ကော့မှူးပြည်ခိုင်ဖြိုးပါတီ ပါတီဝတ်စုံပေးအပ်ပွဲကျင်းပ
ရန်ကုန် ဇန်နဝါရီ ၁၅
ရန်ကုန်တိုင်းဒေသကြီး ကော့မှူးမြို့နယ် ပြည်ခိုင်ဖြိုးပါတီမှ ပါတီဝတ်စုံပေးအပ်ပွဲကို မြို့နယ်အတွင်း ကျေးရွာများသို့ ကွင်းဆင်း ပေးအပ်လျက်ရှိရာ ယမန်နေ့နံနက်ပိုင်းတွင် ကော့မှူးမြို့နယ်အနောက် ခြမ်းတိုက်နယ်ရှိ ကျိုက်ထော်(မြောက်)ကျေးရွာ၊ ကျိုက်ထော်(တောင်) ကျေးရွာ၊ အောက်ကျောင်း ကျေးရွာများရှိ ပါတီဝင်များနှင့် တွေ့ဆုံ ကာ ပါတီဝတ်စုံများပေးအပ်ခဲ့သည်။ ပါတီဝင်များ၊ ရပ်/ကျေးပါတီ ကော်မတီများ၊ ရွာမိရွာဖများနှင့်တွေ့ဆုံရာတွင် မြို့နယ်ပါတီဥက္ကဋ္ဌ ဦးကျော်ဇင်ဟိန်းက လက်ရှိဖြစ်ပေါ်နေသော နိုင်ငံရေး၊ စီးပွားရေး၊ လူမှုရေးစသည့်အခြေအနေများ၊ ဒေသခံများ၏သုံးသပ်ချက်၊ မျှော် လင့်ချက်ယုံကြည်ချက်များအား ပွင့်လင်းမြင်သာစွာ အပြန်အလှန် မေးမြန်းဆွေးနွေးခဲ့ကြပြီး ပါတီရှေ့လုပ်ငန်းစဉ်များ၊ တိုင်းဒေသကြီး၊ ခရိုင်ညွှန်ကြားချက်များ ထပ်ဆင့်ရှင်းလင်းကာ ဒေသလိုအပ်ချက်များ အား အကြံပြုဆွေးနွေးခဲ့သည်။
ဆက်လက်၍ မြို့နယ်ပါတီနာယက(ပထမအကြိမ်လွှတ်တော် ကိုယ်စားလှယ်ဟောင်း)ဦးဝင်းထိန်က ၄င်းတို့ဆောင်ရွက်ခဲ့စဉ် အခြေ အနေများ၊ လက်ရှိဆောင်ရွက်သင့်သည့်အချက်များအား ဥပဒေ မူဘောင်များဖြင့် ရှင်းလင်းဆွေးနွေးခဲ့သည်။
အဆိုပါပါတီဝတ်စုံပေးအပ်ပွဲ ကွင်းဆင်းဆောင်ရွက်မှုကို မြို့နယ် ပါတီနာယကဦးဝင်းထိန်နှင့် မြို့နယ်ပါတီဥက္ကဋ္ဌ ဦးကျော်ဇင်ဟိန်း တို့ကဦးဆောင်လျက် မြို့နယ်ပါတီကော်မတီများ လိုက်ပါဆောင် ရွက်ခဲ့ကြောင်း သိရသည်။
မြတ်ဟိန်းကျော်(ကော့မှူး)
