ပျောက်ဆုံးဂျက်လေယာဉ်မှ လေယာဉ်မှူးနှင့် လေယာဉ်အပိုင်းအစများအား ဆက်ရှာဖွေနေ
ပျောက်ဆုံး တပ်မတော်(လေ)မှ လေ့ကျင့်ပျံသန်းရေး G-4 ဂျက်လေယာဉ်မှ လေယာဉ်မှူးနှင့် လေယာဉ် အပိုင်းအစများအား ဆက်လက်ရှာဖွေနေကြောင်း တိုင်းရဲတပ်ဖွဲ့မှူးရုံးမှ ဒုတိယရဲမှူးကြီး ခင်မောင်လတ်က ပြောသည်။
“ဂွမြို့နယ်၊ ရခိုင်ပြည်နယ်မှာတွေ့တယ် ကျွန်တော်တို့ ပုသိမ်မြို့အစပ် အဆက်အသွယ် ပြတ်တောက်သွားတဲ့နေရာ ၅ မိုင်ခန့်အကွာမှာ တွေ့ရှိတယ်လို့ ကြားရပါတယ်။ ဧရာဝတီတိုင်း၊ ပုသိမ်မြို့နယ်၊ မကျည်းစင် ဧရိယာ အစပ်မှာတွေ့ရှိရတယ်။ လောလောဆယ်တော့ လေယာဉ်မှူးတွေတော့ မရှိရသေးပါဘူး။ လေယာဉ်မှူးတွေနဲ့ ပစ္စည်းအပိုင်းအစတွေကို ဆက်လက်ရှာဖွေသွားနေဆဲ ဖြစ်ပါတယ်”ဟု ဧရာဝတီတိုင်း ဒေသကြီးရဲတပ်ဖွဲ့မှူးရုံးက ဒုတိယရဲမှူးကြီးခင်မောင်လတ်က ပြောသည်
ယမန်နေ့က တပ်မတော်(လေ)မှ လေ့ကျင့်ပျံသန်းရေး G-4 ဂျက်လေယာဉ်၏ အပိုင်းအစများအား တစ်လ ကျော်ကြာပျောက်ဆုံးပြီးနောက် ဂွမြို့၏ တောင်ဘက်၁၂ မိုင်ခန့်အကွာ အောက်တိုဘာလ ၁၇ ရက်နေ့က ပြန်လည်တွေ့ရှိကြောင်း ကာကွယ်ရေးဦးစီးချုပ်ရုံးမှ သတင်းထုတ်ပြန်သည်။
တပ်မတော်(လေ)မှ လေ့ကျင့်ပျံသန်းရေး G-4 ဂျက်လေယာဉ်တစ်စီးသည် စက်တင်ဘာ ၅ ရက် နံနက်ပိုင်းတွင် ပုသိမ်-ဟင်္သာတ-ဂွ-ပုသိမ်လမ်းကြောင်းအတိုင်း လေ့ကျင့်ပျံသန်းစဉ် နံနက် ၉ နာရီ ၁၈ မိနစ်တွင် ပုသိမ်မြို့၏အနောက်မြောက်ဘက် ၃၅၀ ဒီဂရီ၊ အကွာအဝေးအားဖြင့် ၃၆ မိုင်ခန့်အကွာ၌ ပုသိမ်လေဆိပ်နှင့် နောက်ဆုံး အဆက်အသွယ်ရရှိပြီးနောက်ပိုင်း ပျောက်ဆုံးသွားခဲ့ခြင်းဖြစ်သည်။
လေယာဉ်အစိတ်အပိုင်းအချို့ တွေ့ရှိရာတွင် G-4 ဂျက်လေယာဉ်၏ လေယာဉ် ဦးခေါင်းအစိတ်အပိုင်း၊ ဘီး ၁ လုံး၊ တောင်ပံအပိုင်း ၂ ခု၊ ထိုင်ခုံ၊ လေထီး၊ စက်ပစ္စည်းအပိုင်းအစများနှင့် PT2 တံဆိပ်ပါ ဘူး ၁ ဘူးတို့အား ဂွမြို့၏ တောက်ဘက် ၁၂ မိုင်ခန့််အကွာ၊ လေယာဉ်ဆက်သွယ်မှု ပြတ်တောက်ခဲ့သည့် နေရာ၏ မြောက်ဘက် ၅ မိုင်ခန့်အကွာ၌ ပြန်လည်ရှာဖွေတွေ့ရှိခဲ့ခြင်း ဖြစ်သည်။
သို့ရာတွင် ဂျက်လေယာဉ်ကိုမောင်းနှင်ခဲ့သည့် လေယာဉ်မှူး ဗိုလ်မှူး ကောင်းထိုက်၊ တွဲဖက် လေယာဉ်မှူး ဗိုလ်ကြီး သော်ဇင်စိုးတို့ ပျောက်ဆုံးနေသေးပြီး ကျန်ရှိလေယာဉ် အစိတ်အပိုင်းတုိ့အား ဆက်လက် ရှာဖွေလျက် ရှိကာ အကြောင်းအရင်းကို စစ်ဆေးလျက်ရှိကြောင်း သိရသည်။
