ဘရာဇီးသမ္မတ COVID-19 ကူးစက်ခံရ
ဘရာဇီးလ်သမ္မတ Jair Bolsonaro က သူဟာ ကိုရိုနာဗိုင်းရပ်စ် ရောဂါအကူးစက်ခံနေရပြီ ဖြစ်ကြောင်း အင်္ဂါနေ့မှာ ကြေညာပါတယ်။ သူ့မှာ အဖျားရှိတာ အပါအဝင် ကိုရိုနာဗိုင်းရပ်စ် ရောဂါလက္ခဏာတွေ တွေ့လာရပြီး ရက်ပိုင်းအတွင်းမှာပဲ ခုလိုကြေညာခဲ့တာပါ။
ကိုရိုနာဗိုင်းရပ်စ် အန္တရာယ်နဲ့ပတ်သက်ပြီး သမ္မတ Bolsonaro က လျှော့ပေါ့ ပြောလေ့ရှိသလို သူဟာ ကျန်းမာရေးလိုက်စားသူ ဖြစ်တဲ့ အတွက် အကူးစက်ခံရမှာကို စိတ်မပူကြောင်း သူ့ကို ထောက်ခံသူတွေကို ပြောခဲ့ဘူးပါတယ်။
ဒီရောဂါဖြစ်တာဟာ ရိုးရိုးဖျားနာတာလို ဒါမှမဟုတ် ဥတုရာသီ ဒဏ်ခံရသလို ဖြစ်နေပြီး သူ့အနေနဲ့ဘာမှ သိပ်မခံစားရကြောင်းလည်း ပြောပါတယ်။
သမ္မတ Bolsonaro ဟာ ဒီဗိုင်းရပ်စ်ပိုးရဲ့ အသက်ပါသေစေနိုင်တဲ့ အန္တရာယ်ကို လျှစ်လျူရှုတဲ့ အနေနဲ့ လူထုကြားသွားလာရာမှာ နှာခေါင်းစည်း တပ်ဖို့လိုမျိုး ဒီရောဂါမပြန့်နှံအောင် ထိန်းချုပ်မှုတွေကိုပါ စိန်ခေါ်ခဲ့သူ ဖြစ်ပါတယ်။
သူ့လက်ထောက် အများအပြားဟာ အမေရိကန်သမ္မတ ဒေါ်နယ်ထရမ့်နဲ့ ဖလော်ရီဒါပြည်နယ်က Mar-a-Lago နေအိမ်မှာ တွေ့ဆုံခဲ့ပြီး နောက်ပိုင်း မတ်လထဲမှာ ဒီရောဂါ အကူးစက်ခံခဲ့ရတာ ဖြစ်ပြီး အဲဒီနောက်မှာ သမ္မတ Bolsonaro ရဲ့ ကိုဗစ် ၁၉ အတွက် ဆေးစစ်မှု ၃ ကြိမ်စလုံး ပိုးကူးစက်မှု မရှိခဲ့ဘူးလို့ AP သတင်းမှာ ဖေါ်ပြပါတယ်။
ဘရာဇီးလ်နိုင်ငံဟာ ကိုရိုနာဗိုင်းရပ်စ် ရောဂါ ဒဏ် အဆိုးဝါးဆုံး ခံရတဲ့ နိုင်ငံတနိုင်ငံဖြစ်ပြီး အကူးစက်ခံရသူက ၁.၆ သန်းကျော်ရှိနေသလို ဒီရောဂါကြောင့် သေဆုံးရသူကလည်း ၆ သောင်းခွဲ ကျော် ရှိနေတာပါ။
-Ref:VOA
