အမေရိကန်ဈေးကွက်မှာ Samsung ကိုကျော်ဖြတ်ပြီး ထိပ်တန်း စမတ်ဖုန်းကုမ္ပဏီ ဖြစ်လာတဲ့ Apple
Samsung နဲ့ Apple ဟာ အမေရိကန်နိုင်ငံအတွင်းမှာ ဈေးကွက်ဝေစုများစွာရရှိဖို့ ယှဉ်ပြိုင်နေတာ ကြာပါပြီ။ ကုမ္ပဏီနှစ်ခုဟာ ထုတ်ကုန်ရောင်းအားတင် ယှဉ်ပြိုင်နေတာမဟုတ်ဘဲ သုံးလပတ်အသီးသီးမှာ အဓိက ထုတ်ကုန်တွေ ထွက်ရှိဖို့ ပြိုင်ဆိုင်နေကြပါတယ်။ Apple ဟာ မကြာသေးခင်က iPhone သစ်တွေ မိတ်ဆက်ထားသလို ၂၀၁၇ ခုနှစ် ရဲ့ပထမနှစ်ဝက်ကလည်း Samsung က Galaxy S ထုတ်ကုန်တွေကို ဖြန့်ချိ ထားပါတယ်။ ကုမ္ပဏီနှစ်ခုစလုံးဟာ အနိမ့်၊ အမြင့်၊ အတက်၊ အကျတွေ ကြုံခဲ့ရပေမယ့် အမေရိကန် စမတ်ဖုန်းတင်ပို့ရောင်းချမှုကို လွှမ်းမိုးထားနိုင်ဆဲ ဖြစ်ပါတယ်။
Samsung အနေနဲ့ ၂၀၁၇ ခုနှစ် တတိယသုံးလပတ်အတွင်း ကမ္ဘာလုံးဆိုင်ရာ စမတ်ဖုန်းဈေးကွက်ကို ဦးဆောင် ထားနိုင်ပေမယ့် အမေရိကန်မှာတော့ ထိပ်ဆုံးနေရာကို Apple ထံ လွှဲပြောင်းပေးခဲ့ရတယ်လို့ Strategy Analytics သုတေသန ကုမ္ပဏီက ဖော်ပြခဲ့ပါတယ်။
Samsung ဟာ ၂၀၁၇ ခုနှစ် တတိယသုံးလပတ်အတွင်း အမေရိကန်နိုင်ငံဆီ ဖုန်းပေါင်း ၉.၉ သန်းတင်ပို့နိုင်ခဲ့ပြီး Apple ကတော့ iPhone ၁၂ သန်းတင်ပို့ရောင်းချနိုင်ခဲ့ပါတယ်။ Apple ရဲ့ဈေးကွက်ဝေစုက ၃၀.၄ ရာခိုင်နှုန်း ရှိလာပေမယ့် Samsung ကတော့ ၂၅.၁ ရာခိုင်နှုန်းပဲ ရှိပါတယ်။ ဒါကြောင့် Samsung ဟာ သုံးလပတ် နှစ်ကြိမ်ဆက်တိုက် သိမ်းပိုက်ထားတဲ့ အမေရိကန် ထိပ်တန်းစမတ်ဖုန်း ကုမ္ပဏီနေရာကို Apple ထံ လွှဲပြောင်းပေးခဲ့ရပါတယ်။
၂၀၁၇ ခုနှစ် စတုတ္ထသုံးလပတ်မှာလည်း Apple ကပဲဦးဆောင်သွားနိုင်ခြေ ရှိပါတယ်။ Apple အနေနဲ့ ဆယ်နှစ်ပြည့် အထိမ်းအမှတ်အဖြစ် iPhone X ကိုမိတ်ဆက်ထားပြီး iPhone X ဟာ အကြီးအကျယ် ရောင်းချရတဲ့ စမတ်ဖုန်း ဖြစ်လာနိုင်ပါတယ်။ Samsung ကတော့ အစိတ်အပိုင်းထောက်ပံ့သူအဖြစ် Apple နဲ့ပူးပေါင်းထားပြီး iPhone X ကနေ ဘီလျံပေါင်းများစွာ ရရှိနိုင်မယ့် အလားအလာ ရှိနေပါတယ်။
Samsung အနေနဲ့ လာမယ့်နှစ်မှာ Galaxy S9 ထွက်ရှိတဲ့အချိန်အထိ အမေရိကန် ထိပ်တန်းစမတ်ဖုန်း ရောင်းချသူအဖြစ် တက်လှမ်းဖို့ ရုန်းကန်ရနိုင်ပါတယ်။
စိုးထက်
Ref: AndroidAuthority
