ရခိုင်ပြည်နယ်မှ တောင်သူလယ်သမားများအတွက် မျိုးစပါး ၁၄၀၀၀ တင်းအား တတိယအကြိမ်ပို့ဆောင်
“မိုခါ”မုန်တိုင်းဒဏ်သင့် ရခိုင်ပြည်နယ်မှတောင်သူလယ်သမားများ မိုးစပါးအချိန်မီစိုက်ပျိုးနိုင်ရန် မျိုးစပါး ၁၄၀၀၀ တင်းအား ဇူလိုင် ၈ ရက်က တတိယအကြိမ်အဖြစ် ထပ်မံပို့ဆောင်ပေးခဲ့ကြောင်း သိရသည်။
ဧရာဝတီတိုင်း၊မော်ကျွန်းနှင့်ဖျာပုံမြို့တို့မှ ဝယ်ယူခဲ့သည့် ပေါ်ဆန်းရင်မျိုးစပါး ၁၄၀၀၀ တင်းအား တပ်မတော်မော်တော်ယာဉ် ၆၃ စီးဖြင့်တင်ဆောင်၍ ပို့ဆောင်ပေးခဲ့ကြကြောင်း သိရသည်။
နယ်မြေခံတပ်မတော်သားများ၊ရဲတပ်ဖွဲ့ဝင်များနှင့် ဌာနဆိုင်ရာဝန်ထမ်းများက မျိုးစပါးများကို ကူညီတင်ဆောင် ပေးခဲ့ကြကာ ရခိုင်ပြည်နယ်သို့ ရောက်ရှိသည့် မျိုးစပါးများကိုလည်း သက်ဆိုင်ရာ တာဝန်ရှိသူများထံ စနစ်တကျလွှဲပြောင်းပေးအပ်လျက်ရှိကြောင်း သိရသည်။
“မိုခါ”မုန်တိုင်းဒဏ်သင့် ရခိုင်ပြည်နယ်အတွက်လိုအပ်သည့် မျိုးစပါးများအား အမျိုးသားသဘာဝဘေးအန္တရာယ် ဆိုင်ရာ စီမံခန့်ခွဲမှုကော်မတီ၏ စီမံလမ်းညွှန်မှုဖြင့် စိုက်ပျိုးရေး၊မွေးမြူရေးနှင့်ဆည် မြောင်းဝန်ကြီးဌာနမှ တင်ပို့ပေးနိုင်ရန်ဆောင်ရွက်လျက်ရှိသည်။
