UPDJC အစည်းအဝေး ယနေ့ စတင် ကျင်းပ
၂၁ ရာစု ပင်လုံညီလာခံ၏ နိုင်ငံရေးမူဘောင်များကို အတည်ပြုမည့် ပြည်ထောင်စုငြိမ်းချမ်းရေး ပူးတွဲကော်မတီ (UPDJC) အစည်းအဝေးကို ယနေ့ (သြဂုတ်လ ၁၅ ရက်) တွင် စတင်ကျင်းပလျှက်ရှိကြောင်း သိရသည်။
ယင်းအစည်းအဝေးကို သြဂုတ်လ ၁၅ ရက်နှင့် ၁၆ ရက် နှစ်ရက် ကျင်းပမည်ဖြစ်ပြီး အစည်းအဝေးသို့ နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် တက်ရောက်မည်ဖြစ်ကြောင်း သမ္မတရုံး ပြောရေးဆိုခွင့်ရှိသူ ဦးဇော်ဌေးက The Voice သို့ ပြောကြားသည်။
လက်ရှိတွင် နိုင်ငံရေးမူဘောင်ကို အဆုံးသတ်နိုင်ခြင်းမရှိသေးဘဲ ယင်းအစည်းအဝေးတွင် ဆွေးနွေးညှိနှိုင်းသွား မည်ဖြစ်ကြောင်း ဦးဇော်ဌေးက ပြောဆိုသည်။
“ဒေါ်အောင်ဆန်းစုကြည် တက်မှာတော့ ကျိန်းသေတယ်။ တစ်ရက် တက်မလား နှစ်ရက်လုံး တက်မလားတော့ မသိသေးဘူး။ Framework ကလည်း မပြတ်နိုင်သေးဘူး။ အဲဒီအစည်းအဝေးကျမှ ဆွေးနွေးကြမှာ”ဟု ၎င်းက ဆိုသည်။
ထို့ပြင် ယင်းအစည်းအဝေးတွင် လက်မှတ်မထိုးထားသည့် တိုင်းရင်းသားလက်နက်ကိုင်များက UPDJC ကော်မတီ တွင် ပါဝင်ခွင့်ရရန် တောင်းဆိုထားချက်ကိုလည်း ဆွေးနွေးသွားမည်ဖြစ်ကြောင်း ၂၁ ရာစု ပင်လုံညီလာခံ အကြို ပြင်ဆင်ရေးကော်မတီ အတွင်းရေးမှူး ဦးလှမောင်ရွှေက ပြောကြားသည်။
“သူတို့ တောင်းဆိုထားတဲ့ ကော်မတီထဲ ပါချင်တဲ့ကိစ္စကို UPDJC မှာ တင်ပြထားပါတယ်။ ကောင်းမွန်တဲ့ ရလဒ် ထွက်လာဖို့ မျှော်လင့်တယ်”ဟု ဦးလှမောင်ရွှေက ပြောကြားသည်။
အစိုးရသစ် လက်ထက် ပထမဦးဆုံး UPDJC အစည်းအဝေးကို ပြီးခဲ့သည့် မေလကုန်ပိုင်းက စတင် ကျင်းပခဲ့ပြီး ဒေါ်အောင်ဆန်းစုကြည် ကိုယ်တိုင် ဥက္ကဋ္ဌ အဖြစ် တာဝန်ယူ၍ ပြန်လည် ဖွဲ့စည်းခဲ့သည်။
နိုင်ငံရေး ဆွေးနွေးပွဲများနှင့် ညီလာခံများ ကျင်းပရေးအတွက် နိုင်ငံရေး ဆွေးနွေးမှု မူဘောင်ကို ပြည်ထောင်စု ငြိမ်းချမ်း ရေးဆွေးနွေးမှု ပူးတွဲကော်မတီ (UPDJC) က ရေးဆွဲ အတည်ပြုပေးရပြီး နိုင်ငံရေးဆွေးနွေးပွဲ အဆင့်ဆင့်ကို UPDJC က လမ်းညွှန် ကြီးကြပ်ရမည်ဟု နိုင်ငံရေး ဆွေးနွေးမှုဆိုင်ရာ မူဘောင်တွင် ဖော်ပြ ထားသည်
The Voice
