မကွေးတိုင်းပြည်သူ့ဆေးရုံကြီးတွင် နှုတ်ခမ်းကွဲအာခေါင်ကွဲ အခမဲ့ခွဲစိတ်ကုသပေးနေ
မကွေးတိုင်းပြည်သူ့ဆေးရုံကြီးတွင် နိုဝင်ဘာလ ၆ ရက်နေ့မှ ၉ ရက်နေ့အထိ နှုတ်ခမ်းကွဲ၊ အာခေါင်ကွဲ အခမဲ့ ခွဲစိတ်ကုသပေးမှုများ ဆောင်ရွက်သွားမည်ဖြစ်ပြီး လူနာများအတွက် ကုန်ကျစရိတ်ပါ ကျခံခွဲစိတ်ပေးမည် ဖြစ်ကြောင်း ကရုဏာရှေးရှုမြန်မာမှုမှ တာဝန်ရှိသူ ဦးမိုးက ပြောသည်။
ခွဲစိတ်ကုသမှု ၄ ရက်အတွင်း ဂျပန်နိုင်ငံမှ ကျွမ်းကျင်ဆရာဝန်ကြီးများ၊ မြန်မာဆရာဝန်ကြီးများပူးပေါင်း၍ ခွဲစိတ်ကုသမည်ဖြစ်ပြီး တစ်နေ့လျှင် လူနာ ၁၅ ယောက်နှုန်းဖြင့် နှုတ်ခမ်းကွဲ၊ အာခေါင်ကွဲ လူနာပေါင်း ၅၃ ဦး အား ခွဲစိတ်ပေးသွားမည်ဖြစ်ကြောင်း သိရသည်။
အဆိုပါ နှုတ်ခမ်းကွဲ အာခေါင်ကွဲ အခမဲ့ဆေးကုသမှုအစီအစဉ်ကို ကျန်းမာရေးဝန်ကြီးဌာန၏ ပံ့ပိုးကူညီမှုဖြင့် မြန်မာဘရူးဝါရီလီမိတက်၏ ကရုဏာရှေးရှုမြန်မာမှုနှင့် Japan Heart International Medical Volunteers organization တို့ ပူးပေါင်းပြီး (၇)ကြိမ်မြောက် Myanmar Cares Smile Project အမည်ဖြင့် နှုတ်ခမ်းကွဲ၊ အာခေါင်ကွဲ ဖြစ်သူများကို အခမဲ့ကုသပေးခြင်းဆောင်ရွက်ပေးခြင်းဖြစ်သည်။
ထိုသို့ မကွေးတိုင်းဆေးရုံကြီးတွင် နှုတ်ခမ်းကွဲ အာခေါင်ကွဲ အခမဲ့ကုသပေးရာ၌ မန္တလေးတိုင်း စစ်ကိုင်းတိုင်းမှ ပြည်သူများပါ လာရောက်ကုသကြပြီး ထိုသို့ လာရောက်စရိတ်များပါ စီစဉ်ပေးသည်ဟု ကရုဏာရှေးရှုမြန်မာမှုမှ တာဝန်ရှိသူ ဦးမိုးကပြောသည်။ “ ကျွန်တော်တို့အစီအစဉ်နဲ့ နှုတ်ခမ်းကွဲ၊ အာခေါင်ကွဲ လာရောက်ဆေးကုသတဲ့ လူနာတွေကို သွားစရိတ်၊ လာစရိတ်၊ စားစရိတ် နေစရာအားလုံး အစီအစဉ်လုပ်ပေးပါတယ်” ဟု ၄င်းက ပြောသည်။
ယင်း နှုတ်ခမ်းကွဲ အာခေါင်ကွဲလူနာများ ချိတ်ဆက်မိရန်အတွက် သက်ဆိုင်ရာ တိုင်းဒေသကြီး မြို့နယ်များမှ တာဝန်ရှိသူများဖြင့် ချိတ်ဆက် စာရင်းကောက်ယူဆောင်ရွက်ခဲ့ခြင်းဖြစ်သည်။ ငဖဲမြို့နယ် ချောင်းဖြူကျေးရွာမှ အာခေါင်းကွဲ ကုသပေးရန် လာရောက်သည့် မောင်ဖြိုးပြည့်စုံ၏ မိဘ ဒေါ်ခင်ငြိမ်းက “ ဒီလိုအခမဲ့ ကုသပေးတာ ကျေးဇူးတင်ဝမ်းသာရပါတယ်။ အပြင်ဆေးရုံဆေးခန်းတွေမှာ ကိုယ့်ပိုက်ဆံနဲ့ ကိုယ် ခွဲစိတ်ကုသဖို့ မေးကြည့် တာ ၃ သိန်းလောက် ငွေကုန်ကျနိုင်တယ်လို့ သိရတယ်။ ဒီလို အခမဲ့ကုပေးတဲ့နေရာက နိုင်ငံခြားက ဆရာဝန်ကြီးတွေ ကုပေးတယ်။ ပိုက်ဆံလည်း မကုန်တဲ့အတွက် ပိုက်ဆံမရှိတဲ့သူတွေအဖို့ ဝမ်းသာရပါတယ်” ဟု ပြောသည်။
Credit: mizzima
