မြန်မာနှင့် ဘင်္ဂလားဒေ့ရ်ှတွင် ကွန်ရက်ချဲ့နိုင်ခဲ့ခြင်းကြောင့် တယ်လီနောကုမ္ပဏီအုပ်စု ၀င်ငွေစံချိန်တင်
မြန်မာနှင့် ဘင်္ဂလားဒေ့ရ်ှနိုင်ငံများတွင် ဆက်သွယ်ရေးကွန်ရက် တိုးချဲ့နိုင်ခဲ့ခြင်းကြောင့် ၂၀၁၆ ပထမ သုံးလပတ်၌ နော်ဝေးအခြေစိုက်တယ်လီနောအုပ်စုသည် စံချိန်တင် ၀င်ငွေရရှိခဲ့ကြောင်း ကုမ္ပဏီက သတင်းထုတ်ပြန်သည်။ တယ်လီနောမြန်မာကုမ္ပဏီသည် မြန်မာနိုင်ငံ၌ ၂၀၁၄ အောက်တိုဘာတွင် ဆက်သွယ်ရေး ကွန်ရက်စတင်ခဲ့ပြီး ဒုတိယဈေးကွက်ဝေစု အများဆုံးပိုင်ဆိုင်ထားကာ ၀င်ငွေရရှိမှု တိုးတက်ရှိနေကြောင်း၎င်းတို့၏ အစီရင်ခံစာ၌ ဖော်ပြထားသည်။
‘‘ကျွန်တော်တို့ ကွန်ရက်က တာဝါတိုင်ပေါင်း ၅,၀၀၀ ကျော်နဲ့ မြန်မာနိုင်ငံရဲ့တိုင်းနဲ့ပြည်နယ်၊ နယ်မြေအားလုံး ကို ရောက်ရှိနေပြီး လူဦးရေထူထပ်တဲ့ ဒေသတွေရဲ့ ၆၂ ရာခိုင်နှုန်း၊ မြို့နယ် ၉၀ ရာခိုင်နှုန်းခန့် လွှမ်းခြုံထား နိုင်ပြီ ဖြစ်ပါတယ်’’ဟု တယ်လီနောမြန်မာ၏ အမှုဆောင်အရာရှိချုပ် မစ္စတာ ပီတာဖာဘတ်ခ်ျက ပြောသည်။ ၂၀၁၆ ပထမသုံးလပတ်တွင် တယ်လီနောမြန်မာဆင်းမ်ကတ် သုံးစွဲသူ၁ဒသမ၈သန်းရှိခဲ့ပြီး စတင်ရောင်းချ သည့်အချိန်မှ ပြီးခဲ့သည့် မတ်လကုန်အထိသုံးစွဲသူ ၁၅ ဒသမ ၅ သန်း ကျော်ရှိကြောင်း တယ်လီနောမြန်မာက သတင်းထုတ်ပြန်သည်။
ပြည်တွင်း၌ ဆင်းမ်ကတ် ဈေးကွက်ဝေစုနှင့် ၀င်ငွေတိုးတက်လာသည်ဟု သတင်း ထုတ်ပြန်သော်လည်း သုံးစွဲသူများထံမှ ရရှိသော စုစုပေါင်းဝင်ငွေကိုမူ ထုတ်ပြန် ခဲ့ခြင်း မရှိပေ။ ၂၀၁၆ အကုန်တွင် တယ်လီနော မြန်မာသည် ဆက်သွယ်ရေးတာဝါတိုင် နှစ်ထောင်ကျော်တိုးချဲ့ ဆောက်လုပ်မည်ဖြစ်ပြီး တစ်နိုင်ငံလုံး အတိုင်း အတာဖြင့် တာဝါတိုင် ကိုးထောင်ကျော်အထိ စိုက်ထူသွားရန် မျှော်မှန်းထား ကြောင်း ၎င်းကပြောဆို သည်။ တယ်လီနောအုပ်စုသည် မြန်မာအပါအ၀င် နိုင်ငံပေါင်း ၁၃ နိုင်ငံတွင် ဆက်သွယ်ရေး ကွန်ရက် ဖြန့်ကြက်ထားပြီး စုစု ပေါင်းဝင်ငွေမှာ အမေရိကန်ဒေါ် လာ ၃ဒသမ၈၂ ဘီလီယံ (နော်ဝေးနိုင်ငံသုံးငွေ ခရိုနာ ၃၃ဒသမ၀၁၃ ဘီလီယံ)ရှိကြောင်း သတင်းထုတ် ပြန်ထားသည်။
