ပြည်သူ့လွှတ်တော်ဒုတိယဥက္ကဋ္ဌဦးတီခွန်မြတ် ပြည်ခိုင်ဖြိုးပါတီမှ နုတ်ထွက်

ပြည်ခိုင်ဖြိုးပါတီအမာခံတစ်ဦးဖြစ်သူ ပြည်သူ့လွှတ်တော် ဒုတိယဥက္ကဋ္ဌဦးတီခွန်မြတ်သည် ပါတီမှ နုတ်ထွက်ပြီ ဖြစ်ကြောင်း ပါတီ၏ ပြောရေးဆိုခွင့်ရှိသူ ဒေါက်တာနန္ဒာလှမြင့်က အတည်ပြုသည်။ ‘‘သူ့ရဲ့ ကိုယ်ရေးကိုယ်တာ ကိစ္စကြောင့်မို့ ထင်ပါတယ်။ ကျွန်တော်တို့ဗဟိုအလုပ်အမှုဆောင် အစည်းအဝေးမှာ သူ့ကိုထွက်ဖို့ အစည်းအဝေး ဆုံးဖြတ်ချက်အရ ခွင့်ပြုပေးလိုက်တာ။ ထွက်ခွင့်ပြု လိုက်တာ’’ ဟု ၎င်းကပြောသည်။

ပြည်ခိုင်ဖြိုးပါတီဝင်အဖြစ် ရွေးကောက်ပွဲနှစ်ဆက်အနိုင်ရခဲ့သူ ဦးတီခွန်မြတ်သည် ပြီးခဲ့သည့် ဩဂုတ် ၁၁ ရက် က ပါတီသို့ နုတ် ထွက်ခွင့်ပေးရန် တောင်းဆိုခဲ့သည်။ ‘‘ဦးတီခွန်မြတ်က ပြဿနာနဲ့ ထွက်တာမဟုတ်ဘူး။ သူ့အသက် အရွယ်နဲ့ သူ့ကျန်းမာရေး၊ သူ့မိ သားစုအနေအထားအရသူ့စိတ် ဆန္ဒနဲ့ ပါတီဝင်အဖြစ်ကနေ အ နားယူဖို့ခွင့်ပြုချက်တောင်းယူလို့ ခွင့်ပြုလိုက်တာပါ။ အခုလည်းလက်တွဲနေတဲ့ကာလ ဖြစ်ပါတယ်။ ဦးတီခွန်မြတ် နဲ့ ကျွန်တော်တို့က လက်တွဲပြီးတော့ နိုင်ငံတော်အတွက် ဆောင်ရွက်သွား မှာဖြစ်ပါတယ်’’ ဟု ဒေါက်တာ နန္ဒာလှမြင့်က ပြောသည်။

ပြည်ထောင်စုကြံ့ခိုင်ရေး နှင့်ဖွံ့ဖြိုးရေးပါတီ၏ ဗဟိုကော်မတီဝင် ဦးတီခွန်မြတ်သည် ၂၀၁၀ နှင့် ၂၀၁၅ ရွေးကောက်ပွဲ နှစ်ဆက်တိုင် ရှမ်းပြည်နယ်ကွတ်ခိုင်မဲဆန္ဒနယ်မှ  အနိုင်ရလွှတ်တော် ကိုယ်စားလှယ်တစ်ဦး ဖြစ်သည်။ ပြည်ခိုင်ဖြိုးအများစု လွှမ်းမိုးသည့် ပထမအကြိမ်ပြည်သူ့လွှတ်တော် တွင်၎င်းသည် ဥပဒေကြမ်းကော် မတီဥက္ကဋ္ဌအဖြစ် တာဝန်ထမ်း ဆောင်ခဲ့ပြီး ဒီချုပ်လွှမ်းမိုးသည့် ဒုတိယအကြိမ် ပြည်သူ့လွှတ် တော်တွင် လွှတ်တော်ဒုတိယ ဥက္ကဋ္ဌအဖြစ် တင်မြှောက်ခံထား ရသူဖြစ်သည်။

ဦးတီခွန်မြတ်သည် ဒီချုပ်အစိုးရလက်ထက် အရေးကြီးတာဝန်တစ်ခုအဖြစ် ဧရာဝတီမြစ်ဆုံ မြစ်ညာမြစ်ဝှမ်းအတွင်း ရေအားလျှပ်စစ်စီမံကိန်းများ လေ့လာစိစစ်သုံးသပ်ရေးကော်မရှင် ဥက္ကဋ္ဌ တာဝန်ယူထားသူလည်း ဖြစ် သည်။ ဦးတီခွန်မြတ်သည် လွှတ်တော်အမတ်မဖြစ်မီက ရှေ့ေ ရုံးချုပ်တွင် ညွှန်ကြားရေးမှူးတာ ၀န်ယူခဲ့သည်။ ၎င်းသည် ၂၀၀၈ ဖွဲ့စည်းပုံ အခြေခံဥပဒေမူကြမ်း ရေးဆွဲရာတွင်လည်း ပါဝင်ခဲ့ သည်။ ကချင်လူမျိုးဦးတီခွန်မြတ် သည် ကွတ်ခိုင်မြို့ ပြည်သူ့စစ် ခေါင်းဆောင်ဟောင်းတစ်ဦး ဖြစ်ခဲ့သည်။