လုံခြုံရေးကောင်စီ ဆုံးဖြတ်ချက် မူကြမ်း ရုရှားပယ်ချ
အာရုံကြော ဆိုင်းသွားစေတဲ့ ဆာရင် ဓါတု ဓါတ်ငွေ့သုံး တိုက်ခိုက်ခံရသူတွေကို ဆေးကုပေးစဉ်
ဆီးရီးယား အစိုးရ အနေနဲ့ ဓါတုလက်နက်တွေ သုံးစွဲခြင်းရှိမရှိ စုံစမ်း စစ်ဆေးရေး လုပ်ငန်းကို အချိန်တိုးချဲ့ ဖို့ ကုလသမဂ္ဂ လုံခြုံရေး ကောင်စီမှာ ဆုံးဖြတ်ချက် မူကြမ်း ချပြရာမှာ ရုရှက ဗီတို နဲ့ ပယ်ချလိုက်ပါတယ်။ တရုတ် နဲ့ ကာဇတ်စတန်တို့က ကြားနေပြီး ဘိုလစ်ဗီးယားနဲ့ ရုရှားတို့က ကန့်ကွက်ကြလို့ အမေရိကန် ဘက်က ဆီးရီးယားကို ကိုင်တွယ်မဲ့ အရေးမှာ ရှုံးနိမ့်ခဲ့ပါတယ်။ ရုရှားဟာ သူရဲ့ မဟာမိတ်ဖြစ်တဲ့ ဆီးရီးယားကို ကာကွယ် တဲ့ အနေနဲ့ ဗီတို အာဏာသုံး ပယ်ချခဲ့တာ ကိုးကြိမ် မြောက် ရှိပြီ ဖြစ်ပါတယ်။
ကုလသမဂ္ဂဘက်က ဓါတုလက်နက် သုံးစွဲမှု တားဆီးတဲ့ စုံစမ်း စစ်ဆေးရေး အဖွဲ့ဝင်တွေကို ၂၀၁၃ ခုနှစ် ကတည်းက ဆီးရီးယား နိုင်ငံကိုလွှတ်ခဲ့ပြီး သမ္မတ အာဆတ်ရဲ့ ဓါတုလက်နက်တွေကို ဖျက်သိမ်းပစ်ရေး လုပ်ဆောင်ခဲ့တာ ဖြစ်ပါတယ်။ ဒုတိယတခေါက်ကတော့ ၂၀၁၅ ခုနှစ် မှာ ဖြစ်ပြီး ၂၀၁၆ ခုနှစ် အထိ ကြာမြင့်ခဲ့ပါတယ်။ လွန်ခဲ့တဲ့ ဧပြီလ က ခန်ရှေဟွန်းမြို့ ကို ဆီးရီးယား လေတပ် က ဆါရင် အဆိပ်ဓါတ်ငွေ့ နဲ့ ဗုံးကြဲ တိုက်ခိုက်တယ် ဆိုတဲ့ အထောက်အထား စစ်ဆေး တွေ့ရှိကြောင်း ကုလသမဂ္ဂ စုံစမ်းရေး အရာရှိတွေ က ပြောပါတယ်။
အခုလို ရုရှားက လုံခြုံရေး ကောင်စီ အဖွဲ့ဝင် တဦး အနေနဲ့ ဗီတိုမဲ နဲ့ ပယ်ချခြင်း အတွက် အလွန် ဝမ်းနည်းစရာ ကောင်းပြီး ဒီဓါတုလက်နက်တွေ ကြောင့် ဆီးရီးယားပြည်သူတွေ သေကျေ ဒဏ်ရာ ရကြတဲ့ အပေါ် မှာ နိုင်ငံရေး အမြတ်ထုတ်နေလို့ စိတ်မကောင်းတဲ့ အကြောင်း ကုလသမဂ္ဂ ဆိုင်ရာ အမေရိကန် လက်ထောက် သံတမန် မီရှဲ ဂျင်း စစ်ဆင် က ပြောပါတယ်။ ရုရှားဘက်ကလည်း ကုလစစ်ဆေးရေး အဖွဲ့ စုံစမ်းပုံ နည်းစနစ် နဲ့ စစ်ချက်တွေ အပေါ်မှာ အမြဲ ပြစ်တင် ဝေဖန်နေတာ ဖြစ်ပြီး ဆီးရီးယား အစိုးရ ကလည်း ဓါတုလက်နက် တွေ သုံးစွဲခြင်း မရှိတဲ့ အကြောင်း ငြင်းခဲ့တာချည်း ဖြစ်ပါတယ်။
အမေရိကန် နဲ့မဟာမိတ်တွေ ဟာ ရုရှ ကို ဖိအားပေးရအောင် လုံခြုံရေး ကောင်စီမှာ မဲ ရအောင် လုပ်နေတယ် လို့ ကုလသမဂ္ဂ မှာ ရုရှ သံအမတ်ကြီး ဗာဆီးလီး နီဘန်ဇီယာ က စွပ်စွဲခဲ့သလို အမေရိကန် သံအမတ်ကြီး နစ်ကီ ဟေလီကလည်း ရုရှဟာ အာဏာရှင်တွေနဲ့ အကြမ်းဖက် သမားတွေအပေါ် ဘက်လိုက်မှုတွေ ရှိနေတယ် လို့ တုန့်ပြန် လိုက်ပါတယ်။
(ဘီဘီစီ)
