ဒုသမ္မတ (၁) နှင့် စီးပွားရေးလုပ်ငန်းဆိုင်ရာအဖွဲ့အစည်းများ တွေ့ဆုံ
ပုဂ္ဂလိကကဏ္ဍဖွံ့ဖြိုးတိုးတက်ရေးကော်မတီနှင့် ပုဂ္ဂလိကကဏ္ဍကိုယ်စားလှယ်များ လစဉ်ပုံမှန်တွေ့ဆုံပွဲကို ၁၁ ကြိမ်မြောက် အဖြစ် အောက်တိုဘာလ ၂၇ ရက်က ရန်ကုန်မြို့၊ UMFCCI ၌ ကျင်းပပြုလုပ်ခဲ့သည်။ ဒေသတွင်း စီးပွားရေးဆိုင်ရာ တင်သွင်းမှုများ၊ မော်တော်ယာဉ်လုပ်ငန်းများ၊ နယ်စပ်ကုန်သွယ်ရေး၊ မွေးမြူရေး လုပ်ငန်းများ၊ ခရီးသွားလုပ်ငန်းဆိုင်ရာများအား သက်ဆိုင်ရာ စီးပွားရေးလုပ်ငန်းရှင်အဖွဲ့အစည်းများ က တင်ပြဆွေးနွေး ခဲ့ကြသည်။
ကချင်ပြည်နယ် ကုန်သည်များနှင့်၊ စက်မှုလက်မှုလုပ်ငန်းရှင်များအသင်းဥက္ကဋ္ဌက တရုတ်နိုင်ငံ၊ ထိန်ချုံးမြို့၊ ဟိုက်ကျိထန်ဂိတ်နှင့် ကုန်သွယ်နေသော ကန်ပိုက်တည်နယ်စပ်ဂိတ် အကြောင်း တင်ပြခဲ့ပြီး ခရီးသွား ဧည့်သည်များ ၀င်ရောက်လာပါက Border Pass (နယ်စပ်ဖြတ်သန်းခွင့်) သာမက Visa ထုတ်ပေးခွင့်ပြုရန်၊ နယ်စပ်ကုန်သွယ်ရာတွင် တရုတ်ဘဏ်များဖြင့် လုပ်ကိုင်နေရသဖြင့် ဘဏ်နှင့် အာမခံလုပ်ငန်းများအား ပုဂ္ဂလိကဘဏ်များသို့ လုပ်ကိုင်ခွင့်ပြုရန်၊ ကုန်လှောင်ရုံများ ဆောက်ရန်၊ စားသောက်ကုန်များအားစစ်ဆေးရန် FDA ဌာန ထားရှိပေးရန် တင်ပြခဲ့သည်။
လက်ရှိတွင် ပဲစင်းငုံနှင့် မတ်ပဲ ပေါက်ဈေးထက် ထက်ဝက်ခန့် ကျဆင်းနေသောကြောင့် မြန်မာနိုင်ငံ ပဲမျိုးစုံနှင့် နှမ်းကုန်သည်များအသင်းမှ ဈေးနှုန်းတည်ငြိမ်ရေးနှင့် ၀ယ်ယူတင်ပို့ရောင်းချရေးအဖွဲ့အား ကျပ် ဘီလီယံ ၅၀ ကျော် မတည် ဖွဲ့စည်းခဲ့ရာ အစိုးရမှလည်း ထပ်မံပြီး ငွေကျပ် ဘီလီယံ ၅၀ အတိုးမဲ့ချေးငွေ ထည့်ဝင်ပေးရန် တင်ပြတောင်းဆိုခဲ့သည်။ အဆိုပါငွေဖြင့် တောင်သူများများထံက ပဲကို ၀ယ်ယူကာ အာမခံဖြင့် သိုလှောင်ထား မည် ဖြစ်သည်။
ပြည်တွင်းမွေးမြူရေးလုပ်ငန်းများအတွက် ပြည်ပမှ ကြက်သားပေါက်များနှင့် မျိုးကြက်ဥများတင်သွင်းမှုများအား အစိုးရမှ ထိန်းချုပ်ပေးရန် နှင့် ၁၅ ရာခိုင်နှုန်းမှ ၃၀ ရာခိုင်နှုန်းအထိ အခွန် ကောက်ခံရန် တင်ပြခဲ့ပြီး မွေးမြူရေး အစာထုတ်လုပ်သည့် ပြည်တွင်းလုပ်ငန်းများအား အခွန်ကင်းလွတ် ခွင့်ပြုရန် မြန်မာနိုင်ငံ မွေးမြူရေးလုပ်ငန်း အဖွဲ့ချုပ် ဥက္ကဋ္ဌ ဦးမြဟန်က တင်ပြခဲ့သည်။ မော်တော်ယာဉ် ထုတ်လုပ်ရေးနှင့် ဖြန့်ဖြူးရောင်းချရေး၊ ကလေး-တမူး နယ်စပ်ကုန်သွယ်ရေး၊ တနသာင်္ရီတိုင်း ဒေသကြီး ခရီးသွားလုပ်ငန်းနှင့် သတ္တုတူးဖော်ခြင်းများအား အသီးသီး တင်ပြခဲ့ကြသည်။
