နိုင်ငံပိုင် နျူကလီးယားစမ်းသပ်စခန်းကို မြောက်ကိုရီးယားဖြိုဖျက်
ဆိုးလ်၊ တောင်ကိုရီးယား၊ မေ ၂၅
မြောက်ကိုရီးယားအစိုးရသည် နိုင်ငံတကာမှ သတင်းစာဆရာများနှင့် မီဒီယာများကို ဖိတ်ခေါ်ပြီး ၄င်းတို့ ရှေ့မှောက်တွင် နိုင်ငံပိုင်နျူကလီးယားစမ်းသပ်စခန်းကို အပြီးတိုင်ဖြိုဖျက်ပြီးခဲ့ပြီဖြစ်ကြောင်း ကြာသာပတေး နေ့တွင် ကြေညာခဲ့သည်။
ဖိတ်ကြားခံခဲ့ရသော သတင်းထောက်များ၏အဆိုအရ မြောက်ကိုရီးယားအာဏာပိုင်များသည် နိုင်ငံ၏ အရှေ့မြောက်ပိုင်းမှ Punggye-ri နျူကလီးယားစမ်းသပ်စခန်း၏ အခြေခံအဆောက်အဦးများ၊ မြေအောက် စမ်းသပ်ခန်းသို့ ၀င်နိုင်သော ဥမင်လှိုဏ်ခေါင်းပေါက်များနှင့် ဖွဲ့စည်းပုံအဆောက်အဦးများကို ဖောက်ခွဲရေး ပစ္စည်းများ အသုံးပြုကာ တစ်နေကုန်ဖြိုချဖျက်စီးခဲ့ခြင်းဖြစ်သည်ဟု သိရသည်။
“အဲ့ဒီမှာ ပေါက်ကွဲမှုအကြီးကြီးဖြစ်ပွားခဲ့ပါတယ်။ ဖုန်တွေအလိပ်လိုက်ထွက်လာသလို မီးအပူရှိန်ကိုလည်း အပြင်ကခံစားနေရပါတယ်။ ပြီးတော့ ပေါက်ကွဲမှုက အရမ်းကိုကျယ်လောင်ပါတယ်” ဟု ဖိတ်ကြားခံခဲ့ရသူ တစ်ဦးဖြစ်သော Sky News သတင်းဌာနမှ ဂျာနယ်လစ်တစ်ဦးဖြစ်သူ တွမ်ချက်စ်ရှိုင်းယားက သူ၏ အတွေ့အကြုံ နှင့် ပက်သက်၍ မျှဝေခဲ့သည်။
Punggye-ri နျူကလီးယားစမ်းသပ်စခန်းသည် တရုတ်နှင့်မြောက်ကိုရီးယားနယ်စပ်အနီးရှိ ဟမ်ယောင်ခရိုင် အတွင်း၌ရှိပြီး ယခုအခါတွင် တောင်ကြီးအောက်၌ စုံးစုံးမြုပ်သွားခဲ့ပြီဖြစ်သည်။
မြောက်ကိုရီးယားမှလုပ်ဆောင်ခဲ့သော နျူကလီးယားစမ်းသပ်မှု ၆ ခုခန့်ကို ယင်းစမ်းသပ်စခန်းကြီး၌ ဆောင်ရွက် ခဲ့ခြင်းဖြစ်ပြီး ပြီးခဲ့သောနှစ်စက်တင်ဘာလက ပေါက်ကွဲမှုပြင်းထန်သည့် ဟိုက်ဒရိုဂျင်ဗုံးကို နောက်ဆုံးစမ်းသပ်ခဲ့ သော စခန်းတစ်ခုဖြစ်သည်။
မြောက်ကိုရီးယား၏ နျူကလီးယားလက်နက်အေဂျင်စီက ၄င်းတို့အနေဖြင့် စမ်းသပ်စခန်းကြီးကို အပြီးတိုင် ဖြိုချ ဖျက်စီးခဲ့ပြီးပြီဖြစ်ကြောင်းနှင့် နျူကလီးယားစမ်းသပ်မှုများကို ဆက်လက် လုပ်ဆောင်ခြင်းမရှိတော့ပြီဆိုတာကို ပွင့်လင်းစွာ ထုတ်ဖော်ပြသခြင်းဖြစ်သည်ဟု ထုတ်ပြန်ကြေညာခဲ့သည်။
ယင်းလုပ်ရပ်ကို တောင်ကိုရီးယားအစိုးရက လက်ခံကြိုဆိုခဲ့သည်။
-Ref; AFP
