၂၀၁၇ ခုနှစ် ကြားဖြတ်ရွေးကောက်ပွဲ၏ မဲပေးမှုရာခိုင်နှုန်းမှာ ၁၉၈၈ နောက်ပိုင်းပြုလုပ်သည့် ရွေးကောက်ပွဲ ငါးခုတွင် အနည်းဆုံးဖြစ်ခဲ့ပြီး သမိုင်းတစ်လျှောက် စံချိန်တင် အနည်းဆုံးအဖြစ် ရန်ကုန်တိုင်းဒေသကြီး လှိုင်သာယာ မဲဆန္ဒနယ်တွင် ၁၂ ရာခိုင်နှုန်းသာ မဲပေးခဲ့
၂၀၁၇ ခုနှစ် ကြားဖြတ် ရွေးကောက်ပွဲတွင် ပြည်သူ့လွှတ်တော် (၉) နေရာ၊ အမျိုးသားလွှတ်တော် (၃) နေရာ၊ ပြည်နယ်လွှတ်တော် (၇ နေရာ စုစုပေါင်း မဲဆန္ဒနယ် ၁၉ နေရာအတွက် မဲပေးမှု ရာခိုင်နှုန်းကို တွက်ချက်ပါက ၁၉၈၈ နောက်ပိုင်းပြုလုပ်သည့် ရွေးကောက်ပွဲများတွင် အနည်းဆုံးဖြစ်ခဲ့ပြီး သမိုင်း တစ်လျှောက် စံချိန်တင်မှုအဖြစ် ရန်ကုန်တိုင်းဒေသကြီး လှိုင်သာယာ မဲဆန္ဒနယ်တွင် ၁၂ ရာခိုင်နှုန်းခန့်သာ မဲပေးခဲ့ကြောင်း သိရသည်။
ယခုကြားဖြတ် ရွေးကောက်ပွဲတွင် မဲပေးပိုင်ခွင့်ရှိသူ ၂၁ သိန်းကျော် ရှိသည့်အနက် ခုနစ်သိန်းရှစ်သောင်း ကျော်သာ လာရောက်မဲပေးခဲ့ရာ ၁၉၉၀ အထွေထွေရွေးကောက်ပွဲ၊ ၂၀၁၀ အထွေထွေရွေးကောက်ပွဲ၊ ၂၀၁၂ ခုနှစ် ကြားဖြတ်ရွေးကောက်ပွဲ၊ ၂၀၁၅ ခုနှစ် အထွေ ထွေရွေးကောက်ပွဲများနှင့် ယှဉ်လျှင် ၂၀၁၇ ခုနှစ် ကြားဖြတ် ရွေးကောက်ပွဲတွင် မဲပေးမှုမှာ ရာခိုင်နှုန်း အနည်းဆုံးဖြစ်ခဲ့သည်။
ရွေးကောက်ပွဲ ၅ ခု၏ မဲပေးမှုအချိုးကိုကြည့်လျှင် ၁၉၉၀ ပြည့်နှစ် အထွေထွေ ရွေးကောက်ပွဲ၌ မဲပေးပိုင် ခွင့်ရှိသူ ၂၀၈၁၈၃၁၃ ဦးရှိခဲ့ပြီး လာရောက်မဲပေးသူ ၁၅၁၁၂၅၂၄ ဦးရှိသဖြင့် မဲပေးသူ ၇၂ ရာခိုင်နှုန်း၊ ၂၀၁၀ ပြည့်နှစ် အထွေထွေ ရွေးကောက်ပွဲတွင် မဲပေးပိုင်ခွင့်ရှိသူ ၂၉၀၂၁၆၀၈ ဦးရှိခဲ့ပြီး လာရောက်မဲပေးသူ ၂၂၄၂၁၁၂၃ ဦးဖြစ်သဖြင့် မဲပေးသူ ၇၇ ဒသမ ၂၆ ရာခိုင်နှုန်း၊ ၂၀၁၂ ခုနှစ် ကြားဖြတ်ရွေးကောက်ပွဲတွင် မဲပေးပိုင်ခွင့်ရှိသူ ၃၄၂၉၅၃၃၄ ဦးရှိပြီး လာရောက်မဲပေးသူ ၂၃၉၁၁၇၈၄ ဦးဖြစ်သဖြင့် မဲပေးသူ ၆၈ ဒသမ ၂၉ ရာခိုင်နှုန်း၊ ၂၀၁၅ ခုနှစ် အထွေထွေ ရွေးကောက်ပွဲတွင် မဲပေးပိုင်ခွင့်ရှိသူ ၃၄၂၉၅၃၃၄ ရှိခဲ့ပြီး လာရောက်မဲပေးသူ ၂၃၉၁၁၇၈၄ ဦး ဖြစ်သဖြင့် မဲပေးသူ ၆၉ ဒသမ ၇၂ ရာခိုင်နှုန်း အသီးသီးရှိခဲ့ကာ ယခုပြုလုပ်သည့် ၂၀၁၇ ခုနှစ် ကြားဖြတ် ရွေးကောက်ပွဲတွင် မဲပေးပိုင်ခွင့်ရှိသူ ၂၁၃၀၂၀၈ ဦးရှိပြီး လာရောက်မဲပေးသူ ၇၈၄၉၀၉ ဦးခန့်သာ ရှိခဲ့ခြင်းကြောင့် ရာခိုင်နှုန်းအားဖြင့် ၃၆ ဒသမ ၈၄ ရာခိုင်နှုန်းသာ ရှိကြောင်း သိရသည်။
အထက်ပါ ကိန်းဂဏန်းများကို ကြည့်လျှင် ရွေးကောက်ပွဲများ တစ်လျှောက် မဲပေးခွင့်ရှိသူနှင့် အမှန်တကယ် မဲပေးခဲ့သူ အချိုးအရ ယခု ၂၀၁၇ ကြားဖြတ်ရွေးကောက်ပွဲတွင် သိသိသာသာ လျော့နည်းကျဆင်း နေခြင်းမှာ အနည်းနဲ့အများ အံ့သြစရာ ဖြစ်ခဲ့ရသည်။
အထူးသဖြင့် ၂၀၁၇ ခုနှစ် ကြားဖြတ် ရွေးကောက်ပွဲတွင် NLD အနိုင်ရရှိသည့် လှိုင်သာယာမြို့နယ်၌ လာရောက် ဆန္ဒမဲပေးသူမှာ ၁၂ ဒသမ ၂၆ ရာခိုင်နှုန်းသာ ရှိခဲ့ပြီး ၂၀၁၅ ရွေးကောက်ပွဲတွင် လှိုင်သာယာမြို့နယ်၌ ဆန္ဒမဲပေးသူ ၃၆ ရာခိုင်နှုန်းကျော် ရှိခဲ့သည်ကိုကြည့်လျှင် ၁၂ ဒသမ ၂၆ ရာခိုင်နှုန်းသာ လာရောက်မဲပေးမှုမှာ ရွေးကောက်ပွဲ သမိုင်းတွင် အဆိုးရွားဆုံး စံချိန်တစ်ခုအဖြစ် မှတ်တမ်းဝင်စေခဲ့သည်။ # Eleven
