Maduro လုပ်ကြံခံရမှုတွင် အမေရိကန်နိုင်ငံပါဝင်ပတ်သက်ခြင်း မရှိကြောင်း ဘိုလ်တန် ငြင်းဆို
ဗင်နီဇွဲလားနိုင်ငံသမ္မတ နီကိုးလက်စ် မတ်ဒူရို အားတွေ့ ရစဉ်(ဆင်ဟွာ)
ဝါရှင်တန် ၊ သြဂုတ် ၆ ရက်
အမေရိကန်နိုင်ငံ အမျိုးသားလုံခြုံရေးအကြံပေး ဂျွန်ဘိုလ်တန်(John Bolton) က မကြာသေးခင်ကဖြစ်ပွားခဲ့သော ဗင်နီဇွဲလားနိုင်ငံသမ္မတ နီကိုးလက်စ် မတ်ဒူရို( Nicolas Maduro) အား လုပ်ကြံမှုတွင် အမေရိကန်နိုင်ငံက ပါဝင်ပတ်သက်ခြင်းမရှိကြောင်း သြဂုတ် ၅ ရက်တွင် ငြင်းဆိုပြောကြားခဲ့သည်။
Fox News Sunday ရုပ်သံအစီအစဉ်နှင့်တွေ့ ဆုံမေးမြန်းခန်းတွင် ဘိုလ်တန်က “ အဲဒီဖြစ်စဉ်အားလုံးမှာ အမေရိကန်အစိုးရက ပါဝင်ပတ်သက်ခြင်း လုံးဝ မရှိပါဘူးလို့ ကျွန်တော် ပြောနိုင်ပါတယ် ” ဟု ဆိုသည်။ ကာရေးကပ်မြို့ ရှိ အမေရိကန်သံအမတ်နှင့်ဆက်သွယ်ပြီး “ အဲဒီဖြစ်ရပ်မှာ အမေရိကန်ဘက်က ရှင်းပါတယ် ” ဟု ပြောကြားခဲ့ကြောင်း ဘိုလ်တန်က ဆိုသည်။
ဗင်နီဇွဲလားသမ္မတ မတ်ဒူရိုသည် သြဂုတ် ၅ ရက် ညနေပိုင်းက ပြုလုပ်သည့် ၈၁ နှစ်မြောက် ဗင်နီဇွဲလား အမျိုးသားအစောင့်တပ် အောက်မေ့ဖွယ်အခမ်းအနား၌ မိန့် ခွန်းပြောကြားနေစဉ် မောင်းသူမဲ့လေယာဉ်ငယ်(ဒရုန်း) ဖြင့် တိုက်ခိုက်ခံရသော်လည်း ထိခိုက်ဒဏ်ရာရခြင်းမရှိဘဲ လွတ်မြောက်ခဲ့သည်။
အဆိုပါတိုက်ခိုက်မှုအား လုပ်ကြံသတ်ဖြတ်ရန် ကြိုးပမ်းမှုဟု မတ်ဒူရိုက စွပ်စွဲခဲ့ပြီး ကိုလံဘီယာအစိုးရ ၊ အမေရိကန်နိုင်ငံရှိ ပူးပေါင်းကြံစည်သူများ နှင့် ဗင်နီဇွဲလားနိုင်ငံရှိ လက်ယာယိမ်းများအား ပြစ်တင် ပြောကြားခဲ့သည်။ ဗင်နီဇွဲလားနိုင်ငံ ရွေးကောက်ပွဲတွင် မတ်ဒူရို ပြန်လည်အရွေးခံရပြီးနောက် အမေရိကန်သမ္မတ ဒေါ်နယ်ထရမ့်က သမ္မတအမိန့် အာဏာဖြင့် အမေရိကန်နိုင်ငံအတွင်း တစ်ဦးချင်းဖြစ်စေ ၊ အဖွဲ့ အစည်းလိုက် ဖြစ်စေ ဗင်နီဇွဲလားအစိုးရအား မည်သည့်ငွေပေးချေမှုကိုမဆို ခွင့်မပြုရန် ပိတ်ပင်တားမြစ်သည့် အမိန့် တစ်ရပ်အား လက်မှတ်ရေးထိုးခဲ့ကြောင်း သိရသည်။
(Xinhua)
