ဒလမြို့နယ် ပြည်ခိုင်ဖြိုးပါတီ သောက်ရေသန့်များ လှူဒါန်း
ရန်ကုန် မေ ၂၈
ဒလမြို့နယ် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ သောက်ရေလိုအပ်လျက်ရှိသော ငါးတန်တစ်ရကျေးရွာသို့ ယမန်နေ့ နံနက်၉နာရီက သောက်ရေသန့်များ သွားရောက်လှူဒါန်း ခဲ့သည်။
ဒလမြို့နယ် ပြည်ခိုင်ဖြိုးပါတီမှ အတွင်းရေးမှူး ဦးဝင်းဇော်လတ်နှင့် တာဝန်ရှိသူများသည် လီတာ ၂ဝ ဝင် သောက်ရေသန့်ဘူးကြီး ၁၅ဝ အား ကျေးလက်နေ ပြည်သူများထံ လာရောက်လှူဒါန်းရာ ရပ်ကျေးပါတီဝင်တို့က ဝိုင်းဝန်းကူညီ ဆောင်ရွက် ပေးခဲ့သည်။
မြို့နယ်ပြည်ခိုင်ဖြိုး ပါတီဝင်များ သောက်ရေသန့် လှူဒါန်းရာသို့ တောင်ပိုင်းခရိုင် ပြည်ခိုင်ဖြိုး ပါတီဥက္ကဋ္ဌ ဦးလွင်ဦးနှင့် ခရိုင်ကော်မတီဝင် ဒေါ်အေးအေးမြင့်တို့က လာရောက်အားပေး ကူညီခဲ့ကြောင်း သိရသည်။
မောင်ယဉ်ဦး(ဒလ)
