မြန်မာနိုင်ငံတွင် ယနေ့ဖြစ်ပေါ်နေသော စီးပွားရေးအခြေအနေများနှင့်ပတ်သက်၍ ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ဗဟိုအလုပ်အမှုဆောင် ဒေါက်တာပွင့်ဆန်း (စီးပွားရေးနှင့်ကူးသန်းရောင်းဝယ်ရေး ဒုတိယဝန်ကြီးဟောင်း)အား တွေ့ဆုံမေးမြန်းမှု
မေး။ ဆရာ့အနေနဲ့ မြန်မာနိုင်ငံရဲ့ ယနေ့ စီးပွားရေးအခြေအနေကို ဘယ်လို ရှုမြင်သုံးသပ်မိပါသလဲ။
ဖြေ။ အတိုချုပ်ပြောရရင်တော့ သုံးပိုင်းခွဲပြီး ပြောလို့ရတာပေါ့။ လက်ရှိ အစိုးရအနေနဲ့ကတော့ မြန်မာနိုင်ငံရဲ့ စီးပွားရေးတိုးတက်မှုနှုန်း(GDP တိုးတက် မှုနှုန်း)ကောင်းတယ်။ အရှေ့တောင်အာရှ နိုင်ငံတွေထဲမှာ တိုးတက်မှုနှုန်းအကောင်း ဆုံးထဲမှာပါတယ်။ အခြေအနေတွေက ပြည်သူတွေပြောသလောက် မဆိုးဘူးလုိ့ ထင်နေတယ်။တစ်ဖက်က ပြည်သူတွေ ကျတော့လည်း နေ့စဉ်စားဝတ်နေရေးစရိတ် စကတွေ တက်လာတယ်။ ဝင်ငွေရပေါက် ရလမ်းတွေက မကောင်းဘူး။ အလုပ် အကိုင်အခွင့်အလမ်းတွေ ရှားပါးတယ်။ ဝင်ငွေထွက်ငွေ မမျှဘူး။ စီးပွားရေး မကောင်းဘူး။ ကျပ်တည်းတယ်လို့ ပြော ကြတယ်။ တစ်ခါစီးပွားရေးလုပ်ငန်းရှင် တွေ၊ စီးပွားရေးနယ်ပယ်ထဲမှာ ထဲထဲ ဝင်ဝင်လှုပ်ရှားနေသူတွေကျတော့ အလုပ် လုပ်လို့မကောင်းဘူး။ အမြတ်ရဖို့နေနေ သာသာ မရှုံးအောင် လုပ်ငန်းဆက်လက် ရပ်တည်နိုင်အောင် မနည်းရုန်းကန်နေရ တယ်။ လုပ်ခလစာတွေ ထုတ်လုပ်မှု စရိတ်တွေတက်လာလို့ အခက်အခဲတွေ ရှိတယ်လို့ပြောတယ်။ ဒါတွေကိုကြည့် ရင် ကျွန်တော့်အနေနဲ့ သုံးသပ်မိတာက မြန်မာ့စီးပွားရေးအခြေအနေဟာအစိုးရ၊ ပြည်သူနဲ့စီးပွားရေးလုပ်ငန်းရှင်တွေကြား မှာ သဟဇာတမဖြစ်ဘူး။ Harmonise မဖြစ်ဘူးပေါ့ဗျာ။ မြန်မာနိုင်ငံရဲ့စီးပွားရေး နဲ့ပတ်သက်ရင် ရှုမျှော်ချက်၊ ရှုမြင်ချက် (Vision)တွေပျောက်သလို ဖြစ်နေတယ်။ အစိုးရရဲ့စီးပွားရေးနဲ့ ပတ်သက်ရင် ဦး ဆောင်လမ်းညွှန်မှုအပိုင်း (Leadership) ပျောက်နေတယ်။ အဲဒီအခါမှာ အစိုးရနဲ့ စီးပွားရေးလုပ်ငန်းတွေ၊ လုပ်ငန်းရှင်တွေ ကြားမှာ ရှိသင့်ရှိအပ်တဲ့ အပြန်အလှန် ယုံကြည်မှု(MutualTrus)တွေ ပျောက် သွားတယ်။ အဲဒါအရေးကြီးတယ်။ တစ် ယောက်နဲ့တစ်ယောက် မယုံကြည်ရင် ဘာမှလုပ်လို့ မအောင်မြင်တော့ဘူး။ နောက်တစ်ခါ စီးပွားရေးလုပ်ငန်းတွေ ပြည်သူတွေဘက်မှာလည်း မအောင်မြင်မှု တွေဆုံးရှုံးမှု၊ ကျဆုံးမှုတွေများလာတော့ ကိုယ့်ရဲ့လုပ်ဆောင်နိုင်စွမ်း၊ ကိုယ့်ကိုယ် ကိုယ်ယုံကြည်စိတ်ချမှု(Self Confiden- ce) တွေ ကျဆင်းလာတာကို တွေ့လာရ တယ်။ ဒါတွေဟာ တိုင်းပြည်စီးပွားရေး အတွက် မကောင်းတဲ့လက္ခဏာတွေပဲလို့ ကျွန်တော်သုံးသပ်ပါတယ်။
မေး။ ဟုတ်ပါပြီဆရာ။ အဲဒီတော့ မြန်မာနိုင်ငံရဲ့ စီးပွားရေးအခြေအနေပြန် လည်ကောင်းမွန်မှန်ကန်လာဖို့ ပြန်ပြီးတော့ တည်ငြိမ်တိုးတက်လာဖို့ ဆရာ့အနေနဲ့ ဘယ်လိုများ အကြံပြုဝေဖန်လိုပါသလဲ။
ဖြေ။ ဒီကိစ္စက အရမ်းကျယ်ပြန့်တဲ့ အတွက် ကျွန်တော့်အနေနဲ့အားလုံး ကို ခြုံငုံပြီး အကျဉ်းချုပ်သုံးသပ် အကြံပြု လိုပါတယ်။ ပထမပိုင်း ကျွန်တော်ပြောခဲ့တဲ့ကိစ္စ၊ မြန်မာနိုင်ငံရဲ့ စီးပွားရေးဆိုင်ရာ ရှုမျှော်ချက် (Vision) ကို ပြန်လည်အသက် ဝင်လာအောင် လုပ်ရမယ်။ အာဏာရ ပါတီ၊ အာဏာရအစိုးရရဲ့ စီးပွားရေး ဆိုင်ရာမူဝါဒတွေ၊ရည်မှန်းချက်တွေ၊မဟာဗျူဟာ၊ နည်းဗျူဟာတွေဟာ တကယ် အလုပ်ဖြစ်ရဲ့လား။လက်တွေ့မှာ တကယ် အကောင်အထည်ဖော်နိုင်ရဲ့လားဆိုတာ ပြန်သုံးသပ်သင့်ရင် သုံးသပ်ပြီး ပြင်ဆင် ရမယ်။ ဘာဖြစ်လို့လဲဆိုတော့ အမှား ကြီးကိုအခြေခံပြီး တကယ်မဖြစ်နိုင်တဲ့ လမ်းကြောင်းပေါ် လျှောက်လှမ်းနေရင် တော့ အစိုးရရဲ့Leadership Role ဟာ ပျောက်နေမှာပဲ။
နောက်တစ်ခုက ပြည်သူတွေနဲ့ စီး ပွားရေးလုပ်ငန်းရှင်တွေကို မှန်ကန်ထိ ရောက်တဲ့(Effective and Effcient) လှုံ့ ဆော်အားပေးမှု (Motivation)တွေလိုနေ ပြီ။ ဒါမှသာ ပြည်သူလူထုနဲ့ စီးပွားရေး သမားများအနေနဲ့ ငါတို့လုပ်နိုင်ပါတယ်။ ဒီအခက်အခဲတွေကို ကျော်လွှားနိုင်ပါ တယ်။အောင်မြင်အောင် လုပ်နိုင်ပါတယ် ဆိုတဲ့ ကိုယ့်ကိုယ်ကိုယ် ယုံကြည်စိတ်ချမှု တွေ ပြန်လည်ခံစားရရှိမှာ ဖြစ်ပါတယ်။
လက်ရှိ စားသုံးသူပဲဖြစ်ဖြစ်၊ ကုန် သည်ပွဲစားပဲဖြစ်ဖြစ်၊ စီးပွားရေးလုပ်ငန်း ရှင်ပဲဖြစ်ဖြစ် စီးပွားအရေးအခြေအနေ တည်ငြိမ်တာကို ပိုပြီးတော့ ကြိုက်ကြ တယ်။ ကုန်ဈေးနှုန်းဆိုတာကျတိုင်းလည်း မကောင်းဘူး။ တက်တိုင်းလည်း မကောင်း ဘူး။ တည်ငြိမ်တဲ့စီးပွားရေးဝန်းကျင်ကို တည်ဆောက်ဖို့လိုမှာဖြစ်ပါတယ်။ အဲဒါ ကတော့ အစိုးရ၊ ပြည်သူ၊ လုပ်ငန်းရှင် တို့ ဝိုင်းဝန်းပြီးဖန်တီးရမှာ ဖြစ်ပါတယ်။
ကနေ့ အမေရိကန်နဲ့ တရုတ်နိုင်ငံ ကြားမှာ စီးပွားရေးဘက်ပြိုင်မှုတွေက မြန်မာနိုင်ငံအပါအဝင် တစ်ကမ္ဘာလုံးကို ရိုက်ခတ်တာတွေ့ရတယ်။ မြန်မာနိုင်ငံ မှာ စီးပွားရေး မတည်ငြိမ်မှုတွေရှိတယ်။ ဆိုးကျိုးတွေ ခံစားရတာကိုပဲ စိတ်ဓာတ် ကျစရာမလိုဘူး။ အဆိုးထဲက အကောင်း ရှာနိုင်ရမယ်။ အဲဒီအားပြိုင်မှုကနေ မြန်မာ နိုင်ငံရဲ့အခြေအနေ ပထဝီအနေအထား အရ ဘယ်လိုစီးပွားရေး အခွင့်အလမ်းတွေ ကို အမိအရဆုပ်ကိုင်နိုင်မလဲ။ ဒါကို အမိ ဖမ်းဖို့ လိုအပ်တယ်။ စီးပွားရေးလုပ်ငန်း ရှင်အပိုင်းက ဒီအခွင့်အလမ်းကို တွေ့ရှိ ခဲ့ရင် အစိုးရက အဲဒီအခွင့်အလမ်းရရှိ အောင် အောင်မြင်ဖို့ အစွမ်းကုန်ပံ့ပိုးကူညီ ရမယ်။ ဖြေလျှော့ပေးသင့်တာ ဖြေလျှော့ ပေးရမယ်။ အဲဒီအခွင့်အရေးက ခဏပဲ ပွင့်တာ။ကျွန်တော်တို့ စီးပွားရေးဘာသာ ရပ်က ဆရာမကြီးတစ်ယောက်ပြောဖူး တယ်။Strategic Window မြန်မာလို ဗန်းစကားဆိုရင်တော့ ‘ခွင်’ပေါ့။ ခဏပဲ ပွင့်တယ်။ အဲဒါတိုင်းပြည်အတွက် အမိ အရ ဆုပ်ကိုင်နိုင်ရမယ်။ မူဝါဒ၊ ဥပဒေ၊ လုပ်ထုံးလုပ်နည်းတွေက ခဏခဏ ပြောင်းလဲတာ မကောင်းဘူး။ တည်ငြိမ် မှုရှိတာ ကောင်းတယ်ဆိုပေမယ့် တိုင်း ပြည်နဲ့ပြည်သူတွေအတွက် အကျိုးရှိမယ့် ကိစ္စ၊ ခုနကပြောတဲ့ စီးပွားရေးခွင်မျိုး ပေါ်လာရင်တော့ အစိုးရအနေနဲ့ စီးပွား ရေးလုပ်ငန်းတွေ လုပ်ကိုင်နိုင်အောင် ဥပဒေ၊ လုပ်ထုံးလုပ်နည်းတွေကို လျင်လျင် မြန်မြန်ဖြေလျှော့ပေးသင့်ရင် ဖြေလျှော့ ပြီး ကူညီရမှာဖြစ်တယ်။ အဓိကက လူ နည်းစု၊အစုအဖွဲ့တစ်ခုတစ်ဦးတစ်ယောက် ရဲ့ အကျိုးဖြစ်ထွန်းမှုကို ဦးတည်တာ မဖြစ်ဖို့ဘဲ လိုပါတယ်။
