ဘန်ကီမွန် သီရိလင်္ကာသို့ ရောက်ရှိလာချိန်၌ ဆန္ဒပြသူများက ကုလသမဂ္ဂကို ရှုတ်ချ
ကုလသမဂ္ဂအတွင်းရေးမှူးချုပ် ဘန်ကီမွန် သီရိလင်္ကာသို့ရောက်ရှိလာချိန်၌ ဒါဇင်နှင့်ချီသော သီရိလင်္ကာ အမျိုးသားရေး ၀ါဒီများသည် စက်တင်ဘာ ၁ ရက်တွင် ကိုလံဘိုမြို့ရှိ ကုလသမဂ္ဂ၀င်းအပြင်ဘက်၌ ဆန္ဒပြခဲ့ကြသည်။ ၎င်းတို့သည် ကာလကြာရှည်ခဲ့သော ပြည်တွင်းစစ်အတွင်း ကုလသမဂ္ဂ၏လုပ်ဆောင်ချက်များအပေါ် ကန့်ကွက်ဆန္ဒပြခြင်းဖြစ်သည်။
ဘန်ကီမွန်၏ နှစ်ရက်ကြာသီရိလင်္ကာခရီးစဉ် ပထမနေ့အဖြစ် ၎င်းရောက်ရှိမလာမီကလေးတွင် ကုလသမဂ္ဂ၀င်းဆီသို့ ချီတက်ရန်ကြိုးစားသည့် ဗုဒ္ဓဘာသာဘုန်းတော်ကြီးများ ဦးဆောင်သော ဆန္ဒပြသူများကို ရဲတပ်ဖွဲ့က နောက်သို့ ပြန်ဆုတ်စေခဲ့သည်။
“ကုလသမဂ္ဂရေ ခင်ဗျားဘယ်နေရာမှာလဲ” ဟု ၂၀၀၉ ခုနှစ် မေလအတွင်းက လုံခြုံရေးတပ်များ၏ ချေမှုန်းခြင်းခံရသော တမီလ်သူပုန်များအပေါ် အပြစ်တင်ထားသည့် ဗုံးကြဲတိုက်ခိုက်မှုတစ်ရပ်အတွင်း သေဆုံးသူတစ်ဦး၏ ဓာတ်ပုံကို ဖော်ပြ ထားသော ပိုစတာတစ်ခု၌ရေးသားထားသည်။
ဆန္ဒပြနေကြသော အစွန်းရောက် အမျိုးသားရေးဝါဒီများက တမီလ်သူပုန်များဘက်သို့လိုက်သည်ဟု ကုလသမဂ္ဂကို စွပ်စွဲခဲ့ပြီး တမီလ်လူမျိုးစုအတွင်းရှိ သဘောထားတင်းမာသူများကလည်း ၃၇ နှစ်ကြာ သီရိလင်္ကာ ပြည်တွင်းစစ်အတွင်း အရပ်သားများကို ကာကွယ်ပေးရန် ပျက်ကွက်မှုအတွက် ကုလသမဂ္ဂကို ဝေဖန်ကြသည်။
“တမီလ်အကြမ်းဖက်သမားတွေက ကျွန်တော်တို့ပြည်သူတွေကို ဗုံးကြဲပြီးသတ်ဖြတ်နေတဲ့အချိန်မှာ ကုလသမဂ္ဂက အသံတိတ်နေပါတယ်” ဟု ဗုဒ္ဓဘာသာဘုန်းတော်ကြီး အက်ခမီးမာနာဒါယာရက်နီက ပြောကြားခဲ့ပြီး ဆန္ဒပြသူများက ဘန်ကီမွန်ထံသို့ ပေးရန် အသနားခံစာ တစ်စောင်ကို ကုလသမဂ္ဂရုံးသို့ ပေးအပ်ခဲ့ကြသည်။
“အခုတော့ ကုလသမဂ္ဂကအကြမ်းဖက်မှုကိုနှိမ်နင်းခဲ့တဲ့အတွက် ကျွန်တော်တို့ကိုအပြစ်ပေးဖို့ စုံစမ်းစစ်ဆေးမှုတွေလုပ်ဖို့ တောင်းဆိုနေပါပြီ”ဟု အဆိုပါဘုန်းတော်ကြီးက ပြည်တွင်းစစ်အတွင်း ကျူးလွန်ခဲ့သော စစ်ရာဇ၀တ်မှုများအတွက် စုံစမ်း စစ်ဆေးမှုများပြုလုပ်ရန် ကုလသမဂ္ဂက သီရိလင်္ကာနိုင်ငံအား တောင်းဆိုထားမှုကို ရည်ညွှန်းလျက် ပြောကြားခဲ့သည်။
ကိုလံဘိုမြို့၏ လုံခြုံရေး တင်းကျပ်စွာ ချထားသော နေရာတစ်ခု၌ တည်ရှိသည့် ကုလသမဂ္ဂရုံး အပြင်ဘက်တွင် ရှိနေ သော ရဲအရာရှိတစ်ဦးက ငြိမ်းချမ်းရေးချိုးဖောက်မှုများကို ရှောင်ရှားရန်အတွက် ဆန္ဒပြပွဲများကို ကာကွယ်ရန် တရားရုံး အမိန့်စာတစ်ခု ရရှိထားကြောင်း ပြောကြားခဲ့သည်။ သူက “ကျွန်တော်တို့ ဒီလိုတားဆီးရပါတယ်။ ဘာဖြစ်လုိ့လဲဆိုတော့ ဆန္ဒပြမှုတွေကနေ မငြိမ်မသက်မှုတွေဆီ ဦးတည် သွားမှာစိုးလို့ပါ” ဟု ပြောကြားခဲ့သည်။
ဆန္ဒပြပွဲက ငြိမ်းချမ်းစွာ လူစုခွဲပြီးနောက် မကြာမီမှာပင် ကုလသမဂ္ဂရုံးအတွင်းသို့ ဘန်ကီမွန်၏ယာဉ်တန်း ၀င်ရောက် လာခဲ့သည်။ # Eleven
