အစိုးရဌာနဆိုင်ရာ နေ့စားဝန်ထမ်းများ တစ်ရက်လုပ်ခ ကျပ် ၄,၈၀၀ သတ်မှတ်
အစိုးရဌာနဆိုင်ရာများမှ နေ့စားဝန်ထမ်းများကို တစ်ရက် လုပ်ခအနည်းဆုံး ကျပ် ၄,၈၀၀ သတ်မှတ်ကြောင်း စီမံကိန်းနှင့် ဘဏ္ဍာရေးဝန်ကြီးဌာနက ကြေညာသည်။ အနည်းဆုံး အခကြေးငွေ သတ်မှတ်ရေးဆိုင်ရာ အမျိုးသား ကော်မတီက မေလ ၁၄ ရက်တွင် ထုတ်ပြန်သည့် အနည်းဆုံးအခ ကြေးငွေ တိုးမြှင့်ပြင်ဆင်ချက်တွင် အစိုးရဌာန ဆိုင်ရာများမှ နေ့စားဝန်ထမ်းများ အကျုံးဝင်ခြင်း မရှိဘဲ ယခုမှသာ စီမံကိန်းနှင့်ဘဏ္ဍာရေးဝန်ကြီးဌာနက အမိန့် ကြော်ငြာချက် ထပ်ဆင့်ထုတ်ပြန်၍ အဆိုပါ နေ့စားဝန်ထမ်းများအား လုပ်ခလစာတိုးမြှင့်ခံစားခွင့်ပြုခဲ့သည်။
နေ့စားဝန်ထမ်းများ လုပ်ခ လစာတိုးမြှင့်ခံစားခွင့်ကို ဇွန်လ ၂၁ ရက်က ပြုလုပ်သည့် ပြည် ထောင်စုအစိုးရ အဖွဲ့အစည်းအ ဝေး၌ အတည်ပြုဆုံးဖြတ်ခြင်းဖြစ် ကြောင်း စီမံကိန်းနှင့် ဘဏ္ဍာရေး ဝန်ကြီးဌာန၏ ဇွန်လ ၂၇ ရက်စွဲ ဖြင့် ထုတ်ပြန်သော ကြေညာချက် ၌ ဖော်ပြထားသည်။
အဆိုပါ အစိုးရဌာနများနှင့် အဖွဲ့အစည်းများရှိ နေ့စားအလုပ်သမားသည် အလုပ်ချိန် ရှစ်နာရီ အတွက် တစ်ရက်လုပ်ခ ကျပ်၎,၈၀၀ ကို မေလ ၁၄ ရက်က စတင်ခံစားခွင့်ရရှိမည်ဖြစ်ကြောင်း ဖော်ပြထားသည်။ အစိုးရဌာနဆိုင်ရာအဖွဲ့အ စည်းများမှ နေ့စားအလုပ်သမား များအတွက် အနည်းဆုံးအခကြေး ငွေ တိုးမြှင့်ခံစားခွင့် ကြေညာချက် ထုတ်ပြန်ချိန် နောက်ကျသော်လည်း အကျိုးခံစားခွင့်သည်ပုဂ္ဂလိ ကဝန်ထမ်းများနှင့် ကာလတူဖြစ် သည်။
‘‘လုပ်ခတိုးပေးဖို့ကတော့ လျာထားပြီးသားပါ။ စီမံဘဏ္ဍာက ထုတ်ပြန်တဲ့အချိန် စောင့်နေရတဲ့အတွက် နေ့စား ဝန်ထမ်းတွေကို တိုးမပေးနိုင်ခဲ့တာ ဖြစ်ပါတယ်။ အဲဒီအတွက်လည်း ဝန်ထမ်းတွေကို နားလည်အောင် ပြောပြထား ရတယ်’’ဟု ကျန်းမာ ရေးနှင့် အားကစားဝန်ကြီးဌာနတာဝန်ရှိသူတစ်ဦးက ဆိုသည်။
လက်ရှိတွင် အစိုးရဌာနဆိုင်ရာနှင့် အဖွဲ့အစည်းများ လက်အောက်၌ နေ့စား ခန့်အပ်ထားသည့် အလုပ်သမား နှစ်သိန်းခန့်ရှိကြောင်း ကနဦးထုတ်ပြန်ချက်စာရင်းများတွင် ဖော်ပြထားသည်။ အစိုးရဌာန အဖွဲ့အစည်းများ အနေဖြင့် နေ့စားအလုပ်သမားခန့်အပ်ရာတွင် သက်ဆိုင်ရာဝန်ကြီးဌာန၏ ခွင့်ပြုချက်ဖြင့်သာ ခန့်အပ်ရန် စီမံကိန်း နှင့် ဘဏ္ဍာရေးဝန်ကြီးဌာနက ကြေညာထားသည်။
အနည်းဆုံးအခကြေးငွေကို မေလ ၁၄ ရက်ကစတင်၍ ပုဂ္ဂလိ ကဝန်ထမ်းများအား တိုးမြှင့်ပေးခဲ့ ပြီးဌာနဆိုင်ရာ နေ့စားဝန်ထမ်းများသည် တစ်လကျော်အထိ လုပ်ခတိုးမြှင့်ခံစားခွင့် မရရှိသဖြင့် ဝေဖန်မှုများရှိခဲ့သည်။ ‘‘လုပ်ခတိုး ပေးမှာကိုလည်း မျှော်လင့်နေကြတာကြာပြီ။ အများစုဆန္ဒကတော့ အမြဲတမ်းဝန် ထမ်းအဖြစ် ရွေးချယ်ခန့်အပ်ခံရ ရေးပါ။ အဲဒါကိုလည်း လူကြီးတွေ စဉ်းစား ပေးစေချင်တယ်’’ဟု ပညာရေးဝန်ကြီးဌာန လက်အောက်ရှိ နေ့စား ဝန်ထမ်း တစ်ဦး က ပြောသည်။
ထို့အပြင် ပုဂ္ဂလိကဝန်ထမ်းများကို ယခင်လကစ၍ အနည်းဆုံး အခကြေးငွေနှုန်းထားသစ်ဖြင့် ခံစားခွင့်ပြုခဲ့ သည်ဆိုသော်လည်း လက်ရှိ၌ ကျပ် ၄,၈၀၀ မပေးသည့် စက်ရုံ၊ အလုပ်ရုံများ ရှိသေးကြောင်း မြန်မာနိုင်ငံ စက် မှုလက်မှုနှင့် ဝန်ဆောင်မှုလုပ်ငန်း ပေါင်းစုံ အလုပ်သမားသမဂ္ဂများ အဖွဲ့ချုပ်က သတင်းထုတ်ပြန်ထားသည်။
