တိုရွန်တိုချန်ပီယံဆုကို ဆီမိုနာဟာလပ်ရရှိ
အခုတစ်ပတ်ထုတ်ပြန်ခဲ့တဲ့ ကမ္ဘာ့အဆင့်ရပ်တည်ချက်မှာ ထိပ်ဆုံး ၁၀ ယောက်စာရင်းထဲ ပြန်ရောက်လာခဲ့တဲ့ ရိုမေးနီးယားတင်းနစ်မယ် ဆီမိုနာဟာလပ်ဟာ တိုရွန်တိုးအိုးပင်း အမျိုးသမီးတစ်ဦးချင်း ချန်ပီယံဆုကို ရရှိခဲ့ပါတယ်။ ဗိုလ်လုပွဲမှာ ဟာလပ်နဲ့ ဘရာဇီးနိုင်ငံသူ ဟာဒက်မီယာတို့ဆုံတွေ့ခဲ့တာဖြစ်ပြီး ပွဲကစားချိန် (၂)နာရီနဲ့ (၁၆)မိနစ်ကြာတဲ့အထိ ပွဲကအကြိတ်အနယ်ရှိခဲ့ပါတယ်။ ပွဲအပြီးမှာတော့ ဟာလပ်က (၆း၃၊၂း၆၊၆း၃)ဆိုတဲ့ ရလဒ်နဲ့ အနိုင်ရခဲ့ပြီး ချန်ပီယံဆုကိုရရှိသွားခဲ့တာဖြစ်ပါတယ်။ ဟာလပ်ရဲ့ ကစားသမားဘဝ (၂၄)ခုမြောက် WTA တိုးချန်ပီယံဆုဖြစ်ခဲ့သလို တိုရွန်တိုအိုးပင်းချန်ပီယံဆုကို ၃ ကြိမ်မြောက် ရယူနိုင်ခဲ့တာလည်းဖြစ်ပါတယ်။ ဟာဒက်မီယာနဲ့ ဆုံတွေ့ခဲ့တဲ့ပွဲတိုင်းက အမြဲခက်ခဲခဲ့သလို ပြိုင်ဘက်ကောင်းကိုအနိုင်ရပြီး ချန်ပီယံဆုရခဲ့လို့ ပျော်ရွှင်မိတယ်လို့ ပွဲအပြီးမှာဟာလပ်က ပြောသွားခဲ့ပါတယ်။
