ကွင်းလယ်လူ လယ်လာနာကို ဘရိုက်တန် သက်တမ်းတိုး
ပရီးမီးယားလိဂ်ကလပ် ဘရိုက်တန်ဟာ အသင်းကွင်းလယ်လူ လယ်လာနာကို ၂၀၂၄ ခုနှစ် နွေရာသီအထိ သက်တမ်းတိုးစာချုပ် ချုပ်ဆိုခဲ့ပါတယ်။ အသက် ၃၄ နှစ်အရွယ် လယ်လာနာဟာ ၂၀၂၀ ပြည့်နှစ်က လီဗာပူး အသင်းကနေ ဘရိုက်တန်ဆီ အလွတ်ပြောင်းရွှေ့ကြေးနဲ့ ရောက်ရှိလာခဲ့တာပါ။ ၃ ရာသီအတွင်း ၇၄ ပွဲ ကစားပြီး ၄ ဂိုး သွင်းယူနိုင်ခဲ့တဲ့ လယ်လာနာအနေနဲ့ ဒီရာသီမှာ ဘရိုက်တန်အသင်း အဆင့် ၇ မှာ ရောက်ရှိနေအောင်လည်း ကူညီပေးနေတာဖြစ်ပါတယ်။
စာချုပ်သက်တမ်း တိုးနိုင်ခဲ့ပြီးနောက် လယ်လာနာက အသင်းဘက်က ဆက်နေ စေချင်သလို အတွေ့အကြုံ ကောင်းတွေနဲ့အတူ ရှေ့ဆက်သွားဖို့ ဆန္ဒရှိတယ်လို့ ပြောကြားခဲ့ပါတယ်။ ၂၀၀၆ ခုနှစ်မှာ ဆောက်သမ်တန်နဲ့အတူ ချန်ပီယံရှစ်ကစားသမားအဖြစ် စတင်ခဲ့တဲ့ လယ်လာနာ ဟာ ၂၀၁၄ ခုနှစ်မှာ တော့ လီဗာပူးအသင်းဆီ ရောက်ရှိခဲ့တာပါ။ အဲဒီနောက် ပရီးမီးယားလိဂ် နဲ့ ချန်ပီယံလိဂ် ဆုဖလားတွေ ရရှိခဲ့သလို အင်္ဂလန် လက်ရွေးစင်အဖြစ်လည်း ၂၀၁၈ ခုနှစ်အထိ ရွေးချယ်ခံခဲ့ရပြီး ၃၄ ပွဲ ကစား ၃ ဂိုး သွင်းယူပေးနိုင်ခဲ့ပါတယ်။
