအစိုးရက အမျိုးမျိုးခြယ်လှယ်ပြီး ကျင့်သုံးသည့်အခါ ယင်းကို ပြင်ဆင်နိုင်ရန် တိုင်းရင်းသားခေါင်းဆောင်ကြီးများက ၁၉၆၁ ဇွန်လတွင် တောင်ကြီးညီလာခံကျင်းပခဲ့ပြီး ၁၉၄၇ နိုင်ငံတော်ဖွဲ့စည်းပုံ အခြေခံ ဥပဒေကို မည်ကဲ့သို့ ပြင်ဆင်ပြဋ္ဌာန်းရမည်ဆိုသည့်အချက်ကို တင်သွင်းခဲ့သည်ဟု ဒေါက်တာဆလိုင်းလျန်မှုန်းက ဆိုသည်။
“ယနေ့အထိ ပြည်ထောင်စုမှာနေပြီးတော့ ပင်လုံမှာ ကျွန်တော်တို့ ထားရှိခဲ့တဲ့ ကတိအတိုင်း တောင်တန်းဒေသ စုံစမ်းရေး ကော်မတီမှာ ကျွန်တော်တို့ တောင်းဆို တဲ့အတိုင်း တောင်ကြီးညီလာခံကနေ ကျွန်တော်တို့တောင်းဆိုခဲ့တဲ့အတိုင်း ကျွန်တော် တို့လိုချင်သောအရာကို ဆက်ပြီးတော့ တောင်းဆိုတိုက်ပွဲဝင်နေတာဖြစ်ပါတယ်။ ဒီမှာအရေးကြီးတဲ့ အချက်တစ်ချက်ကို ထပ်ပြီးတော့ တင်ပြလိုပါတယ်။ တောင်ကြီးညီလာခံဟာ Supreme Coulcil of United Hill People က တောင်းဆိုတဲ့ အချက်တစ်ချက်ကို ချန်ထားခဲ့ပါတယ်။ အဲဒီအချက်ကတော့ ခွဲထွက်ရေးပဲဖြစ်ပါတယ်။ ခွဲထွက်ရေးကို ချန်ထားပြီးတော့မှ ကျန်တဲ့အချက်ငါးချက်ကို တောင်းဆိုတာ ဖြစ်ပါတယ်။ ယနေ့အထိ ဒီတောင်းဆိုချက်ကို ကျွန်တော်တို့ ဆက်လက် တိုက်ပွဲ ၀င်နေတာဖြစ်ပါတယ်” ဟုဒေါက်တာ ဆလိုင်းလျန်မှုန်းက ပြောကြားသည်။
ဆက်လက်၍ ၎င်းက “အဲဒါကြောင့် ဒါတွေကိုခြုံပြီးတော့ ပြောရမယ်ဆိုရင် ယနေ့ ၂၁ ရာစု ပင်လုံညီလာခံကြီးမှာ ကျွန်တော်တို့ ပြင်ဆင်တဲ့အခါမှာ ကျွန်တော်တို့ရဲ့ ပြင်ဆင်ချက်က ဒီတောင်းဆိုချက် ပင်လုံကတည်းက ယနေ့အထိ ကျွန်တော်တို့ အဆက်ဆက်သော တောင်းဆိုချက်ထဲက အဓိကအရေးကြီးဆုံးဖြစ်တဲ့ သုံးချက်ကို ဆက်ပြီး တိုက်ပွဲဝင်နေတာ ဖြစ်ပါတယ်။ အဲဒီသုံးချက်ကတော့ ဒီမိုကရေစီရေး၊ အမျိုးသားတန်းတူရေးနဲ့ ကိုယ်ပိုင်ပြဋ္ဌာန်းခွင့်တို့ ဖြစ်ပါတယ်။ အဲဒီသုံးချက် အခွင့် အရေးသုံးရပ်ကို ကျွန်တော်တို့က စစ်မှန်သောဖက်ဒရယ်ပြည်ထောင်စုစနစ်နဲ့ပဲ ထူထောင်လို့ရမယ်လို့ ကျွန်တော်တို့ ခံယူထားပါတယ်။ ထို့အတွက်ကြောင့် အခုကတည်းက ကျွန်တော်တို့ ပွင့်ပွင့်လင်းလင်း ပြည်ထောင်စု ကြီးတစ်ခုလုံး ကမ္ဘာကြီး ကိုရော ကျွန်တော်တို့ ကြေညာချင်ပါတယ်။ ကျွန်တော်တို့တောင်းဆိုတဲ့ တိုက်ပွဲကျွန်တော်တို့ ဆင်နွှဲတဲ့ လက်နက်ကိုင် တော်လှန်ရေးဟာ ဒီသုံးချက်ကို မရမချင်း ဆက်လက်တိုက်ပွဲဝင်မှာ ဖြစ်ပါတယ်။ ဒီသုံးချက်ကိုရရှိနိုင်ဖို့ ဒီမိုကရေစီရေး အမျိုးသားတန်းတူရေးနဲ့ ကိုယ်ပိုင်ပြဋ္ဌာန်းခွင့် အခွင့်အရေးကိုရရှိတဲ့ စစ်မှန်သော ဖက်ဒရယ်ထူထောင်နိုင်တဲ့အထိ ကျွန်တော် တို့အားလုံး လက်တွဲပြီးတော့ တိုက်ပွဲဝင်သွားကြမယ်ဖြစ်ကြောင်း တိုက်တွန်းပါတယ်” ဟု ဆိုသည်။
တောင်ကြီးညီလာခံကတင်သွင်းသည့် အရေးကြီးသည့်ဆုံးဖြတ်ချက်ငါးချက်မှာ ပြည်မကို ပြည်နယ်တစ်ခုအဖြစ် ဖွဲ့စည်းရေး၊ လွှတ်တော်နှစ်ရပ်ကို အာဏာတူပေးရန်၊ လူမျိုးစုလွှတ်တော်သို့ ပြည်နယ်တိုင်းက တူညီသောကိုယ်စားလှယ်များသာ စေလွှတ်ရေး၊ ပြည်နယ်များက မိမိတို့ဆန္ဒအလျောက် လွှဲအပ်ထားသောအာဏာများကို ပြည်ထောင်စုဗဟို အစိုးရထံသို့ ကန့်သတ်၍ ကျန်ရှိသော အာဏာများကို ပြည်နယ်များထံတွင် ထားရှိရေးနှင့် ပြည်ထောင်စုအဖွဲ့ဝင် ပြည်နယ်များကို နိုင်ငံရေး အာဏာသုံးရပ်စလုံး အပ်နှင်းပြီး ကိုယ်ပိုင်ပြဋ္ဌာန်းခွင့် အပြည့်အ၀ ကျင့်သုံးနိုင်ရေးအတွက် ပြည်နယ်ဖွဲ့စည်းပုံ အခြေခံ ဥပဒေများကို ပြည်ထောင်စုဖွဲ့စည်းပုံအခြေခံဥပဒေနဲ့ ဆန့်ကျင်ခြင်းမရှိစေဘဲ လွတ်လပ်စွာ ရေးသားပြဋ္ဌာန်းခွင့်ရှိရမည် ဆိုသည် အချက်များဖြစ်ကြောင်း သိရသည်။
တောင်ကြီးညီလာခံ၏ တောင်းဆိုမှုကို မပေးလို၍ စစ်အာဏာသိမ်းမှု လုပ်ဆောင်ခဲ့ကြပြီး ၁၉၄၇ ခုနှစ် ဖွဲ့စည်းပုံ အခြေခံ ဥပဒေကိုလည်း ဖျက်သိမ်းခဲ့ကြောင်း၊ ၁၉၄၇ ခုနစ် ဖွဲ့စည်းပုံအခြေခံဥပဒေကို ဖျက်သိမ်းခြင်းသည် ပင်လုံစာချုပ်ကိုလည်း ဖောက်ဖျက်ခြင်းနှင့် အတူတူဖြစ်ကြောင်း ၎င်းက ပြောကြားသည်။
Eleven
