စစ်တွေမြို့နယ် ပြည်ခိုင်ဖြိုးပါတီမှ ဗုဒ္ဓကျေးဇူးပရဟိတကျောင်းတိုက်၌ ဆွမ်းလှူဒါန်း

စစ်တွေမြို့နယ် ပြည်ခိုင်ဖြိုးပါတီမှ(၁၇.၁၀.၂၀၁၈)နေ့တွင် စစ်တွေမြို့ စက်ရုံစုရပ်ကွက်ရှိ ဗုဒ္ဓကျေးဇူးပရဟိတစာသင်တိုက်၌ ဆွမ်းလှူဒါန်းမှု ပြုလုပ်ခဲ့ကြကြောင်း သိရှိရသည်။
အဆိုပါလှူဒါန်းမှုတွင် ကျောင်းထိုင်ဆရာတော် ဒေါက်တာအရှင်ဥတ္တမသီရိနှင့် သံဃာတော်များအား
န၀ကမ္မအလှူငွေနှင့် ဆွမ်းဆက်ကပ်လှူဒါန်းခြင်း၊ ဥပုဒ်သီလဆောက်တည်သူများနှင့် စာသင်တိုက်မှ တက္ကသိုလ်ဝင်တန်း ကျောင်းသား/သူ(၃၁)ဦးတို့အား ဆွမ်းကျွေးမွေးလှူဒါန်းခြင်းများကို ဆောင်ရွက်ခဲ့ကြသည်။
လှူဒါန်းရာသို့ ပြည်နယ်ပါတီဥက္ကဋ္ဌ ဒေါက်တာစန်းရွှေ (ဗဟိုအလုပ်အမှုဆောင်)၊ ပြည်နယ် အတွင်းရေးမှူး ဦးသန်းဝေ(ဗဟိုကော်မတီဝင်)နှင့် စစ်တွေခရိုင်ပါတီဥက္ကဋ္ဌ ဦးကျော်စိုးတို့မှ တက်ရောက်ကာ ဆွမ်းဆက်ကပ်လှူဒါန်းပေးခဲ့ပြီး စစ်တွေခရိုင်ဘဏ္ဍာရေးမှူး ဦးစောသိန်းထွန်း၊ စစ်တွေမြို့နယ်ပါတီဥက္ကဋ္ဌ ဒေါ်အေးမာခင်နှင့် မြို့နယ်ကော်မတီဝင်များ၊ မြို့နယ်ပါတီအမျိုးသမီးရေးရာအဖွဲ့ဝင်များ၊ ရပ်ကွက်/ကျေးရွာ စည်းရုံးရေးမှူးများ စုစုပေါင်းအင်အား(၃၀)ဦးတို့မှ ပါဝင်လှူဒါန်းခဲ့ကြသည်။