မိုင်ဂျာယန်အစည်းအဝေး ဆုံးဖြတ်ချက်ချနိုင်ခြင်းမရှိ၊ အစိုးရနှင့် ဆက်လက်ညှိနှိုင်းမည်
၂၁ ရာစုပင်လုံညီ လာခံတက်ရောက်ရန် ငါးရက်ကြာကျင်းပခဲ့သော မိုင်ဂျာယန် တိုင်းရင်းသားလက်နက်ကိုင်အဖွဲ့ အစည်းများ မျက်နှာစုံညီအစည်းအဝေးတွင် ဆုံးဖြတ်ချက်ချ မှတ်နိုင်ခြင်းမရှိခဲ့ဘဲ အစိုးရနှင့် ဆက်လက်ညှိနှိုင်း သွားမည်ဖြစ်ကြောင်း သတင်းရရှိသည်။
မိုင်ဂျာယန်မျက်နှာစုံညီအစည်းအဝေးကို ၂၁ ရာစုပင်လုံညီ လာခံအကြိုညှိနှိုင်းရေး၊ ဖက်ဒရယ် ဒီမိုကရေစီ ပြည်ထောင်စုတည်ဆောက်ခြင်းဆိုင်ရာ ဘုံသဘောထား ရပ်တည်ချက်ချမှတ်ရေး ရည်ရွယ်ချက်နှစ်ခုဖြင့် ငါးရက် ကြာပြုလုပ်ခဲ့ခြင်းဖြစ်သည်။
ဇူလိုင် ၃၀ ရက် အစည်းအဝေးနောက်ဆုံးနေ့အပြီးတွင် ၂၁ ရာစုပင်လုံညီလာခံတက်ရောက်ရန် ဆုံးဖြတ်ချက် တစ်စုံတစ်ရာချ မှတ်နိုင်ခဲ့ခြင်းမရှိဘဲ အစိုးရနှင့် ဆွေးနွေးမှုများကို ဆက်လက်ပြုလုပ်မည်ဖြစ်ကြောင်း ပြောရေးဆို ခွင့်ရှိသူများက ပြောသည်။
ပင်လုံညီလာခံတက်ရောက်ရေးနှင့်ပတ်သက်ပြီး အစိုးရနှင့် ညှိနှိုင်းမှုများ ဆက်လက်ပြုလုပ်မည်ဖြစ်ပြီး ညှိနှိုင်းမှုများ ပြီးသည့်အချိန်တွင်ပါဝင်မည်ဟု ယေဘုယျ ပြောနိုင်ကြောင်း ကေအိုင်အို ထိပ်ပိုင်းခေါင်းဆောင် ဗိုလ်ချုပ်ဂွန်မော် က ပြောသည်။
7 Day Daily
