NCA လက်မှတ်ထိုးခြင်းသည် လက်နက်ချခိုင်းခြင်း မဟုတ်ကြောင်း ဒုတပ်ချုပ်ပြောကြား
တစ်နိုင်ငံလုံးပစ် ခတ်တိုက်ခိုက်မှုရပ်စဲရေးသဘောတူစာချုပ် (NCA) လက်မှတ်ထိုးခြင်းသည် လက်နက်ချခိုင်း ခြင်းမဟုတ်ကြောင်း NCA လက်မှတ်မထိုးရသေးသည့်အဖွဲ့များ နားလည်သိရှိအောင် တိုက်တွန်းပေးရန် ဒုတိယ တပ်မတော်ကာကွယ် ရေးဦးစီးချုပ်၊ ကာကွယ်ရေးဦးစီးချုပ် (ကြည်း) ဒုတိယဗိုလ်ချုပ်မှူးကြီး စိုးဝင်းက ဧပြီ ၂၄ ရက်က နေပြည်တော်၌ ကျင်းပခဲ့သည့် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် အပါအဝင် အစိုးရ၊ တပ်မတော် ခေါင်းဆောင်များ၊ NCA လက်မှတ်ထိုးထားသည့် တိုင်းရင်းသား လက်နက်ကိုင်အဖွဲ့များမှ ထိပ်သီးခေါင်းဆောင်များ ပါဝင်သော NCA အကောင်အထည်ဖော်မှုဆိုင်ရာ ညှိနှိုင်းအစည်းအဝေး (JICM) တွင် ထည့်သွင်းပြောကြားခဲ့သည်။
‘‘ငြိမ်းချမ်းရေးနဲ့ ပတ်သက်လို့ရှိရင် ကျွန်တော်တို့ NCA ဟာ တိုင်းရင်းသားအဖွဲ့အစည်းတွေကို လက်နက်ချခိုင်းတဲ့ အချက်မဟုတ်ပါဘူး။ ဒါလူတိုင်း သိပါတယ်။ သို့သော်လည်း တချို့ အဖွဲ့အစည်း များက နားလည်မှုလွဲနေတာက NCA လက်မှတ်ထိုးခြင်းက လက်နက်ချခိုင်းတယ်လို့ နားလည်မှုလွဲနေတာ ရှိပါတယ်။ ဒါတွေကို နားမလည်သေး တဲ့အဖွဲ့ရော၊ နားလည်ပြီးတော့မှ နားမလည် ချင်ယောင်ဆောင်တဲ့အဖွဲ့တွေရော သိအောင်လို့ ကျွန်တော်တို့ လက်မှတ်ထိုးပြီး တိုင်းရင်းသားခေါင်းဆောင်ကြီးများက တစ်ဆင့်စကား တစ်ဆင့်ကြား ကိုယ်တိုင်ဖြစ်စေ၊ အဖွဲ့ အစည်းနဲ့ဖြစ်စေ ဒါလေးတွေလည်းပဲ တိုက်တွန်းပေးစေကြောင်း ပြောလိုပါတယ်’’ ဟု ဒုတိယဗိုလ်ချုပ်မှူးကြီး စိုးဝင်းကပြောသည်။
NCA အကောင်အထည် ဖော်ရေးဆိုင်ရာနှင့် ပတ်သက်ပြီး အဆင့်မြင့်ဆုံးအစည်းအဝေးဖြစ်သည့် JICM သို့ တပ်မတော်မှ ဒုတိယတပ်မတော်ကာကွယ်ရေး ဦးစီးချုပ်အဆင့် တက်ရောက်ခြင်း သည် ပထမဆုံးဖြစ်သည်။
မြန်မာနိုင်ငံ၏ ပြဿနာအရင်းအမြစ်သည် ဒီမိုကရေစီပျောက်ဆုံးမှုနှင့် တိုင်းရင်းသားအခွင့်အရေးများ ငြင်းပယ် ခံရမှု ဆိုသည့်အခြေခံပေါ်တွင် မူတည်ပြီး ယင်းအခြေခံအပေါ်နိုင်ငံရေး အရဖြေရှင်း မရ၍ ဆယ်စုနှစ်ပေါင်းများစွာ ပြည်တွင်းစစ် ဖြစ်ပွားခဲ့သည်ဟု NCA လက်မှတ်ထိုးထားသည့် ကရင်အမျိုးသားအစည်းအရုံး (KNU) အထွေထွေ အတွင်းရေးမှူးချုပ် ပဒိုစောတာဒိုမှူးက 7Day Daily သတင်းစာအား ပြောသည်။
‘‘ကျွန်တော်တို့ ဘယ်လိုဝိုင်းပြီး ဒီနိုင်ငံသစ်ကို ထူထောင်ရမယ်ဆိုတဲ့ အနာဂတ်ကို ရည်ရွယ်တာ ဖြစ်တယ်။ အဲဒီအတွက်ကြောင့် ကျွန်တော်တို့ NCA ကို လက်မှတ်ရေးထိုးတဲ့ကိစ္စရဲ့ အခြေခံ ကတော့ ၂၀၀၈ ဖွဲ့စည်းပုံ အခြေခံဥပဒေကို ကျွန်တော်တို့ လွှတ်တော်ပြင်ပလမ်းကြောင်းကနေ ဘယ်လိုပြင်ကြမလဲဆိုတဲ့ အခြေခံအပေါ် မူတည်ပြီးတော့ နိုင်ငံသစ်ကို အသွင်ကူးပြောင်းရေး ကာလ တစ်ခုကနေ ပြောင်းလဲသွားမှာ ဖြစ်တဲ့အတွက်ကြောင့် လက်နက်ချခြင်း၊ မချခြင်းဆိုတာ ပြောစရာကိစ္စမရှိဘူး။ ကျွန်တော်တို့ အားလုံးဟာ စတိတ်ဟိုဒါတွေ ဖြစ်တဲ့အတွက်ကြောင့် ဒီနိုင်ငံ တည်ဆောက်မှုမှာ အကုန်လုံးပါဝင်ကြမှာ ဖြစ်တဲ့အတွက်ကြောင့် အနိုင်၊ အနိုင်ပဲ ဖြစ်လိမ့်မယ်။ အနိုင်၊ အရှုံးမရှိဘူး’’ ဟု ၎င်းကပြောသည်။
‘‘ငြိမ်ချမ်းမှသာ ဖွံ့ဖြိုးတိုးတက်နိုင်မှာ ဖြစ်ပါတယ်။ ဒါလေးကို အားလုံးမှတ်ယူပြီးတော့မှ ကျွန်တော်တို့ရဲ့ ထာဝရ ငြိမ်းချမ်းရေး အမြန်ဆုံးအောင်မြင်အောင် ဒီမိုကရေစီနဲ့ ဖက်ဒရယ်စနစ်ကို အခြေခံတဲ့ ပြည်ထောင်စုကြီးကို နိုင်ငံရေး ဆွေးနွေးပွဲတွေရဲ့ ရလဒ်နဲ့ ကြိုးစားတည်ဆောက်သွားပါ’’ ဟု ၎င်းကဆိုသည်။
NCA ပါ အချက်များ၊စကားလုံးများအပေါ် ပြင်ဆင်ပြောင်းလဲခြင်းကိုမူ လက်မခံကြောင်း ဒုတိယဗိုလ်ချုပ်မှူးကြီး စိုးဝင်းက ပြောသည်။
