ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီမှ ကြီးမှူး၍ နိုင်ငံတော်လုံခြုံရေးနှင့်တရားဥပဒေစိုးမိုးရေးဆိုင်ရာဆွေးနွေးပွဲကျင်းပ
ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီမှကြီးမှူး၍ နိုင်ငံတော်လုံခြုံရေးနှင့် တရားဥပဒေစိုးမိုးရေးဆိုင်ရာဆွေးနွေးပွဲကို ရန်ကုန်မြို့ ဗဟန်းမြို့နယ် သံလွင်လမ်းရှိ ပါတီဌာနချုပ်ရုံးခွဲရှိခန်းမဆောင်တွင် ယနေ့နံနက် ၉ နာရီခွဲကကျင်းပခဲ့သည်။
အဆိုပါဆွေးနွေးပွဲသို့ ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီဥက္ကဋ္ဌဦးသန်းဌေး၊ ဒုတိယဥက္ကဋ္ဌဦးမြတ်ဟိန်း၊ အထွေထွေအတွင်းရေးမှူးဦးသက်နိုင်ဝင်းနှင့် ဗဟိုအတွင်းရေးမှူးများ၊ ဗဟိုအလုပ်အမှုဆောင်ကော်မတီဝင် များ၊ ပြည်ထောင်စုဝန်ကြီး(ငြိမ်း)၊ ဒုတိယဝန်ကြီးများ(ငြိမ်း)၊ နိုင်ငံရေးပါတီများ၊ ဥပဒေရေးရာနှင့် လွှတ်တော်ရေးရာကော်မတီဝင်များ၊ ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီမှ ကြားဖြတ်ရွေးကောက်ပွဲဝင်မည့် ကိုယ်စား လှယ်လောင်းများ၊အမျိုးသမီးရေးရာ၊ မိခင်နှင့်ကလေးစောင့်ရှောက်ရေးအဖွဲ့ဝင်များ၊ ကြက်ခြေနီနှင့်အရန်မီးသတ်တပ်ဖွဲ့ဝင်များ၊ တပ်မတော်၊ ပြည်ထဲရေးနှင့် မီဒီယာများတက်ရောက်ခဲ့ကြသည်။
ရှေးဦးစွာ ပြည်ခိုင်ဖြိုးပါတီ ဥက္ကဋ္ဌဦးသန်းဌေးက အဖွင့်အမှာ စကားပြောကြားရာတွင်အမျိုးသား ရေးအတွက် အရေးကြီးသည့် ယခု အချိန်အခါမျိုးတွင် ပါတီ၏မူဝါဒ နှင့်လုပ်ငန်းစဉ်အရလည်းကောင်း၊ နိုင်ငံသားတိုင်း စဉ်းစားဆောင်ရွက် ရမည့်အမျိုးသားရေး တာဝန်အရ လည်းကောင်း၊ အခြေခံဥပဒေအရ ပေးထားသည့် ရပိုင်ခွင့်အရလည်း ကောင်း၊ နိုင်ငံတော်လုံခြုံရေးနှင့် တရားဥပဒေစိုးမိုးရေးကို ပီပြင်စွာ ဆောင်ရွက်နိုင်ပြီဟု ယူဆသည့် အတွက်ယနေ့ဆွေးနွေးပွဲကို ကျင်းပ ရခြင်းဖြစ်ကြောင်းပြောကြားသည်။
ဆက်လက်၍ ၁ဝ လတာရှိပြီ ဖြစ်သည့်အစိုးရသစ်ကာလအတွင်း အခြေခံဥပဒေနှင့်ဆန့်ကျင်သည်ဟု အငြင်းပွားခဲ့သော နိုင်ငံတော် အတိုင်ပင်ခံဥပဒေအပါအဝင်အငြင်း ပွားဖွယ်ဥပဒေများပြဋ္ဌာန်း၍ စီမံ ခန့်ခွဲခြင်း၊ အခြေခံဥပဒေနှင့်အညီ ဖွဲ့စည်းထားသော နိုင်ငံတော် ကာကွယ်ရေးနှင့်လုံခြုံရေးကောင်စီ သက်ဝင်လှုပ်ရှားမှုလုံးဝမရှိဘဲ အဖွဲ့ အစည်းသစ်များ ဖန်တီးအစားထိုး သည့်လုပ်ရပ်များ ပေါ်ပေါက်လာ ခြင်း၊ အခြေခံဥပဒေ၏ အနှစ်သာရ ဖြစ်သောအုပ်ချုပ်ရေး၊ဥပဒေပြုရေး၊ တရားစီရင်ရေးအဖွဲ့များအပြန်အလှန် ထိန်းကျောင်းမှုယိမ်းယိုင်လာသည့် အတွက် ဒီမိုကရေစီအာဏာရှင် ပုံစံ ကို ဦးတည်လာပြီး The Rule of Law ဆိုသည့် တရားဥပဒေစိုးမိုးမှု အားနည်းလာခြင်းတို့အပြင် လူ့ အခွင့်အရေးကိုရှေ့တန်းတင် လွန်း ပြီးနိုင်ငံသားအခွင့်အရေးသို့မဟုတ် နိုင်ငံတော်အခွင့်အရေးအကြီးအကျယ် နစ်နာဆုံးရှုံးသွားစေသည့်ဆောင်ရွက် ချက်များပေါ်ပေါက်လာခြင်း၊ဥပမာ- နိုင်ငံတော်နှင့်နိုင်ငံသားများ လုံခြုံ ရေးကို များစွာအထောက်အကူပြု သည့်ဥပဒေအချို့ကို ဖျက်သိမ်းခဲ့ ပြီးယင်းဖျက်သိမ်းမှုမှတစ်ဆင့်နိုင်ငံ အနှံ့အပြားမျက်နှာစိမ်းများ အလွယ် တကူအလျင်အမြန်ရောက်ရှိ ခြေ ကုပ်ယူလာခြင်းများကိုစိုးရိမ် ဖွယ် တွေ့ရှိလာကြောင်း ပါတီဥက္ကဋ္ဌ ဦးသန်းဌေးက ပြောသည်။
ထို့ပြင်မဏ္ဍိုင်သုံးရပ်၏ အပြန် အလှန်ထိန်းကျောင်းမှု ဟန်ချက် ပျက်လာခြင်းနှင့်အတူ အာဏာဗဟို ပြုရာကို ဝန်းရံထားသည့် အသိုက် အဝန်း၊ အမျိုးသားရေးကိုယ်ခံအား နှင့် ဆက်စပ်စဉ်းစားလိုက်မည်ဆို လျှင်နိုင်ငံ၏အရေးကြီးသောသတင်း လုံခြုံမှုသည်ထိတ်လန့်ဖွယ်မေးခွန်း ထုတ်စရာဖြစ်လာပြီဖြစ်ကြောင်း ၄င်းက ပြောကြားသည်။
ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီအပါအဝင် အမျိုး ရေးအင်အားစုများက စိုးရိမ်တကြီး ထောက်ပြထားသောဘင်္ဂါလီအရေး နှင့်ပတ်သက်၍အစိုးရ၏ကိုင်တွယ် မှုသည်လည်းစိုးရိမ်ခဲ့သည့်အတိုင်း နိုင်ငံတကာပြဿနာအဖြစ် ပုံဖော်ခံ နေရပြီဖြစ်ကြောင်း၊ ရခိုင်ဒေသ တွင် Human Rights ကိုတွင်တွင် ပြောခြင်းသည် National Rights ကျဆုံးခန်းကိုတွေ့ရမည်ဖြစ်ကြောင်း၊ံHuman Rights ဆိုသည်ဒီမိုကရေစီ သမားများတွင် သုံးလေ့ရှိသော စကားလုံးဖြစ်ပြီးမျက်မှောက်ခေတ် ဒီမိုကရေစီစကားလုံးတွင်ကျယ်လာ သည့်အခါထင်ပေါ်သော ပုဂ္ဂိုလ်၊ အဖွဲ့အစည်းအသီးသီးသည် ဒီမို ကရေစီကိုရှေ့က နာမည်တပ်၍ ပြည်သူကို ဆွဲဆောင်နေသည်ကို တွေ့ရကြောင်း၊ National Interests, National Idendity ခေါ် သည့် အမျိုးသားအကျိုးစီးပွား၊ အမျိုးသားစရိုက်လက္ခဏာမပျောက် ပျက်ရန်အရေး ကြီးဆုံးဖြစ်သည်ကို သတိချပ်စေချင်ကြောင်း၊ တစ်ခါ တစ်ရံတွင် လူတစ်ဦးချင်း၏Human Rights နှင့်နိုင်ငံတော်၊ နိုင်ငံ သားများ၏Nation’s Rights သို့ မဟုတ် National Rights တို့သည် ပြောင်း ပြန်အချိုးကျတတ်ကြောင်း ပါတီဥက္ကဋ္ဌ ဦးသန်းဌေးက အဖွင့် အမှာစကားပြောကြားရာ၌ ထည့် သွင်းပြောကြားခဲ့သည်။
ယင်းနောက် အခမ်းအနားမှူး များအဖြစ် ဗဟိုအတွင်းရေးမှူး ဦးသန်းထွန်းနှင့် ဗဟိုကော်မတီဝင် ဒေါက်တာနန္ဒာလှမြင့်တို့က ဆောင် ရွက်သည်။အစီအစဉ်အရသဘာပတိ အဖြစ် ဦးစည်သူမြတ်သူ(ခေါ်) တက္ကသိုလ်မြတ်သူက ဆောင်ရွက် ကာဒေသအတွင်း ရိုက်ခတ်လာ နိုင်သောကမ္ဘာ့အကြမ်းဖက်လုပ်ရပ် များခေါင်းစဉ်ဖြင့်ဆရာဦးကိုကိုလှိုင် ကလည်းကောင်း၊ အမျိုးသားလုံခြုံ ရေးနှင့်ဒီမိုကရေစီအကူးအပြောင်း ခေါင်းစဉ်ဖြင့်ဒေါက်တာမင်းဇော်ဦး တို့က ဆွေးနွေးခဲ့ကြပြီး နံနက်ပိုင်း အခမ်းအနားကိုခေတ္တရပ်နားခဲ့သည်။
ဆက်လက်၍ မွန်းလွဲပိုင်း အစီ အစဉ်အရသဘာပတိအဖြစ်ဦးစည်သူ မြတ်သူ(ခေါ်)တက္ကသိုလ်မြတ်သူက သဘာပတိအဖြစ် ဆောင်ရွက်ခဲ့ပြီး တရားဥပဒေစိုးမိုးရေးအားလုံခြုံရေး ရှုထောင့်မှ ချဉ်းကပ်လေ့လာခြင်း ခေါင်းစဉ်ဖြင့် ပြည်ထောင်စုကြံ့ခိုင် ရေးနှင့်ဖွံ့ဖြိုးရေးပါတီ ဗဟိုအလုပ် အမှုဆောင် (ပါတီစည်းကမ်းထိန်း သိမ်းရေးကော်မတီဥက္ကဋ္ဌ) ဦးခင်ရီ ကလည်းကောင်း၊ နိုင်ငံတော်လုံခြုံ ရေးနှင့် ဥပဒေအမြင်ခေါင်းစဉ်ဖြင့် ဦးစစ်အေးတို့ကလည်းကောင်းဆွေး နွေးပြောကြားခဲ့သည်။
ထို့နောက် ငြိမ်းချမ်းရေးနှင့် ပတ်သက်၍ ဗဟိုအလုပ်အမှုဆောင် ကော်မတီ ဦးမြင့်စိုးကဖြည့်စွက် ဆွေးနွေးပြောကြားခဲ့ပြီးတက်ရောက် လာသည့်နိုင်ငံရေးပါတီများမှကိုယ် စားလှယ်များကသိရှိ လိုသည်များ ကို မေးမြန်းဆွေးနွေးခဲ့သည်။
ဆက်လက်၍ နိုင်ငံတော်လုံခြုံ ရေးနှင့်တရားဥပဒေစိုးမိုးရေးဆိုင်ရာ ဆွေးနွေးပွဲတွင် ပြည်ထောင်စု ကြံ့ခိုင်ရေးနှင့်ဖွံ့ဖြိုးရေးပါတီဥက္ကဋ္ဌ ဦးသန်းဌေးက နိဂုံးချုပ်စကားပြော ကြားပြီးအခမ်းအနားကို ညနေ ၅ နာရီ ၁၅ မိနစ်တွင် အောင်မြင်စွာ ပြီးဆုံးခဲ့သည်။
ကျော်ဇင်၊နေထက်ဝေ
