NCA လက်မှတ်ထိုးရန် မွန်ပြည်နယ် အစိုးရအဖွဲ့နှင့် မွန်ပြည်သစ်ပါတီ တို့ တွေ့ဆုံဆွေးနွေး
နိုင်ငံလုံးဆိုင်ရာ အပစ်အခတ်ရပ်စဲရေးသဘောတူစာချုပ် (NCA) လက်မှတ်ရေးထိုးရန် မွန်ပြည်နယ်အစိုးရ အဖွဲ့နှင့် မွန်ပြည်သစ်ပါတီတို့ မွန်ပြည်နယ်အစိုးရရုံးတွင် မေလ ၁၆ ရက်က တွေ့ဆုံဆွေးနွေးခဲ့ကြောင်း သတင်း ရရှိသည်။
ဆွေးနွေးပွဲကို မွန်ပြည်နယ် ၀န်ကြီးချုပ်နှင့် ၀န်ကြီးများ၊ မွန်ပြည်နယ် တရားသူကြီးချုပ်၊ ပြည် နယ်ဥပဒေချုပ်နှင့် မွန်ပြည်သစ်ပါတီမှ တာဝန်ရှိသူများ တက်ရောက်ဆွေးနွေးခဲ့သည်။
‘‘မွန်ပြည်နယ် ငြိမ်းချမ်းရေးနဲ့ ဖွံ့ဖြိုးတိုးတက်ရေးအတွက် မွန်ပြည်သစ်ပါတီအနေနဲ့ NCA လက်မှတ်ထိုးဖို့ ဆွေးနွေးတာဖြစ်တယ်။ UNFC အဖွဲ့အားလုံး လက်မှတ်ရေးထိုးမှ သူတို့လည်း လက်မှတ်ရေးထိုးမယ်ဆိုတဲ့ လမ်းကြောင်းကို ပြောတယ်။ မွန်ပြည်နယ်မှာရှိတဲ့ ဆရာတော်ကြီးတွေ၊ တိုင်းရင်းသားပြည်သူတွေက ငြိမ်းချမ်း ရေးကိုလိုလားနေတယ်။ အားလုံးအသိပဲဖြစ်ပါတယ်။ သူတို့က အလေးထားပြီး ပြန်စဉ်းစားပါ့မယ်လို့ ပြော သွားတယ်’’ ဟု မွန်ပြည်နယ်လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီးဝင်းနိုင်ဦးက ပြောသည်။
မွန်ပြည်သစ်ပါတီအနေဖြင့် တည်ဆဲဥပဒေကို လေးစားလိုက်နာပြီး တရားဥပဒေစိုးမိုးရေးအတွက် ပြည်နယ် အုပ်ချုပ်ရေးလုပ်ငန်းများတွင် ၀င်ရောက်စွက်ဖက်မှု မပြုရန်နှင့် ဥပဒေချိုးဖောက်မှု မရှိစေရန် မှာကြားခဲ့သည်ဟု ဗိုလ်မှူးကြီး ၀င်းနိုင်ဦးကဆိုသည်။
ထိုတွေ့ဆုံပွဲနှင့် ပတ်သက်၍ တက်ရောက်ဆွေးနွေးခဲ့သည့် မွန်ပြည်သစ်ပါတီ ဗဟိုအလုပ်အမှုဆောင် နိုင်ဝင်းလှ ကို မေးမြန်းသော်လည်း ဖြေကြားခြင်းမရှိပေ။
မွန်ပြည်သစ်ပါတီအနေဖြင့် တစ်နိုင်ငံလုံး အပစ်အခတ်ရပ်စဲရေးစာချုပ် (NCA) လမ်းကြောင်းအတိုင်း ဆက် သွားမည်ဟု ဧပြီ ၂၃ ရက်မှ မေလ ၈ ရက်အထိ ပြုလုပ်သော မွန်ပြည်သစ်ပါတီ ဗဟိုကော်မတီအစည်းအဝေး ဆုံးဖြတ် ချက်အရ သိရသည်။
# 7 Day Daily
