အာဆီယံဒေသအတွင်း ဘဏ်များအပြန်အလှန်ဖွင့်နိုင်ရေး ထိုင်း၊ ဗီယက်နမ်တို့နှင့် နိုင်ငံအဆင့်ဆွေးနွေးနေ
အာဆီယံဒေသအတွင်း ဘဏ်များ အပြန်အလှန် ဖွင့်လှစ်နိုင်ရန် ထိုင်းနှင့် ဗီယက်နမ်နိုင်ငံတို့နှင့် နိုင်ငံအဆင့် ဆွေးနွေးနေကြောင်း မြန်မာနိုင်ငံတော်ဗဟိုဘဏ်မှ သတင်းရရှိသည်။
လက်ရှိတွင် အာဆီယံနိုင်ငံများကြား သက်ဆိုင်ရာနိုင်ငံ၏ စံအရည်အချင်းသတ်မှတ်ချက်များ ကိုက်ညီပါက မည်သည့်ဘဏ်မဆို ဖွင့်လှစ်နိုင်ရန် ဆွေးနွေးနေခြင်းဖြစ်ကြောင်း ဗဟိုဘဏ်ညွှန်ကြားရေးမှူးချုပ် ဒေါ်မေမာလာ မောင်ကြီးက ပြောသည်။
‘‘ဒီနိုင်ငံတွေနဲ့ လောလောဆယ်စပြီး ဆွေးနွေးနေဆဲ ရှိပါတယ်။ ဟိုဘက်ဒီဘက် သတ်မှတ်ချက်တွေ ဆွေးနွေး နေတာပါ။ ဆွေးနွေးမှုကလည်း အစပဲရှိပါသေးတယ်’’ဟု ၎င်းက ပြောသည်။
အာဆီယံနိုင်ငံများကြား ဘဏ်လုပ်ငန်းပေါင်းစည်းမှုကိုအထောက်အကူဖြစ်စေရန် အာဆီယံဘဏ်များကို အာဆီယံ အဖွဲ့ဝင်နိုင်ငံများတွင် ၀င်ရောက်လုပ်ကိုင်ခွင့်ပြုရမည်ဖြစ်သည်။
အာဆီယံဘဏ်လုပ်ငန်းများပေါင်းစည်းရေးလုပ်ငန်းစဉ်ကို အဆင့်နှစ်ဆင့်ဖြင့် ဆောင်ရွက်နေပြီး ၎င်းတို့မှာ နှစ်နိုင်ငံ အဆင့်နှင့် အာဆီယံနိုင်ငံစုံအဆင့်တို့ ဖြစ်သည်။
အာဆီယံ နိုင်ငံများအနက် အချို့ဘဏ်များသည် ဘဏ်လုပ်ငန်းတွင် အခြေခံအဆောက်အအုံနှင့် ၀န်ဆောင်မှု ကောင်းမွန်နေ၍ မြန်မာဘဏ်များ မယှဉ်နိုင်သေးကြောင်းနှင့် ယခုစနစ်အတွက် အချိန်ယူရဦးမည်ဖြစ်ကြောင်း ဘဏ်မန်နေဂျာတစ်ဦးက ပြောကြားသည်။
လက်ရှိအချိန် မြန်မာနိုင်ငံအတွင်း နိုင်ငံခြားဘဏ်ခွဲ ၁၃ ခု၊ နိုင်ငံခြားဘဏ်ကိုယ်စားလှယ်ရုံး ခွဲ ၄၅ ခု ဖွင့်လှစ် ပေးခဲ့ပြီး အာဆီယံနိုင်ငံများဖြစ်သည့် ထိုင်း၊ စင်ကာပူ၊ မလေးရှားနှင့် ဗီယက်နမ်နိုင်ငံတို့မှ စုစုပေါင်းဘဏ်ခွဲငါးခု ဖွင့်လှစ်ထားသည်။
လက်ရှိဖွင့် လှစ်ခွင့်ပေးထားသည့် နိုင်ငံခြားဘဏ်ရုံးခွဲများသည် နိုင်ငံခြား ရင်းနှီးမြှုပ်နှံမှုနှင့် ပြည်တွင်းဘဏ် ၏များ ကိုသာ ဘဏ်လုပ်ငန်းဝန်ဆောင်မှုပေးထားသည်။
ပြည်တွင်းဘဏ်များအနက် ကမ္ဘောဇဘဏ်က စင်ကာပူ၊ မလေးရှားနှင့် ထိုင်းနိုင်ငံတို့တွင် ကိုယ်စားလှယ်ရုံးအဖြစ် ဖွင့်လှစ်ထားသည်။
အာဆီယံနိုင်ငံများအကြား ဘဏ်လုပ်ငန်းပေါင်းစည်းရေးမူဘောင်ကို ၂၀၁၄ တွင် အာဆီယံနိုင်ငံများမှ ဗဟိုဘဏ် ဥက္ကဋ္ဌများက သဘောတူလက်မှတ်ရေးထိုးခဲ့သည်။
# 7 Day Daily
