ကချင်ပါတီ တစ်ခုဖွဲ့စည်းနုိုင်ရန် ကချင်နိုင်ငံရေးပါတီ ၄ ပါတီ ပေါင်းပြီ
ကချင်ပြည်နယ်၊ ကချင်နုိုင်ငံရေးပါတီ ၄ ခု ပူးပေါင်းပြီး ပါတီတစ်ခုအဖြစ် ဖွဲ့စည်းဆောင်ရွက်သွားရန် ဇန်နဝါရီလ ၄ ရက်နေ့တွင် ပါတီခေါင်းဆောင်များ အစည်းအဝေးကျင်းပ၍ သဘောတူညီခဲ့ကြသည်။
ပြီးခဲ့သည့် ၂၀၁၆ ခုနှစ်၊ ဧပြီလအတွင်းက ကချင်လူထု၏ဆန္ဒအရ ကချင်ပြည်နယ် ဒီမုိုကရေစီပါတီ (KSDP)၊ ကချင်အမျိုးသားများ ဒီမုိုကရေစီကွန်ရက်ပါတီ(KNCD)နှင့် ကချင်ဒီမုိုကရက်တစ်ပါတီ (KDP)တုို့ ပေါင်းစည်း၍ ပါတီတစ်ခုအဖြစ် ပြန်လည်ဖွဲ့စည်းနုိုင်ခဲ့ရာမှ ယနေ့တွင် KNC ပါတီကလည်း ပြန်လည်ပူးပေါင်းလာသဖြင့် ကချင် နုိုင်ငံရေးပါတီ ၄ ပါတီ ပေါင်းစည်းခြင်းဖြစ်သည်ဟု သိရသည်။
“ကျနော်တို့ တစ်ပါတီဖြစ်ရေး မလုပ်ဆောင်နုိုင်သေးခင်မှာ တပ်ပေါင်းစုပုံစံနဲ့ KPCC ကုို ဖွဲ့စည်းထားတယ်။ အဲဒီမှာ ပထမ ၃ ပါတီဘဲရှိတယ်။ အခု KNC လည်း ပါဝင်လာတယ်ပေါ့။ ပူးပေါင်းဆောင်ရွက်ရေးမှာ တပ်ပေါင်းစုပုံစံ သွားမယ်။ အဲဒီထဲက တချို့ တစ်ပါတီဖြစ်ရေးအတွက် ဦးတည်သွားနုိုင်မယ်။ တချို့ တပ်ပေါင်းစုံဆက်တည်သွား မယ်” ဟု KSDP ပါတီမှ ဥက္ကဌ ဒေါက်တာ တူးဂျာက ပြောသည်။
“ပြည်သူလူထုကလည်း ပူးပေါင်းစေချင်တယ်။ ပြောမယ်ဆုိုရင် ပြည်သူလူထုသဘောထားဆန္ဒကုို လုိုက်လျောတဲ့ အနေနဲ့လည်း ဖြစ်ပါတယ်။ နောက်ပြီးတော့ အချင်းချင်း ပြိုင်ဆုိုင်အတုိုက်အခံလုပ်တာ အကျိုးမရှိဘူး။ ပူးပေါင်း ဆောင်ရွက်မှုက အကျိုးရှိတယ်ဆုိုတာ အားလုံးသဘောပေါက် လက်ခံကြတယ်”ဟု သူက မဇ္စျိမကုို ပြောသည်။
အဆုိုပါ ကချင်နုိုင်ငံရေးပါတီများအနေဖြင့် လာမည့်ရွေးကောက်ပွဲများတွင် ပူးပေါင်း၍ ညှိနှိုင်းကာ ဝင်ရောက် ယှဉ်ပြိုင်သွားမည်ဖြစ်ကြောင်း ဒေါက်တာ တူးဂျာက ပြောသည်။
“ရွေးကောက်ပွဲမှာလည်း ယှဉ်ပြိုင်သွားဖုို့ရှိတယ်။ မဲဆန္ဒနယ်ခွဲပြီးတော့မှ အချင်းချင်းပြိုင်တာမျိုး မလုပ်တော့ဘူး။ ကျွန်တော်တို့က အတုိုက်အခံပါတီ ပုံစံမဟုတ်တော့ဘဲနဲ့ ကျွန်တော်တို့ ကုိုယ်စားလှယ်လောင်းတွေလည်း ညှိနှိုင်း ပြီးတော့ ရွေးချယ်ကြဖုို့ပေါ့။ အဲဒီပုံစံမျိုးသွားဖို့အတွက် အခုကစပြီး KPCC ဖွဲ့စည်းပြီးတော့ လုပ်ဆောင်နေတယ်” ဟု သူက ပြောသည်။
ကချင်နုိုင်ငံရေးပါတီများ ပေါင်းစည်းညှိနှိုင်းရေးလုပ်ငန်းများ ဖော်ဆောင်ရန်အတွက် တစ်ပါတီမှ ၅ ဦးစီ ၁၅ ဦး ကချင်နုိုင်ငံရေး ပါတီများ ညှိနှိုင်းပူးပေါင်းဆောင်ရွက်ရေးကော်မတီ (KPCC)ကုို ဖွဲ့စည်းထားသည်။
ကချင်ပါတီများ ပူးပေါင်းရန်အတွက် ပါတီခေါင်းဆောင်များ အစည်းအဝေးကျင်းပခဲ့ရာ KNC ပါတီမှ ဒုဥက္ကဌ ဒေါက်တာအောင်တူး အပါအဝင် ခေါင်းဆောင် ၅ ဦး တက်ရောက် ဆွေးနွေး၍ ပေါင်းစည်းခဲ့ခြင်းဖြစ်သည်ဟု ဒေါက်တာ တူးဂျာက ပြောသည်။
ကချင်ပြည်သူလူထုအတွက် ကချင်နုိုင်ငံရေးပါတီများအနေဖြင့် ပူးပေါင်းဆောင်ရွက်သွားရန်အတွက် ပူးပေါင်းရခြင်း ဟု KNC ပါတီ၏ အထွေထွေအတွင်းရေးမှူး ဦးလန်းယော်က ပြောသည်။ “ကျွန်တော်တုို့ စီအီးစီ ဆုံးဖြတ်ချက်အရ KNCကလည်း ပူးပေါင်းပါဝင်တာပါ။ ကချင်နိုင်ငံရေးပါတီတွေက ကချင် ပြည်သူတွေရဲ့ လုပ်ဆောင်နုိုင်မဲ့အရာမျိုး ဥပမာ သဘောထားကြေငြာချက်ထုတ်တဲ့ဟာမျိုးတို့၊ တစ်ခြားကဏ္ဍ တွေမှာ အတူ ပူးပေါင်းလုပ်ဆောင်ဖို့အတွက် ကျွန်တော်တို့ပူးပေါင်းပါဝင်ခြင်းဖြစ်ပါတယ်” ဟု သူက မဇ္စျိမကု ပြောသည်။
ကချင်ပြည်နယ်တွင် ကချင်တုိုင်းရင်းသား နုိုင်ငံရေးပါတီ ၅ ခုရှိရာမှ ၄ ပါတီ ပေါင်းစည်းနုိုင်ခဲ့ပြီဖြစ်ပြီး လီဆူ အမျိုးသား ဖွံ့ဖြိုးတုိုးတက်ရေးပါတီ (ဒူးလေးပါတီ-LNDP) ပူးပေါင်းလာနိုင်ရေးကုိုလည်း ကြိုးပမ်းသွားမည် ဖြစ် ကြောင်း သိရသည်။ # Mizzima
