” ဖြိုးစေတနာ ” သွားနှင့်ခံတွင်း (အခမဲ့)နယ်လှည့် ဆေးကုသရေးဆောင်ရွက်
ရန်ကုန် သြဂုတ် ၂၉
ရန်ကုန်တိုင်းဒေသကြီး ၊ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ၊ ဒဂုံမြို့သစ် မြောက်ပိုင်း မြို့နယ် မှ ဖြိုးစေတနာ သွားနှင့်ခံတွင်း ရောဂါများ နယ်လှည့်ဆေးကုသရေးအဖွဲ့သည် ယနေ့နံနက် ၉ နာရီ အချိန်က ဒဂုံမြို့သစ် မြောက်ပိုင်း မြို့နယ် ၊ အမှတ်(၄၄) ရပ်ကွက်ရှိ မိဘပြည်သူများအား အမှတ်(၄၄) ရပ်ကွက် စိတ္တသုခဓမ္မာရုံ၌သွားနှင့်ခံတွင်း ရောဂါများအား အခမဲ့ကွင်းဆင်းကုသဆောင်ရွက်ခဲ့ပါသည်။
အဆိုပါဆေးကုသရေးအဖွဲ့တွင် ရန်ကုန်တိုင်းဒေသကြီး ၊ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီမှ လူငယ်လှုပ်ရှားမှုတာဝန်ခံ နှင့် ဒဂုံမြို့သစ် မြောက်ပိုင်း မြို့နယ် ၊မြို့နယ်ပါတီကော်မတီဝင် ဒေါက်တာဇော်လင်းပြုံး မှ ကုသပေးခဲ့ပြီး မြို့နယ် ပါတီကော်မတီဝင် ဦးကျော်ထင်၊ နယ်မြေတာဝန်ခံ ဒေါ်မာလာရည်လွင်၊မြို့နယ်ပါတီကော်မတီဝင်ဦးမြင့်ဦးနှင့် အမှတ်(၄၄) ရပ်ကွက်ပါတီဥက္ကဌ ဒေါ်လင်းလင်းစိုး၊ရပ်ကွက်ပါတီဥက္ကဌများနှင့်ပါတီကော်မတီဝင်များမှ ပူးပေါင်းဆောင်ရွက်ခဲ့ကြပါသည်။
ဒဂုံမြို့သစ် မြောက်ပိုင်း မြို့နယ် ဖြိုးစေတနာ သွားနှင့်ခံတွင်း ဆေးကုသရေးအဖွဲ့သည် ရပ်ကွက်များသို့ တစ်လလျှင် နှစ်ကြိမ် ကွင်းဆင်းကုသ ပေးနေပြီး မြို့နယ်ပါတီရုံးတွင်လည်း အပတ်စဉ် တနင်္လာ နှင့် သောကြာနေ့ တိုင်း ဆေးခန်းဖွင့်လှစ်၍ အခမဲ့ကုသပေးလျှက်ရှိကြောင်း သိရှိရပါသည်။
# Mlyl (North Dagon)