မုသာဝါဒသတင်း တိုက်ဖျက်ရေး ယူနစ် ဗြိတိန်၌ ဖွဲ့စည်းထူထောင်မည်
လန်ဒန် ဇန်နဝါရီ ၂၄
ကမ္ဘာ့အခြားသော နိုင်ငံများက ပုံဖျက် သတင်းမှားများဖြင့် ထိုးနှက်တိုက်ခိုက်မှု လှုပ်ရှားချက်များကို ရင်ဆိုင်ကျော် လွှားနိုင်စေရေးအတွက် ဗြိတိန်နိုင်ငံ၌ မုသာဝါဒသတင်း တိုက်ဖျက်ရေး ယူနစ်တစ်ခုကို ဖွဲ့စည်းထူထောင်မည် ဖြစ်ကြောင်း ဝန်ကြီးချုပ် ထရေဇာမေ ၏ ပြောရေးဆိုခွင့်ရှိသူ တစ်ဦးက ပြောကြားလိုက်ကြောင်း ရိုက်တာ သတင်းဌာနက သတင်းထုတ်ပြန် သည်။
အနောက်နိုင်ငံများရှိ အဖွဲ့အစည်းများအား ချေဖျက်နိုင်ရန် ရည်ရွယ်လျက် ရွေးကောက်ပွဲတွင် ကြားဝင် စွက်ဖက်ခြင်း၊ Photoshop ကွန်ပျူတာဆော့ဖ်ဝဲ အသုံးပြု၍ ဒစ်ဂျစ်တယ် နည်းပညာအရ ရုပ်ပုံ(ဓာတ်ပုံ)ကို ပြင်ဆင်ပြောင်းလဲ ခြင်း၊ မှန်ကန်မှုမရှိသော သတင်း အချက်အလက်များကို အသုံးပြု၍ ရန်သူကို ထိုးနှက်တိုက်ခိုက်ရန် ရည်ရွယ်သော သတင်းလိမ်၊ သတင်း အတုအယောင်နှင့် ပုံဖျက်သတင်းများ ရေးသား တင်ဆက်ခြင်းတို့ကို ပြည်ပမှ လုပ်ဆောင်မှုများ ရှိနေသည်ဟု ဝန်ကြီးချုပ်မေက စွပ်စွဲပြောကြားခဲ့ ဖူးသည်။
ဥရောပသမဂ္ဂမှ ဗြိတိန်နိုင်ငံ နုတ်ထွက်ရေးဆိုင်ရာ ၂ဝ၁၆ ခုနှစ် ဇွန်လ ပြည်သူ့ဆန္ဒ ခံယူပွဲတွင် ပြည်ပ မှ နှောင့်ယှက်မှုများ ရှိခဲ့သည်ဟု ဆိုသည်။
သတင်းအလိမ်အညာများသုံးကာ တိုက်ခိုက်နေသော ခြိမ်းခြောက်မှု အရပ်ရပ်အတွက် ဗြိတိန်နိုင်ငံ၏ တုံ့ပြန်နိုင်စွမ်း မည်မျှရှိသည်ကို ကျယ်ကျယ်ပြန့်ပြန့် လေ့လာ သုံးသပ်သွားရန် ဝန်ကြီးများနှင့် အထက်တန်း လုံခြုံရေး တာဝန်ရှိသူ များပါဝင်သော အမျိုးသား လုံခြုံရေး ကောင်စီ အစည်းအဝေးတွင် သဘော တူညီခဲ့ကြသည်။
သတင်းအသွင်ဖြင့် ပုံမှားရိုက်ကာ သိက္ခာချသည့် လုပ်ရပ်များကို တုံ့ပြန် နိုင်ရေးအတွက် အစိုးရအဖွဲ့က အမျိုးသား လုံခြုံရေးဆိုင်ရာ ဆက်သွယ်ရေး နည်းလမ်းများကို တိုးတက်ကောင်းမွန်စွာ အသုံးပြုသွားမည်ဖြစ်ကြောင်း ပြောရေးဆိုခွင့် ရှိသူက သတင်းထောက်များအား ပြောကြားသည်။
မုသာဝါဒသတင်း တိုက်ဖျက်ရေး ယူနစ် မည်သို့လုပ်ကိုင်မည်၊ မည်သည့် နေရာတွင် အခြေစိုက်မည် စသည့် အချက်အလက်များနှင့် ပတ်သက်၍ ပြောရေးဆိုခွင့်ရှိသူက အသေးစိတ် ပြောကြားခြင်း မရှိပေ။
ရိုက်တာ
