ပုသိမ်ကြီးမြို့နယ် ပြည်ခိုင်ဖြိုးပါတီ နယ်မြေကွင်းဆင်း ပါတီဝင်များနှင့် တွေ့ဆုံ
ပုသိမ်ကြီး မေ ၂ဝ
မန္တလေးတိုင်းဒေသကြီး ပုသိမ်ကြီးမြို့နယ် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီမှ ပေါက်မြိုင်ကျေးရွာအုပ်စု လှိုင်းပေါက်ကျေးရွာ ကျေးရွာပါတီဥက္ကဋ္ဌ ဦးမွတ္တား၏ နေအိမ်တွင် ယမန်နေ့ နံနက်က ပါတီဝင်များနှင့် တွေ့ဆုံခဲ့ကြောင်း သိရသည်။
တွေ့ဆုံရာသို့ မြို့နယ်ပါတီ အတွင်းရေးမှူး ဦးကိုကိုလွင်၊ မြို့နယ်ကော်မတီဝင် ဦးကျော်ခိုင်၊ ဦးစိုးလှိုင်မင်း (နယ်မြေမှူး)၊ ကျေးရွာပါတီဥက္ကဋ္ဌ ဦးမွတ္တားနှင့် အမှုဆောင်များ၊ ပါတီဝင်များ တက်ရောက်ခဲ့ကြောင်း သိရသည်။ ဦးကိုကိုလွင်က လက်ရှိဖြစ်ပေါ်နေသော နိုင်ငံရေး၊ စီးပွားရေး၊ လူမှုရေး အခြေအနေများနှင့် ၂ဝ၂ဝ ပါတီ အောင်နိုင်ရေးအတွက် ရှေ့လုပ်ငန်းစဉ်များကို ဆွေးနွေးခဲ့ကြောင်း သိရသည်။
ဆက်လက်ပြီး ယနေ့ မွန်းလွဲ ပိုင်းက ဦးကိုကိုလွင်နှင့် အဖွဲ့သည် ပေါက်မြိုင်ကျေးရွာ ပါတီခေါင်းဆောင် ဦးမောင်ရ၏ နေအိမ်တွင် ပါတီဝင် အမာခံများနှင့် တွေ့ဆုံပြီး ပါတီအောင်နိုင်ရေး ကိစ္စများ ဆွေးနွေးခဲ့ကြောင်း သိရသည်။
ရိုးဆန်း
