ဘန်လေကို ရှုံးနိမ့်ပါက ပဲလေ့စ်နည်းပြ ဖရန့်ဒီဘိုးဝါး ရာထူးမှ ထုတ်ပယ်ခံရရန် သေချာသလောက်ရှိနေ
လာမည့်တနင်္ဂနွေနေ့တွင် ဘန်လေအသင်းကို ရှုံးနိမ့်ခဲ့ပါက ခရစ္စတယ်ပဲလေ့စ်နည်းပြ ဖရန့်ဒီဘိုးဝါးအနေဖြင့် ရာထူးမှ ထုတ်ပယ်ခံရဖွယ်ရှိနေသည်။
ဖရန့်ဒီဘိုးဝါး၏ ပဲလေ့စ်အသင်းသည် ရာသီအစပရီးမီးယားလိဂ် အဖွင့်ပွဲစဉ်သုံးပွဲစလုံးတွင် တစ်ဂိုးမှ သွင်းယူနိုင်ခြင်း မရှိခဲ့ဘဲ သုံးပွဲစလုံးရှုံးနိမ့်ထားသည်။
ဘန်လေကိုရှုံးနိမ့်ပြီး ရာထူးမှ ထုတ်ပယ်ခံရပါက ဒီဘိုးဝါးအနေဖြင့် ပရီးမီးယားလိဂ်သမိုင်းတွင် ပွဲအရေအတွက် အနည်းဆုံးဖြင့် ထုတ်ပယ်ခံရသော နည်းပြအဖြစ် မှတ်တမ်းဝင်သွားမည် ဖြစ်သည်။ ၂၀၀၆ ခုနှစ်က ချာလ်တန် နည်းပြဟောင်း လက်စ်ရိဒ်သည် ပွဲစဉ် ၇ ပွဲအပြီး ရာထူးမှ ထုတ်ပယ်ခံခဲ့ရကာ ပွဲအနည်းဆုံးဖြင့် ထုတ်ပယ်ခံရသော နည်းပြအဖြစ် မှတ်တမ်းတင်ထားသည်။
ဒီဘိုးဝါးက ဘန်လေနှင့်ပွဲတွင် ၄-၃-၃ ကစားကွက်ကို အသုံးပြုရန် စဉ်းစားနေသည်ဟု ပြောဆိုထားသည်။ ထိုကစားကွက်မှာ အေဂျက်ဇ်အသင်းတွင် ၎င်းအောင်မြင်မှုရခဲ့စဉ်က အသုံးပြုခဲ့သည့် ကစားကွက်ဖြစ်သည်။
-Ref; Daily Mail
