ရေခဲစိမ် ကြက်တောင်ပံမှာ Covid-19 ပိုးတွေ့ရှိဟု တရုတ်ပြောဆို
ဘရာဇီးနိုင်ငံမှ တရုတ် နိုင်ငံတောင်ပိုင်း ရှန်ကျန်းမြို့သို့ တင်သွင်းသော အေးခဲကြက် တောင်ပံနမူနာများတွင် ကိုရိုနာ ဗိုင်းရပ်စ်များ စစ်ဆေးတွေ့ရှိ ကြောင်းယင်းမြို့၏ အစိုးရက ကြာသပတေးနေ့က ပြောကြား သောကြောင့် ညစ်ညမ်းနေသော အစားအစာ တင်သွင်းမှုများ ကြောင့် ရောဂါပျံ့နှံ့မှုများ ထပ်မံ ဖြစ်ပွားနိုင်သည်ဆိုသော စိုးရိမ်မှုများ ထွက်ပေါ်လာသည်။
ဘေဂျင်းမြို့တွင် နောက်ထပ် ရောဂါပျံ့နှံ့ရာ နေရာတစ်ခုသည် ယင်းမြို့၏ စင်ဖာဒီဒေသ အစားအစာ လက်ကားစင်တာတစ်ခုနှင့် ဆက်စပ်နေကြောင်း တွေ့ရှိခဲ့သည့် ဇွန်လနောက်ပိုင်း ပြည်ပမှ တင်သွင်းသော အသားများနှင့် ပင်လယ်စာများအား ပုံမှန်စစ်ဆေးမှုတစ်စိတ်တစ်ပိုင်းအဖြစ် ယင်းကြက်တောင်ပံများမှ ရယူထားသော အပေါ်ယံနမူနာများတွင် ဒေသတွင်း ရောဂါထိန်းချုပ်ရေးစင်တာများက ကိုရိုနာဗိုင်းရပ်စ်စစ်ဆေး တွေ့ရှိခြင်းဖြစ် သည်။
အီကွေဒေါမှ တင်သွင်းသောအေးခဲပုစွန်များ ထုပ်ပိုးထားရာ ပစ္စည်းများတွင် COVID-19 ရောဂါဖြစ်စေသော ကိုရိုနာဗိုင်း ရပ်စ်များ စစ်ဆေးတွေ့ရှိပြီး နောက်တစ်ရက်အကြာတွင် ဘရာဇီးမှ ကြက်သားများ၌ အထက်ပါ ကဲ့သို့ တွေ့ရှိခြင်းဖြစ်သည်။
တင်သွင်းသော အစားအစာများနှင့်ပတ်သက်၍ စိုးရိမ်မှုများရှိနေစဉ် တရုတ်အစိုးရက ဆိပ်ကမ်းများတွင် စစ်ဆေးမှုများ အရှိန်မြှင့် ပြုလုပ်နေသည်။
ဗိုင်းရပ်စ်များ ပါဝင်နေသော အစားအစာများနှင့် ထိတွေ့သူ အားလုံးကို ရှန်ကျန်း ကျန်းမာရေး အရာရှိများက ခြေရာခံစစ်ဆေးထားပြီး အားလုံးရောဂါကူးစက်မှု မရှိဟု တွေ့ရှိခဲ့သည်။
အဓိကဆိပ်ကမ်းများသို့ ဝင်ရောက်လာသော အသားနှင့် ပင်လယ်စာ ကွန်တိန်များအား စစ်ဆေးခြင်းအပြင် တရုတ်က ဘရာဇီးအပါအဝင် နိုင်ငံများစွာမှ အသားတင်သွင်းမှုများအား ဇွန်လ လယ်ကတည်းက ရပ်တန့်ထားသည်။ Ref: Reuters
