ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီလူငယ်ကိုယ်စားလှယ်အဖွဲ့ အာဆီယံ-တရုတ်လူငယ်တွေ့ဆုံပွဲတက်ရောက်ရန်ထွက်ခွာ
ရန်ကုန် နိုဝင်ဘာ ၁၁
ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ဗဟိုကော်မတီဝင် ဒေါက်တာထိန်ဝင်းနှင့် အဖွဲ့ဝင် ၁ဝ ဦးပါ ပြည်ထောင်စု ကြံ့ခိုင်ရေးနှင့်ဖွံ့ဖြိုးရေးပါတီ လူငယ်ကိုယ်စားလှယ်အဖွဲ့သည် တရုတ်ပြည်သူ့သမ္မတနိုင်ငံ ကွမ်ရှီးကျွမ်းဒေသ နန်နင်းမြို့ရှိ Guangxi International Youth Exchange Institute တွင် ယခုလ ၁၂ ရက်မှ ၁၉ ရက်အထိ ဖွင့်လှစ်မည့် (၁၁)ကြိမ်မြောက် အာဆီယံ-တရုတ်လူငယ်တွေ့ဆုံပွဲသို့ တက်ရောက်ရန်အတွက် ယမန်နေ့ ညနေပိုင်းတွင် တရုတ်လေကြောင်း ခရီးစဉ်MU-2032 ဖြင့် ရန်ကုန်အပြည်ပြည်ဆိုင်ရာလေဆိပ်မှ ကူမင်းမြို့သို့ထွက်ခွာ သည်။
ကိုယ်စားလှယ်အဖွဲ့အား ပါတီဌာနချုပ် နိုင်ငံတကာလေ့လာ ရေး ပြည်တွင်းပြည်ပဆက်ဆံရေးကော်မတီအကြံပေးဦးဆွေဝင်း၊ နေပြည်တော်ပါတီဌာနချုပ် နိုင်ငံတကာဆက်ဆံရေးကော်မတီမှ ဦးနိုင်ဝင်းနှင့်ဌာနချုပ်(ရန်ကုန်)မှ ဦးအောင်ဆွေတို့က လေဆိပ်တွင် ပို့ဆောင်နှုတ်ဆက်ကြောင်း သိရသည်။
