ရန်ကုန်တိုင်းဒေသကြီး ပြည်ခိုင်ဖြိုးပါတီဥက္ကဋ္ဌ တိုင်း၊ ခရိုင်၊ မြို့နယ်ပါတီဥက္ကဋ္ဌများနှင့်တွေ့ဆုံ
ရန်ကုန်တိုင်းဒေသကြီး ပြည် ထောင်စုကြံ့ခိုင်ရေးနှင့် ဖွံ့ဖြိုးရေး ပါတီဥက္ကဋ္ဌ ဦးခင်မောင်စိုးသည် မတ် ၃ဝရက် နံနက် ၁ဝ နာရီခွဲက ရန်ကုန်တိုင်းဒေသကြီး ပြည်ခိုင်ဖြိုး ပါတီကော်မတီရုံးတွင် ရန်ကုန်တိုင်းဒေသကြီး ပါတီကော်မတီဝင်များ၊ ခရိုင်နှင့်မြို့နယ်ပါတီဥက္ကဋ္ဌများနှင့် တွေ့ဆုံ ခဲ့သည်။
ယင်းသို့တွေ့ဆုံရာတွင် ရန်ကုန်တိုင်းပြည်ခိုင်ဖြိုးပါတီဥက္ကဋ္ဌ ဦးခင်မောင်စိုးက မိမိတို့ပါတီသည် အဘက်ဘက်မှ ခိုင်မာတောင့်တင်းစွာဖြင့် ဖွဲ့စည်းခဲ့သည့်ပါတီဖြစ်သလို ပါတီစုံ ဒီမိုကရေစီ စနစ်ကို စတင်ဖော်ဆောင်နိုင်ခဲ့သည့်ပါတီ လည်းဖြစ်ကြောင်း၊ ထို့ကြောင့် ကာကွယ်ရေး ဦးစီးချုပ်၏ မိန့်ခွန်းတွင် ပထမဦးဆုံး ဒီမိုကရေစီနိုင်ငံကို စတင်ထူထောင်ခဲ့သည့် အစိုးရသည် ဦးသိန်းစိန် ဦးဆောင်သည့် အစိုးရဖြစ်ကြောင်း ထည့်သွင်းပြောကြားသွားသည်ကို တွေ့ရမည်ဖြစ် ကြောင်း၊ ပြည်သူများ၏ ရွေး ကောက်ခံဖြစ်ဖို့ လိုအပ်ကြောင်း၊ ထို့အပြင် ပါတီဝင်များသည် မြန်မာင်ငံတွင် လက်ရှိတွေ့ကြုံနေရသည့် ကုန်ဈေးနှုန်းကြီးမြင့်ခြင်း၊ အခြေခံအလုပ်သမားများ၏ လစာ နှင့် ကုန်ကျစရိတ်ကိုက်ညီမှုမရှိ ခြင်း၊ အလုပ်အကိုင် အခွင့်အလမ်း နည်းပါးခြင်း၊ လယ်ယာလုပ်သား များ ကုန်ကျစရိတ်များပြီး အကျိုးအမြတ် နည်းပါးသဖြင့် လယ်ယာလုပ်ငန်းကို စွန့်လွှတ်ချင်စိတ်များ ဖြစ်ပေါ်နေကြကြောင်း၊ အဓိက အခက်အခဲမှာ ဒုစရိုက်မှုများပြောင် ပြောင်တင်းတင်းကျူးလွန်လာသည်ကို တွေ့ရှိရကြောင်း၊ ပြည်သူလူထု တွေ့ကြုံနေရသည့် အခက်အခဲများကိုသိရှိရန် ဖော်ထုတ်တင်ပြပေးကြဖို့ လိုအပ်ကြောင်း၊ မိမိတို့ပါတီ တွင်းမှာလည်း ပါတီဝင်အင်အား တိုးတက်ရရှိရေးကို ဆက်လက် ဆောင်ရွက်သွားကြဖို့လိုအပ်ပြီး ပြည်သူက အားကိုးယုံကြည်ရလောက်သည့် အတိုက်အခံ ပါတီဝင်ကောင်းများဖြစ်အောင်နှင့် အမျိုးဘာသာ သာသနာအတွက် မိမိတို့၏မျိုးချစ် စိတ်ဓာတ်များကိုဖော်ပြကြရန် လိုအပ်ကြောင်းမှာကြားပြီး ရန်ကုန်တိုင်းဒေသကြီး ပြည်ခိုင်ဖြိုးပါတီ အတွင်းရေးမှူး ဦးသာဝင်းက ငွေစာရင်းများ စနစ်တကျပြုစုထားရှိ ရေး၊ ပါတီဝင်စိစစ်ရေးလုပ်ငန်းများ ဆောင်ရွက်ရန်ကိစ္စများကိုတင်ပြပြီး တက်ရောက်လာသူ များကပြန်လည် ဆွေးနွေးခဲ့ကြကြောင်း သိရသည်။
ထိန်ဝင်း(YGN)
