ဂန္တဝင်ကစားသမားကြီး ဂန်တို ဖီဖာ ကျော်ကြားသူများစာရင်း (FIFA Hall of Fame) မှာ ထည့်သွင်း ဂုဏ်ပြုခံရ
ရီးယဲလ်မက်ဒရစ်အသင်းရဲ့ ဂုဏ်ထူးဆောင် ဥက္ကဋ္ဌနှင့် ဂန္တဝင်ကစားသမားကြီး ပါကို ဂန်တိုဟာ ဖီဖာရဲ့ ကျော်ကြားသူများစာရင်း (FIFA Hall of Fame) မှာ ထည့်သွင်း ဂုဏ်ပြုခံခဲ့ရကြောင်း စပိန်ကလပ်အသင်းရဲ့ တရားဝင် ဝက်ဘ်ဆိုက်က ဖော်ပြထားပါတယ်။
မက္ကဆီကို၊ Pachuca မှာ ပြုလုပ်တဲ့ ဂုဏ်ပြုပွဲအခမ်းအနားကိုတော့ ဂန်တိုရဲ့ ကိုယ်စား ရီးယဲလ်ကစား သမားဟောင်း Emilio Butragueño က တက်ရောက်ကာ ဆုကို လက်ခံရယူခဲ့ပါတယ်။
“ဂန်တိုဟာ ရီးယဲလ်အသင်းရဲ့ သမိုင်းကြောင်းမှာ အကြီးကျယ်ဆုံး ကစားသမားတွေထဲက တစ်ဦးဖြစ်ပါတယ်။ သူဟာ အသင်းက မေ့မရနိုင်တဲ့ ဥရောပဖလား (ချန်ပီယံလိဂ်ဖလား) ၅ ကြိမ်ဆက် ရရှိပြီး ဒီပြိုင်ပွဲမှာ စုစုပေါင်း ဆုဖလား ၆ ကြိမ်ထိ အများဆုံး ဆွတ်ခူးရရှိတဲ့ ကစားသမားလည်းဖြစ်ပါတယ်။”လို့ Butragueño က ပြောပါတယ်။
တောင်ပံကစားသမား ဂန်တိုဟာ ရီးယဲလ်အသင်းမှာ ၁၈ ရာသီကြာ ကစားခဲ့ပြီး လိဂ်အမှတ်ပေးဖလား ၁၂ ကြိမ် ရရှိခဲ့ပါတယ်။
အသက် ၈၄ နှစ်ရှိပြီဖြစ်တဲ့ ဂန်တိုဟာ ရီးယဲလ်အသင်းအတွက် ၁၉၅၃ နှစ်ကနေ ၁၉၇၁ ခုနှစ်ကြား ကစားခဲ့ပြီး ပွဲပေါင်း ၄၂၈ ပွဲ ကစားခဲ့ပြီး စုစုပေါင်း ၁၂၈ ဂိုး သွင်းယူပေးခဲ့ပါတယ်။
