မကွေးတိုင်းဒေသကြီး၊ ကံမမြို့နယ်တွင် ပြည်ခိုင်ဖြိုးပါတီ နယ်လှည့် ဆေးကုသရေးအဖွဲ့ အခမဲ့ လှည့်လည်ကုသ
ပြည်သူ့ကျန်းမာရေး အထူးကုဆရာဝန်ကြီးများ ပါဝင်သော နယ်လှည့်ဆေးကုသရေး အဖွဲ့ဖြင့် နိုင်ငံအဝှမ်း လှည့်လည်ပြီး အခမဲ့ကျန်းမာရေး စောင့်ရှောက်မှုများ ဆောင်ရွက်ပေးလျက်ရှိသော ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီသည် ဇွန်လ (၃၀) ရက်နေ့တွင် မကွေးတိုင်းဒေသကြီး၊ ကံမမြို့နယ်၊ တောင်စကိုင်းကျေးရွာတွင် ကုသပေးလျက်ရှိရာ ပါတီဗဟိုအတွင်းရေးမှူး ဦးပိုက်ထွေးနှင့်ဇနီး ဒေါ်ခင်မျိုးဌေးတို့ ကိုယ်တိုင်လာရောက် အားပေး ခဲ့ကြသည်။
တောင်စကိုင်းကျေးရွာ၊ ၀ိဇဟာရာမတောင်စကိုင်း ကျောင်းတိုက်တွင် ဆောင်ရွက်သော အဆိုပါ ဆေးကုသမှု အစီအစဉ်သို့ အနီးဝန်းကျင် ကျေးရွာအုပ်စုများမှ ကျန်းမာရေး အစောင့်အရှောက် လိုအပ်သူ မိဘပြည်သူ (၂၅၀) ခန့် လာရောက် စောင့်ရှောက်မှု ခံယူခဲ့ကြသည်။
