သမ္မတ ရာထူးမှ မူဂါဘီ နုတ်ထွက်ပြီးနောက် ဇင်ဘာဘွေ ပြည်သူများ အောင်ပွဲခံ
သမ္မတ ရောဘတ်မူဂါဘီ နုတ်ထွက်ကြောင်း ကြေညာလိုက်သည့်နောက် ဇင်ဘာဘွေ တစ်နိုင်ငံလုံး သောင်းသောင်းဖြဖြ အောင်ပွဲခံနေခဲ့ကြောင်း သိရသည်။အသက် ၉၃ နှစ် ရှိပြီဖြစ်သော မူဂါဘီသည် နာမည် ဆိုးဖြင့် ကျော်ကြားသည့် အာဏာရှင် တစ်ဦးအဖြစ် သတ်မှတ်ခံရပြီး ဇင်ဘာဘွေကို ၃၇ နှစ်ကြာ အုပ်ချုပ်ခဲ့ သည်။ ၎င်းက မိမိ၏ နေရာကို ဘုရားသခင်မှလွဲ၍ ဖယ်ရှားနိုင်သူ မရှိဟု တစ်ချိန်က ကြွေးကြော်ခဲ့ဖူး သည်။
ဇင်ဘာဘွေ စစ်တပ်သည် နိုဝင်ဘာ လလယ်က မြို့တော် ဟာရာရီကို ထိန်းချုပ်ပြီး မူဂါဘီ၏ မိသားစုကိုပါ နေအိမ် အကျယ်ချုပ်ဖြင့် ထိန်းသိမ်းလိုက်သည့်နောက် မူဂါဘီ အာဏာစွန့်ရတော့မည်ဆိုသော ထင်ကြေးများ စတင် ပျံ့နှံ့လာသည်။ သို့သော် ပြီးခဲ့သည့် သီတင်းပတ်ကုန်က ရုပ်မြင်သံကြား မိန့်ခွန်းအတွင်းတွင် မူဂါဘီက ၎င်းအနေဖြင့် သမ္မတ ရာထူးကို စွန့်လွှတ်မည် မဟုတ်ဟု ပြောကြားသွားရာ အခြေအနေများ ပိုမို ရှုပ်ထွေးလာခဲ့ သည်။
မူဂါဘီ ရာထူးစွန့်ရမည်ဟု ထင်ကြေးများ ပျံ့နှံ့နေသည့်တိုင် နုတ်ထွက်ကြောင်း အမှန်တကယ် ကြေညာချိန်တွင် တစ်နိုင်ငံလုံး အံ့ဩခဲ့ကြသည်။ သို့သော် နိုဝင်ဘာ ၂၁ ရက် ညပိုင်းတွင် မြို့တော် ဟာရာရီ အပါအဝင် တစ်နိုင်ငံလုံးရှိ ပြည်သူများက အဆိုပါ သတင်းကို ဝမ်းမြောက်ဝမ်းသာ တုံ့ပြန်ကြိုဆို အောင်ပွဲခံနေသည်ကို တွေ့ရသည်။မူဂါဘီသည် ၎င်း၏ အရိုက်အရာကို ဇနီးဖြစ်သူ ဂရေ့စ်မူဂါဘီ ဆက်ခံနိုင်ရေး လက်တွေ့ အားထုတ်ခဲ့ရာမှ ပြဿနာများ စတင်လာခြင်း ဖြစ်သည်။ မူဂါဘီက ဂရေ့စ်၏ ပြိုင်ဘက်ဖြစ်သော ဒုတိယ သမ္မတ အမ်မာဆန် အန်ဂါဝါကို ရာထူးမှ ထုတ်ပယ်ပြီး ဇနီးအတွက် လမ်းရှင်းပေးခဲ့သည်။ ထိုလုပ်ရပ်ကို ဇင်ဘာဘွေ ပြည်သူများ ကရော၊ စစ်တပ်ကပါ မကျေမနပ် ဖြစ်ခဲ့သလို အာဏာရ ပါတီအတွင်းတွင်လည်း မူဂါဘီအပေါ် ထောက်ခံမှု ကျဆင်းသွားခဲ့သည်။
မူဂါဘီသည် နုတ်ထွက်သွားချိန်တွင် ကမ္ဘာ့အသက်အကြီးဆုံး နိုင်ငံ့ခေါင်းဆောင်အဖြစ် မှတ်တမ်းဝင်နေခဲ့ သည်။ ၎င်းနှင့် ဇနီးဖြစ်သူ ဂရေ့စ်တို့၏ အနာဂတ်နှင့် ပတ်သက်၍မူ တိတိကျကျ မခန့်မှန်းနိုင်သေးချေ။ အာဏာရ ဇာနူပီအက်ဖ် ပါတီသည် မူဂါဘီ ဖြုတ်ချခဲ့သည့် ဒုတိယ သမ္မတဟောင်း အန်ဂါဝါကို ပါတီ အကြီးအကဲသစ် ခန့်အပ် ကြောင်း ကြေညာထားပြီး ရွေးကောက်ပွဲတွင်လည်း ပါတီကိုယ်စားပြု ယှဉ်ပြိုင် စေမည်ဟု အတည်ပြုထားရာ အန်ဂါဝါသည် နိုင်ငံ၏ သမ္မတသစ် ဖြစ်လာရန် သေချာနေကြောင်း သတင်းများက ဖော်ပြသွားသည်။
– Ref: Daily Mail
