မန်ချက်စတာယူနိုက်တက်နှင့် စာချုပ်သစ် ချုပ်ဆိုလိုက်သည့် မာတစ်
မန်ချက်စတာယူနိုက်တက်အသင်းဟာ ဝါရင့်ကွင်းလယ်လူ နီမန်ဂျာမာတစ်ကို ၂၀၂၃ ခုနှစ်အထိ စာချုပ်သက်တမ်း တိုးလိုက်ပါတယ်။ အသက် ၃၁ နှစ်အရွယ်ရှိ ဆားဘီးယားကွင်းလယ်လူ မာတစ်ဟာ အစောပိုင်းက နည်းပြ ဆိုးလ်ရှားနဲ့ အဆင်မပြေတာကြောင့် မန်ချက်စတာယူနိုက်တက်ကနေ ထွက်မယ်လို့ သတင်းထွက်ခဲ့ပေမယ့် နောက်ပိုင်းမှာတော့ ပုံမှန်ကစားခွင့်ရလာသလို အသင်းကွင်းလယ်မှာလည်း အရေးပါတဲ့သူအဖြစ် ခြေစွမ်းပြခဲ့တာကြောင့် စာချုပ်သစ်ချုပ်ခဲ့တာဖြစ်ပါတယ်။
၂၀၁၇ ခုနှစ်က ချဲလ်ဆီးကနေ ပြောင်းလာပြီးနောက် မာတစ်ဟာ မန်ချက်စတာယူနိုက်တက်အသင်းအတွက် ၁၁၄ ပွဲအထိ ကစားပေးခဲ့ပါတယ်။ စာချုပ်သစ်ချုပ်ပြီးနောက် မာတစ်က “ ဒီလိုအသင်းကြီးရဲ့ အစိတ်အပိုင်း တစ်ခုဖြစ်ရတာ ကျွန်တော် အရမ်းပျော်ပါတယ်။ ကစားသမားတစ်ဦးအနေနဲ့ အများကြီး ကစားပေးချင်သလို ကစားသမားဘဝ အောင်မြင်မှုတွေလည်း ယူချင်ပါသေးတယ်၊ မန်ချက်စတာယူနိုက်တက်နဲ့ စာချုပ်သစ် ချုပ်ရတာက ဂုဏ်ယူစရာကြီးတစ်ရပ်ပါ”လို့ ပြောသွားကြောင်း The Sun သတင်းမှာ ဖော်ပြထားပါတယ်။
