ပြည်ကြီးတံခွန်ပြည်ခိုင်ဖြိုးပါတီ ယဉ်ကျေးလိမ္မာသင်တန်းဖွင့်လှစ်
မန္တလေးတိုင်းဒေသကြီး၊ ပြည်ကြီးတံခွန်မြို့နယ် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီမှ နွေရာသီကျောင်းပိတ်ရက် ယဉ်ကျေးလိမ္မာ သင်တန်းဖွင့်ပွဲကို မတ်လ (၂၀) ရက် နံနက် (၉) နာရီအချိန်က ပြည်ကြီးတံခွန်မြို့နယ်၊ သင်ပန်းကုန်းရပ်ကွက်၊ မစိုးရိမ်ကျောင်းတိုက်၌ ပြုလုပ်ရာ ကျောင်းထိုင် ဆရာတော် ဦးသူရိယ၊ တိုင်းပါတီကော်မတီဝင် ဦးအောင်နိုင်ဦး၊ ခရိုင်ပါတီ ကော်မတီဝင် ဦးဝင်းလှိုင်ငြိမ်း၊ မြို့နယ် ပါတီ ဥက္ကဌ ဦးစိုးအေးနှင့် မြို့နယ်ပါတီကော်မတီဝင်များ၊ ရပ်ကွက်ပါတီအဖွဲ့များ တက်ရောက်ခဲ့ကြပြီး ဆရာတော် ထံမှ ငါးပါးသီလ ဆောက်တည်ခဲ့ကြသည်။
အဆိုပါ ယဉ်ကျေးလိမ္မာသင်တန်းသို့ သင်တန်းသား/သူ (၈၀)ဦး တက်ရောက်ကြမည်ဖြစ်ပြီး သင်တန်း ကာလမှာ (၁၁)ရက်ကြာမြင့်မည်ဖြစ်ကာ လိုအပ်သည့်စာအုပ်စာတမ်းများကို မြို့နယ် ပြည်ခိုင်ဖြိုးပါတီမှ ထောက်ပံ့ကူညီမည်ဖြစ်ကြောင်း သိရသည်။
# ပြည်ခိုင်ဖြိုး မန္တလေးတိုင်းဒေသကြီး
