အင်ဒိုနီးရှားတွင် ကုန်တင်လေယာဉ်တစ်စီး ပြေးလမ်းချော် ပျက်ကျ
အင်ဒိုနီးရှား နိုင်ငံတွင် ကုန်တင်လေယာဉ်တစ်စီး ပြေးလမ်းပေါ် အဆင်း၌ လမ်းချော် ပျက်ကျမှု ဖြစ်ပွားခဲ့ကြောင်း သိရသည်။
စက်တင်ဘာ ၁၃ ရက် နံနက်အစောပိုင်းက လောင်စာဆီများ တင်ဆောင်လာသည့် လေယာဉ်သည် ပါပူအာရှိ ဝါမီနာ လေဆိပ်သို့ အဆင်းတွင် ပြေးလမ်းမှ ချော်ထွက်သွားခြင်း ဖြစ်သည်။ အဆိုပါ လေယာဉ်ကို Trigana လေကြောင်း ဝန်ဆောင်မှု ကုမ္ပဏီက ပိုင်ဆိုင်သည်။
“အသက်ဆုံးရှုံးမှုတော့ မရှိပါဘူး။ ပြီးတော့ တင်ဆောင်လာတဲ့ လောင်စာဆီတွေလည်း ဘေးကင်းပါတယ်”ဟု လေဆိပ် တာဝန်ရှိသူ တစ်ဦးက ဆိုသည်။ အဆိုပါ လေယာဉ်သည် ပါပူအာရှိ ဆန်တာနီ လေဆိပ်မှ စတင်ပျံတက် လာခြင်း ဖြစ်သည်။
ဝါမီနာ လေဆိပ်သို့ အဆင်းတွင် လေယာဉ်မှာ ဟန်ချက်ပျက်ပြီး ပြေးလမ်း ၃၃ ပေါ်ထိ ချော်ထွက်သွားခဲ့သည်။ လေယာဉ် ရပ်တန့်သွားသည့် နေရာသည် မူလဆင်းရန် သတ်မှတ်နေရာမှ ၂ ကီလိုမီတာမျှ ကွာဝေးသည်။
လေယာဉ်မှူး၊ တွဲဖက်လေယာဉ်မှူးနှင့် အဖွဲ့သားများက လေယာဉ်ကို စွန့်ခွာနိုင်ခဲ့ပြီးနောက် အသင့်စောင့်နေသည့် မီးသတ်တပ်ဖွဲ့က စတင်လောင်ကျွမ်းစ ပြုနေသည့်မီးကို အလျင်အမြန် ငြှိမ်းသတ်နိုင်ခဲ့ကြသည်။ လေယာဉ်၏ ဘယ်ဘက်အင်ဂျင်မှာ ဆိုးဆိုးရွားရွား မီးလောင်ပျက်စီးသွားသည်။
လေယာဉ်ပေါ်တွင် လောင်စာဆီ၊ ဆန်နှင့် သကြား ၁၄ တန်မျှ တင်ဆောင်လာပြီး ကံကောင်းထောက်မစွာဖြင့် မီးမကူးခဲ့ချေ။ လေယာဉ်ပေါ်မှ လောင်စာဆီများကို အခြား ကုန်တင်လေယာဉ် တစ်စီးထံ အမြန်ဆုံး ပြောင်းရွှေ့ ပေးခဲ့ရကြောင်းလည်း သိရှိရသည်။
Ref: Channel News Asia
