နျူကလီးယား ဖျက်သိမ်းရေး ခိုင်မာတိကျစွာ ဆောင်ရွက်ပြရန် မြောက်ကိုရီးယားကို ဂျပန်တောင်းဆို
နျူကလီးယား ဖျက်သိမ်းရေးနှင့် ပတ်သက်၍ ခိုင်မာတိကျသည့် ဆောင်ရွက်မှုမျိုး ပြသရန် မြောက်ကိုရီးယားကို ဂျပန် အစိုးရက တိုက်တွန်းလိုက်သည်။
ဂျပန်ဝန်ကြီးချုပ် ရှင်ဇိုအာဘေးက မြောက်ကိုရီးယား အနေဖြင့် ကိုရီးယား ကျွန်းဆွယ်တွင် နျူကလီးယားလက်နက် ကင်းစင်ရေး ဆွေးနွေးညှိနှိုင်းရန် လိုလားမှု ပြသလာသည့်အပေါ် ကြိုဆိုကြောင်း မတ်လ ၁၃ ရက်တွင် ပြောကြားခဲ့သည်။
အာဘေးသည် တိုကျိုတွင် တောင်ကိုရီးယား ထောက်လှမ်းရေးဌာန အကြီးအကဲ ဖြစ်သူနှင့် တွေ့ဆုံ ဆွေးနွေးရန် စီစဉ်ထားသည်။
မြောက်ကိုရီးယားခေါင်းဆောင် ကင်မ်ဂျုံအန်းသည် နျူကလီးယားလက်နက် ဖျက်သိမ်းရေး ကိစ္စနှင့် ပတ်သက်၍ မျက်နှာချင်းဆိုင် ဆွေးနွေးရန် အမေရိကန် သမ္မတ ဒေါ်နယ်လ်ထရမ့်ကို ကမ်းလှမ်းခဲ့ပြီး ထရမ့်ကလည်း လက်ခံထားသည်။
တောင်ကိုရီးယားသည် ထရမ့်နှင့်ကင်မ်တို့ တွေ့ဆုံရေးကိစ္စ ဖြစ်မြောက်စေရန် အစွမ်းကုန် ပံ့ပိုး တိုက်တွန်းနေပြီး တရုတ်နှင့် ဂျပန် အစိုးရများထံသို့လည်း ကိုယ်စားလှယ်များ စေလွှတ်ကာ ညှိနှိုင်းမှုများ ပြုလုပ်လျက်ရှိသည်။
တောင်ကိုရီးယား အစိုးရက ကင်မ်နှင့် ထရမ့်တို့ တွေ့ဆုံမှုသည် မေလတွင် အထမြောက်လာဖွယ် ရှိနေကြောင်း မှတ်ချက်ပေးထားသည်။ အိမ်ဖြူတော်ကမူ တွေ့ဆုံမှု မဖြစ်မြောက်မီတွင် မြောက်ကိုရီးယားဘက်က နျူကလီးယား ဖျက်သိမ်းရေးကို အမှန်တကယ် လိုလားကြောင်း ထင်ရှားမြင်သာသည့် လုပ်ဆောင်မှုများ ပြသရန် လိုအပ်မည်ဟု သတိပေး ပြောဆိုထားသည်။
Ref: ABC
