မန္တလေးတိုင်းဒေသကြီးပါတီနှင့်ခရိုင်ပါတီဥက္ကဌများ Zoom Meeting ဖြင့်အစည်းအဝေးပြုလုပ်
(၂၉-၁၁-၂၀၂၂)ရက်နေ့ (၁၁)နာရီမှ(၁၂:၃၀)အချိန်ထိ မန္တလေးတိုင်းဒေသကြီးပြည်ခိုင်ဖြိုးပါတီမှ တိုင်းဒေသကြီး ပါတီကော်မတီနှင့် တိုင်းဒေသကြီးအတွင်းရှိခရိုင်ပါတီဥက္ကဌများ Zoom Meeting ဖြင့်အစည်းအဝေးကျင်းပပြုလုပ် ခဲ့ပါသည်။ အစည်းအဝေးတွင်ပါတီဗဟိုဌာနချုပ်၏ လမ်းညွှန်ချက်ဖြစ်သောပထမ(၃)လပတ်၊ ရက်(၉၀)စီမံချက်ပါ လုပ်ငန်းစဉ်များအကောင်အထည်ဖော် ဆောင်ရွက်ပြီးစီးမှုအခြေအနေများ ပြန်လည်တင်ပြရေးအတွက် ပါတီ ဗဟိုအလုပ်အမှုဆောင် တိုင်းဒေသကြီးပါတီဥက္ကဌ ဦးအောင်ကျော်မိုးက ရှင်းလင်းပြောကြားခဲ့ပြီး တက်ရောက် သူများကသိရှိလိုသည်များပြန်လည်မေးမြန်းတင်ပြခဲ့ပါသည်။ ယနေ့ကျင်းပသည့် Zoom Meeting ဖြင့်ပြုလုပ်သည့် အစည်းအဝေးသို့ ပါတီဗဟိုအလုပ်အမှုဆောင် တိုင်းဒေသကြီးပါတီဥက္ကဌဦးအောင်ကျော်မိုး၊ အတွင်းရေးမှုး ဦးညွန့်ဆောင်၊ ဘဏ္ဍာရေးမှုးဒေါ်သိင်္ဂီအောင်နှင့် တိုင်းဒေသကြီးပါတီကော်မတီဝင်များ၊ ခရိုင်(၁၁)ခရိုင်မှ ဥက္ကဌများ တက်ရောက်ခဲ့ကြပါသည်။
